Naiz, Gara eta Jone Goirizelaiaren aurkako 'Ugarteko'ren demanda ez dute onartu
Bilboko Lehen Instantziako 13. Epaitegiak guztiz gaitzetsi du 'Ugarteko' Ertzaintzako buruak Iñigo Cabacasen familiaren abokatu Jone Goirizelaiaren, Naizen, Gara egunkariaren, Iñaki Soto egunkari horretako zuzendariaren eta Iñaki Iriondo kazetariaren aurkako demanda. Athleticeko zale gazteak heriotza eragin zion pilotakada jaso zuen gauean, 'Ugarteko' arduradun zegoen, eta, demandan, 250.000 euro eskatzen zituen, "ohorean eta intimitatean pairatutako kalteengatik". Epaiak demandatu guztiak absolbitu ditu, euren kontra deduzitutako uziei dagokienez.
Naiz.infok jakitera eman duenez, epaitegiaren iritziz, Naizek, Garak, Iñaki Soto Gara egunkariaren zuzendariak, Iñaki Iriondo komunikabide horretako kazetariak, eta Jone Goirizelaia Iñigo Cabacasen familiaren abokatuak "ez zituzten euren funtzio profesionalak gainditu" Cabacas hil zen gauean 'Ugarteko'ren lana betetzen ari zen Ertzaintzako buruarekin lotutako jardueretan.
Epailearen iritziz, "egiazkoa da, iturriak fidagarriak eta benetakoak direlako" informazio jakin batzuen eta Iñigo Cabacasen heriotza eragiten duen pilotakadaren arteko lotura; informazio horiek, hain zuzen ere, "denarekin sartzeko" aginduari buruzkoak dira. "Une hartan, ez zegoen daturik jakiteko pilotakada hilgarria lehenago botatakoa zen ala ez; grabazioak entzunda, aukera zegoen hipotesi hori ondorioztatu ahal izateko, era zentzudun batean, eta ez da errugabetasun-presuntzioa urratu", gehitu du.
'Ugarteko' identifikatu izateari dagokionez (izen-deiturak argitaratu zituzten), epaileak hauxe dio: "Datuak garrantzia duenez, jendaurrean, informazio-askatasuna gailendu behar zaio auzi-jartzailearen intimitate-eskubideari".
Bestalde, Jone Goirizelaiaren adierazpenei buruz, epaiak dio "adierazpen-askatasunaren mugak errespetatzen dutela"; izan ere, ez da izan esamolde iraingarri edo laidogarririk”.
Horregatik guztiagatik, guztiz arbuiatu dute 'Ugarteko'ren demanda; horrek 250.000 euroko kalte-ordaina eskatzen zuen. Epaiaren aurrean, helegitea aurkeztu ahal da, ondorengo 20 egunotan, eta ez du ezartzen, espresuki, prozesu-kosturik.
"Osasunean izandako narriaduraren arrazoia"
Demandan, 'Ugarteko'k zioen abokatuak komunikabideen aurrean egindako adierazpenek eta horietan argitaratutakoek "osasunean pairatutako narriaduraren arrazoia" direla, bai eta "ibilbide profesionalean jasandako etenaldian".
Bere osasunari dagokionez, besteak beste, argudiatzen zuen tratamendu psikiatrikoa eta psikologikoa jaso zuela, hamazortzi hilabetean, "eta ondorio txarrak" izan zituela, gainera; adibidez, "norbaitek ezagutzeko edo erasotzeko beldurra, depresioa, eta nortasunaren eraldaketa".
Lanaren gainean, aseguratzen zuen ibilbide profesionalaren amaiera ekarri ziola, bai eta sufrimendu handia: "Egoera bidegabea zen, neure buruarengan nuen konfiantza eta segurtasuna galdu nuen, lanpostuan behartuta lekualdatu ninduten, eta 120 lagunen gainean nuen agintea bertan behera geratu zen".
Naizen, Gararen eta horren zuzendariaren eta kazetariaren aurkako akusazioek oinarria zituzten irratiko elkarrizketa jakin batzuk, alegia, Iñigo Cabacas hil zen gaueko irrati-elkarrizketak. 'Ugarteko'ren aginduak entzuten dira grabazioetan.
Demandan, Ertzaintzako buruak salatzen zuen, halaber, Garak eta Naizek haren izen-deiturak ere argitaratu zituztela; horrek kaltea handitu zion. Gainera, haren esanetan, "jazarpen pertsonal bat zegoen, Iñigo Cabacasen heriotzan ardurak ematen zizkiotelako, nahiz eta bera ez dagoen inputaturik auzi horretan".
