Egunero 2.300 dei eta 560 gertakari baino gehiago artatu dituzte larrialdi zerbitzuek
Larrialdi zerbitzuen lana goraipatu du gaur Estefania Beltran de Heredia Eusko Jaurlaritzako Segurtasun sailburuak; izan ere, egunero 2.300 telefono-dei eta 560 gertakari baino gehiago artatu zituen iaz. 112 telefono-zenbakirik gabe “Euskadin segurtasun publikoa zaila da”, onartu du sailburuak.
Datorren igandean 112aren Europako Eguna da. 2017an larrialdi zerbitzuak egindako lanaren balantzea egin dute gaur, Bilbon, sailburuak, Josu Zubiaga Segurtasun sailburuordeak eta Pedro Anitua Larrialdiei Aurre Egiteko eta Meteorologiako zuzendariak.
EAEko herritarren % 45ek noizbait 112 telefono-zenbakira deitzeko beharra izan dute, laguntza eskatzeko, sailburuak azpimarratu duenez.
Gainera, 8,3ko nota jarri diote EAEko herritarrek zerbitzuari.
112 telefonoak jasotzen dituen deien kopuruak behera egin du azken urteetan. 2017an ere joera berdina izan du zerbitzuak; gertakariek, ostera, gora egin dute.
Estefania Beltran de Heredia Segurtasun sailburua, Josu Zubiaga Segurtasun sailburuordea eta Pedro Anitua Larrialdiei Aurre Egiteko eta Meteorologiako zuzendaria. Argazkia: EFE
Konkretuki, SOS Deiak arreta zentroek 864.261 telefono-dei jaso zituzten 2017an, 2016an baino gutxiago (876.865) eta 2011n baino askoz gutxiago (1.246.207).
Gertakariek, aldiz, gora egin dute: 205.708 (194.669 artatu zituzten 2016an, eta 2011n 166.774).
Aurreko urteetan bezalaxe, gertakari gehienak larrialdi medikoak (% 23,22) izan ziren, ondoren arriskuak bide publikoan (% 21,08), pertsonen istripuak (% 14,72), herritarren segurtasuna (% 14,61) eta trafiko istripuak (% 10,97).
Larrialdi eta Babes Zibil Merezimenduaren dominak
Bestalde, aurten aurrenekoz Segurtasun Sailak Larrialdi eta Babes Zibil Merezimenduaren dominak banatuko dituela iragarri du Beltran de Herediak. Sarituak Alberto Iñurrategi, Juan Vallejo eta Mikel Zabalza Wopeak17 espedizioko mendizaleak izango direla jakinarazi du sailburuak.
2017ko uztailean Valerio Annovazzi Italiako alpinistaren erreskate zailean parte hartu zuten kirolariek, Gasherbrum II mendian, Himalaiako Karakorum mendilerroan. Annovazzi egoera kritikoan zegoen.
Hiru mendizaleek domina gorria jasoko dute Bilbon egin den ekitaldian, otsailaren 24an. Era berean, Segurtasun Sailak Maite Pascual gasteiztarra eta Unai Zubizarreta bilbotarra sarituko ditu.
Biak Gasteiz eta Bilbo lotzen zituen autobus batean zihoazen ekainaren 26an. Autobuseko gidariak konortea galdu zuen, eta bidaiariek bolantea hartu eta ibilgailuaren kontrolarekin egitea lortu zuten; beraz, erabakigarriak izan ziren istripua saihesteko.
Zure interesekoa izan daiteke
ELAk berretsi du CCOOko kide batzuek euskaldunen kontrako hizkuntza eskubideen aurkako kanpaina abiatu dutela
ELAk babes osoa adierazi dio AEKri, Korrikaren antolatzaileari, eta CCOOko zuzendaritza lasterketatik baztertzeko erabakia babestu du. ELA sindikatuak “euskararen aurka antolatutako kanpaina” baten parte izatea leporatu dio CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzeko erabakia hartu izana.
CCOO Korrikatik kanpo geratu da AEK-k lekukoa ez eramateko erabakia hartu ostean, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.
Espainiako Poliziaren buru ohiaren sexu erasoak berretsi ditu epailearen aurrean salaketa jarri zuen inspektoreak
Epaileak atzera bota du Poliziako buru ohia emakumearekin ez komunikatzeko salaketa-jartzaileak egindako eskaria, "arriskurik ez" dagoela iritzita.