Argara isuritako gasolioa kontrolpean dago, Nafarroako Gobernuaren esanetan
Atzo gai arriskutsuak zeramatzan kamioi zisterna batek istripua izan zuen Antsoainen eta 10.000 litro gasolio isuri zituen Arga ibaira. Gaur eguerdian isuria Gareseraino iristen zen, baina arazoa kontrolpean dagoela azpimarratu du Nafarroako Gobernuak. Arga ibaiaren ur emari handiak eta uraren tenperatura handiak lagundu omen du ibaira isuritako 10.000 litro gasolioren eragina txikitzeko.
Eva Garcia Ingurumen eta Lurralde Antolaketako zuzendari nagusia, Salvador del Pino basozainen nagusia eta Jose Garcia Falces Iruñeko basozainen burua Sanduzelai auzora joan dira Arga ibaiaren egoera bertatik bertara ikusteko. Izan ere, Nafarroako suhiltzailek hesi bat jarri dute bertan isuria gehiago hedatu ez dadin. Horrez gain, beste hiru hesi jarri dituzte.
Garciak kazetarien aurrean azaldu duenez, gasolio orbanaren jarraipen iraunkorra egiten ari dira, baina ebaluazio zehatzagoa ezagutzeko astelehenera arte itxaron beharko da. Dena den, ingurumenean eragin duen kaltea uda sasoian gertatu izan balitz baino txikiagoa izango dela nabarmendu du.
Gasolio orbana Garesera gerturatzen ari dela-eta isuria gelditzeko hesi bat jarri dute bertan. "Ea hor hobeto kontrolatzeko gai garen", gaineratu du. Hala ere, inguruan dauden zentral hidroelektrikoek egoera zaildu dezaketela ohartarazi dute agintariek.
Gau osoan zehar suhiltzaileak, uretako erreskate taldea eta basozainak lanean aritu dira isuri handiago bat saihesteko. Hala ere, gasolioa ibairaino heldu da euri-uren kanalizaziorako bideetatik. Hori dela eta, ibaian zehar hesiak jarri behar izan dituzte orbana gehiago hedatu ez dadin.
Erregaia ur azalean gelditzen da eta, ondorioz, horren azpitik dauden arrainak ez ditu kaltetzen, ez handiak eta ezta txikiak ere.
Bestalde, ubarroi eta ahateen egoeraren inguruko kezka zabaldu da eta ahate bat erretiratu behar izan dute. Dena den eta Garcia Falcesen esanetan, animalia horiek uretatik bereizten dituen geruza iragazgaitza dute, beraien mesederako.
Isuriak eragindako kostu ekonomikoari dagokionez, Eva Garciak azpimarratu du gai arriskutsuak eramaten dituzten garraiolariek kasu hauetarako aseguru bat izatera behartuta daudela eta kalteen zenbatekoa egitekoa ezinbestekoa dela ondoren erreklamazioa egiteko.
Etxebizitzak hustu dituzte
56 etxebizitza jendez hustu dituzte bart Antsoainen, istripuaren ondorioz.
Bestalde, erregaia ateratzeko maniobrak egin baino lehen oztopoak jarri zituzten, bai lehorrean eta baita Arga ibaian ere. Gainera, segurtasun perimetroa ezarri zuten eta, badaezpadako neurri gisa, istripua izan den tokitik gertu dagoen etxebizitza eraikina jendez hustu zuten.
Albiste gehiago gizartea
Albiste izango dira: udako helmugarik gogokoenak, abisu horia beroagatik eta elkarrizketa Domingori
Gaurkoan albiste izango direnen laburpena, bi hitzetan.
Hiru pertsona zauritu dira Cadreitan, zezen batek harmailetara salto egin eta gero
Zezen bat harmailetara igo zen errekortari baten atzetik, Cadreitan (Nafarroa). Animaliak errekortaria eta gradetan zeuden bi zauritu zituen. Ekitaldia aldi baterako bertan behera geratu zuten.
Udako helmugarik gogokoenak: Nora goaz euskal herritarrok oporretan?
Zenbaki handietatik haratago, hurbiltasunak pisu handia du uda sasoiko joan-etorrien mapa marrazterakoan, nahiz eta Mediterraneoak eta hirigune handiek erakargarritasunari eusten dioten.
Santurtzik eta Donostiak arrantzaleen zaindaria den Karmengo Amaren eguna ospatu dute
30.000 pertsona inguru hurbildu dira Santurtziko (Bizkaia) itsas prozesioa ikustera. Donostian, urtero bezala, Gipuzkoako Arrantzaleen Kofradien Federazioak omenaldia egin die arrantzale eta saregile erretiratuei.
Domingok, Torre Pachecon erasoa jasan zuen gizonak, EITBrentzat hitz egin du: "Gerta daitekeen gauzarik onena herrian egoera baretzea da"
Erasoa gertatu eta astebetera, Domingo lagunekin elkartu da berriro. Oraindik begi batean arazoak dituen arren, fisikoki ondo dagoela esan du. Herriko egoera laster baretzea espero du eta "filmeko protagonista" ez duela izan nahi esan du.
Elgoibarko alkatea: "Ezbeharraren unean 10 bat pertsona zeuden kiroldegian, horietako lau igerilekuetan, eta azkenean hiru artatu behar izan dituzte: langile bat eta bi erabiltzaile"
Hiru pertsona arnasteko arazo arinekin eraman dituzte gaur Mendaroko ospitalera, Elgoibarko (Gipuzkoa) Olaizaga kiroldegian gas toxikoa arnastu ondoren. Istripu kimikoa gertatu da instalazioen barruan. 14:30 aldera ezbehar baten ondorioz azido klorhidrikoa eta sodio hipokloritoa nahastu dira igerilekuetan.
Hiru pertsona ospitaleratu behar izan dituzte Elgoibarko Olaizaga kiroldegian gas toxikoa arnastu ondoren
14:30 aldera, istripu baten ondorioz, azido klorhidrikoa eta sodio hipokloritoa nahastu dira kiroldegiko igerilekuetan. Bi produktu horiek igerilekuak garbi mantentzeko erabiltzen dira normalean, baina nahasketa horrek "gas-hodei arriskutsua eragin du".
Tokiko erakundeetan euskara lehenesten duten hainbat artikulu baliogabe utzi ditu Auzitegi Gorenak
Auzitegi Gorenak atzera bota du Eusko Jaurlaritzak EAEko Auzitegi Nagusiaren epaiari jarritako errekurtsoa, eta bertan behera utzi ditu euskaldunen hizkuntza-eskubideak bermatzeko egin zen 179/2019 dekretuaren artikuluetako batzuk. Epaia "euskararen normalizazioaren aurka ez ezik, euskal gizartearen eta erakundeen borondatearen aurka" doala salatu du Kontseiluak.
Gorotzak agertu dira Bizkaiko hainbat igerilekutan: "Arraroa da hainbeste aldiz gertatzea, erronka birala izan daiteke"
Azken egunotan Sopelako eta Urduñako hainbat igerileku itxi behar izan dituzte, uretan gorotzak (kaka) agertu direlako. Zikinkeria horren jatorria sare sozialetan zabaldu eta birala egin den erronka batean legoke, antza. Egoerak haserrea eragin du erabitzaileen artean.
Araudi berri batek aukera emango die pazienteen elkarteei osasun-sisteman gehiago eragiteko
Osasun sailburuak araudi horren garapena iragarri du, eta elkarteei adierazi die “gertu eta oso aktibo behar” dituztela Osasun Ituneko neurriak ezartzeko eta sistema eraldatzeko fasean.