Unesco Etxearen 'Eman minutu 1' 2018 sarien banaketa, zuzenean, eitb.eus-en
UNESCO Etxearen 'Eman minutu 1' Ikus-Entzunezko Piezen Nazioarteko VIII. Lehiaketaren sari-banaketa ekitaldia zuzenean eskainiko du EiTBk ostiral honetan, 20:00etatik aurrera, eitb.eus webgunearen bidez.
Ekitaldia streaming bidez eskainiko dute Interneten; NBEko zuzenean, GIH atari tematikoan jarraitzeko aukera dago. EiTBk espresuki sortu duen webgunea da, gaiari buruz argitaratzen diren albiste, bideo eta audio guztiak jasotzeko.
Aurtengo edizioa 'Hezkuntza Inklusibo eta Ekitatiboari' eskainiko diote, NBEren Garapen Iraunkorrerako 17 Helburuetako (GIH) bat. Xedeak 2015ean onartu zituen NBEk 2030 agendaren barruan, pobreziarekin bukatzeko, Lurra babesteko eta datorren hamarkadaren hasieran pertsona guztientzako oparotasuna ziurtatzeko helburuarekin.
Zeremonia EiTBren Bilboko Multibox aretoan izango da, eta bertan bideo finalistak proiektatuko dira. Ondoko kategorietan banatuko dituzte sariak:
-Eman minutu 1: Kategoria nagusia.
-Ekin eta Egin Saria: 18 urtetik beherakoei zuzenduta.
-UNESCO Etxea Saria: Kategoria honetan irizpide hau balioetsiko da: mezua eta mezu hori zenbateraino datorren bat UNESCOk, eratu zenean, Giza Garapen Iraunkorra lortzeko bere gain hartu zuen helburuarekin.
-Eusko Ikaskuntza saria: euskarazko minuturik onena.
-EIKEN aipamena: Euskadiko ikus-entzunezko piezarik onena sarituko da hau da, teknika digitalen erabilera hobekien bultzatzen duena
-Kalitatezko proposamena, berritzailea eta orijinala izan beharko du, aurretik saritu gabea.
Ana Urrutiak aurkeztuko du ekitaldia, eta Iñigo Iraultza Iru aktoreak eta Rita Tell musikariak parte hartuko dute.
Aretoko segurtasun-arrazoiak direla eta, ekitaldira joateko ezinbestekoa da baieztatzea on-line izen-emate orriaz, e-postaz:dame1minutode@unescoetxea.org edo telefonoz: 94 427 64 32.
Albiste gehiago gizartea
Urduritasuna nagusi Bilbon, Marijaia noiz iritsiko zain
19:00etan egingo diote harrera Bilboko jaietako erreginari, Arriaga Antzokiko balkoian. Txupina lehertzearekin batera hasiko da festa, eta handik ordubetera irekiko dute txosnen esparrua.
'Aita Mari' ontziak migratzaileak zeramatzaten bi ontzi lagundu ditu, Mediterraneo erdialdera abiatu eta ordu gutxira
Horietako batek 15 migratzaile zeramatzan, tartean bost haur eta hiru emakume; besteak, 30 pertsona, horien artean zazpi adingabe. Aljeriatik iritsitakoak, bidaiari gehienak Saharaz hegoaldeko Afrikakoak dira.
40 gradutik gorako tenperaturak, Euskal Herriko hainbat herritan
Euskalmetek Zornotzan duen estazioan 41,6 ºC neurtu dituzte, Iurretakoan 41,5 eta Bilboko Zorrotza auzokoak, berriz, 40,8. Gipuzkoan, aldiz, termometroak 40,6 gradura iritsi dira Arrasaten. Araban eta Nafarroan ere, termometroak 40 ºC-tik gertu ibili dira.
Lodosako langile bat hil da Bartzelonako Ebroko lantegian
Langilea asteartean hil zen, eta enpresak "doluminak" helarazi dizkie haren senide eta lagunei. Lodosa Kirol Elkarteak ere doluminak eman dizkie haren ingurukoei, elkarteko jokalari ohia baitzen.
:eitb-banner?$eitb-banner$&fmt=webp-alpha&qlt=80)
Araban, Erriberagoitiko hainbat herrik basoa garbitu eta segurtasun perimetroa egin dute etxebizitzen inguruan
Lasierra Erriberagoitian (Araba) artadiz inguratutako herri bat da, dozena bat biztanlekoa. Orain dela bi urte, hiru hektareako segurtasun perimetroa egin zuten. Aldundiaren dirulaguntzarekin, astebetez zortzi langilek basoa garbitu zuten. Lan horiek mantentzeko, ordea, ganadua eta artzainak beharrezkoak direla adierazi dute herritarrek.
Juan Mari Aburtok Aste Nagusi zirraragarri, aske eta seguru baten alde egin du
Bilboko alkate Juan Mari Aburtok herritarrek Aste Nagusiaz askatasun eta segurtasun giroan gozatzea nahi du. Horren arabera, Jai Batzordea ikuspuntu ezberdinak batzeaz arduratzen da, "munduko jairik onenak" izateko. Gainera, errespetua eta bizikidetza eskatu ditu, Aste Nagusiaz harmonian gozatzeko.
Bero sapa Euskal Herrian, 45 ºC inguruko tenperaturekin
Bero itogarriak ez du etenik emango asteburuan. Hala ere, alerta laranjak Arabara eta Nafarroara mugatuko dira.
Pasealeku Berriko igeriketa zeharkaldian parte hartzen ari zen gizon bat hil da
Igerilariak geldialdi kardiobaskularra izan du uretan, eta Kontxako hondartzara eraman dute. Larrialdi zerbitzuko kideak gizona suspertzen saiatu dira, baina ez dute lortu haren bizia salbatzea.
Juan Mari Aburtok ohorezko aurreskua dantzatu du aurten ere
Urtero bezala, Bilboko alkateak ohorezko aurreskua dantzatu du Begoñako Ama Birjinaren egunean. Beroa handia izan bada ere, alkateak ez du hutsik egin nahi izan.
Sei egunez aktibo egon den Zarrakazteluko baso-sutea, itzalita
Astelehenera arte ez zen lortu asteazkenean kontrolpean izan zuten sua inguratzea eta egonkortzea. Nafarroan sute-arriskua oso handia edo muturrekoa da oraindik.