Zure interesekoa izan daiteke
Gizon batek bikotekidea hil du Pontevedran eta bere buruaz beste egin du ondoren, atxilotu aurretik
Emakumearen gorpua ahizpak aurkitu du, bere etxebizitzako lurrean, eta gizona ihes egiten ikusi du. Gizona etxebizitza batean gotortu da eta Guardia Zibila berarekin negoziatzen aritu da arratsalde osoan, entregatu zedin, baina bere buruaz beste egin du azkenean.
Lau urteko haur bat oso larri Oionen, bigarren solairutik erorita
13:30 aldera gertatu da istripua, eta helikopteroz eraman dute Gurutzetako ospitalera, buruan kolpe handi bat zeukala.
Talde animalistek protestak egin dituzte Bilbon eta Iruñean, ehizaren eta ehiza-txakurren erabileraren aurka
Espainiako Estatuko 44 hiritan eta beste 41 herrialdetan izan da mobilizazioaK, Galgoaren Munduko Egunarekin bat eginez.
Diru bilketa abiatu dute Aroztegia auzian zigortutako zazpi kideei jarritako isunei aurre egiteko
Zazpi ekintzaileek ez zuten kartzela zigorrik jaso, baina 62.000 euroko isuna ordaintzera kondenatu zituzten. Isunez gain, defentsa eta gainerako gastuak ordaintzeko bilketa egingo du orain Aroztegiko Elkartasun Komiteak.
Joko areto baten aurka protesta egiteagatik auzipetutako Sopelako lau gazteen aurkako epaiketa atzeratu dute, data jarri gabe
32 urteko kartzela zigorra eta 112.400 euroko isuna eskatu dute lau sopeloztarrentzat. Auzia birritan artxibatu dute, eta akusazio partikularra da pertsonatutako akusazio bakarra. Hain justu, auzipetuei elkartasuna adierazteko manifestazioa egin zuten atzo Sopelan.
Osasun Sailak zehaztu du iraungitako txerto hexabalenteak Iztietako (Errenteria) eta Ondarretako (Donostia) osasun-zentroetan jarri zituztela
Osakidetza hasi da kaltetutako 30 pertsonak (25 haurtxo eta 5 heldu) berriro txertatzen. Iraungitako txerto tetrabalentea edo hirukoitz birikoa jaso zutenek (75 bat lagun) asteon jasoko dute gertakin zuzena.
Matrikulazioa % 5 jaitsiko dela uste du Hezkuntza Sailak, baina ikasturtean zehar heldutako ikasleekin orekatu daitekeela erantsi du
Begoña Pedrosa Hezkuntza sailburuak azaldu duenez, matrikula kopuruak % 5 inguru egin du behera, datu demografikoak kontuan hartuta egindako estimazioen arabera. Dena dela, iragarri du beherakada "matrikulazio biziak" konpentsatuko duela; izan ere, irailetik 5.400 ikaslek eman dute izena EAEko hezkuntza sisteman.
Gidari bat ikertzen ari dira istripu batetik ihes egin eta alkoholemia proba egiteari uko egiteagatik
Ertzaintzak ikertu gisa inputatu du bart Trapagaranen beste ibilgailu baten kontra istripua izan eta ihes egiten saiatu zen gidari bat, bide-segurtasunaren aurkako ustezko delitu bat egotzita. Eusko Jaurlaritzako Segurtasun Sailak jakinarazi duenez, larunbatean, 21:00ak aldera, bi ibilgailuk talka egin zuten Bizkaiko udalerri horretan, eta gidarietako bat bertan artatu behar izan zuten. Beste gidaria, onik atera zena, ihes egiten saiatu zen, baina agenteek geldiarazi egin zuten. Gizonak uko egin zion alkoholemia proba egiteari.
Hiru pertsona artatu dituzte Usurbilen, sute batean kea arnasteagatik, eta beste bat Errenterian
Usurbile, hiru pertsonak tokian bertan artatu dituzte, baina Errenterian, Donostia Ospitalera eraman behar izan dute emakume bat. Barañaingo supermerkatu batean ere sutea izan da larunbat honetan baina ez da inor zauritu.
Manteroen kontrako "poliziaren esku-hartze bortitza" salatu dute dozenaka lagunek Bilbon
Mbolo Moye Doole eta Manteroekin bat! plataformek deituta, ostegunean Ertzaintza eta Udaltzaingoa manteroen aurka indarkeriaz aritu zirela salatu dute. Horien esanetan, "ez da gertaera isolatua izan", hilero jazotzen baitira halakoak.