Jose Maria Setien Donostiako gotzain emeritua hil da
Jose Maria Setien Donostiako gotzain emeritua hil da bart Donostia Ospitalean igandean izandako iktusaren ondorio larriak ezin gaindituta.
Setien "oso larri" eraman zuten igandean erietxera, eta Zainketa Intentsiboen Unitatean egon da ordudanik.
Gotzaindegiak ohar batean jakinarazi duenez, gaur bertan zabalduko dute hil kapera, 14:00etan. Donostiako Artzain Onaren katedralean paratuko dute, eta nahi dutenek 20:00ak arte bisitatu ahalko dute. Asteazkenean, 08:00etatik 12:00etara egongo da zabalik.
Hileta eguerdian egingo dute, asteazkenarekin, Donostiako katedralean, eta Munillak emango du meza.
Elizkizunen ostean, Setienen gorpua katedraleko presbiterioan ehortziko dute, "berak hala eskatuta". Katedralean dagoen Donostiako laugarren gotzaina izango da Setien.
Ikasketak eta apaizgoa
Jose Maria Setien Alberro Hernanin jaio zen 1928an. Eliz ikasketak Gasteizko Seminarioan eta Erromako Gregoriana Unibertsitatean egin zituen. Han lortu zituen Teologiako lizentziatura eta Zuzenbide Kanonikoan doktoretza.
1951n apaiztu zen. Gero, 1955ean, Teologia Moraleko irakasle izendatu zuten Gasteizko Seminarioan. 1960tik aurrera, Salamancako Eliz Unibertsitateko irakasle izan zen, bai Zuzenbide Kanonikoko Fakultatean bai Teologiakoan, eta azken fakultate horretako dekano ere izan zen.
Gotzain emeritua, EFEren beste artxiboko argazki batean.
Ia 30 urte Donostiako Gotzaindegiaren buru
Espiritu-bizitzako zuzendari izan zen Gasteizko Seminarioan, eta Salamancako 'Salbatore' bokaziodun helduen ikastetxeko arduradun gisa ere jardun zuen. Ondoren, Pastoraltzarako bikario nagusi izendatu zuten, aldi batez, Santanderko elizbarrutian.
1972an Zama Minorko gotzain nagusi eta Donostiako elizbarrutiko gotzain laguntzaile izendatua izan zen. Urte berean, karguan haren aurrekoak, Jazinto Argaiak, gotzain sagaratu zuen.
1979tik 2000. urtera arte izan zen Donostiako gotzain. Juan Maria Uriartek hartu zion lekukoa, eta 2010ean, Jose Ignacio Munilla gaur egungo prelatuak.
Setien, Uriarte gotzain egin zeneko elizkizunean. Gipuzkoako Gotzaingoak bidalitako argazkia
2003an Gipuzkoako Urrezko domina eman zion Foru Aldundiak, "giza-egiaren eta gizabidearen zerbitzuan egindako lanarengatik".
Politikagintzan ere arrastoa utzi zuen Setienek. Gaur asko izan dira bere ibilbideari buruz mintzatu direnak, besteak beste, Iñigo Urkullu lehendakaria, Maddalen Iriarte EH Bilduko legebiltzarkidea edota Alfonso Alonso Euskadiko PPko burua.
Hainbat liburu idatzi zituen, besteak beste, "Un obispo vasco ante ETA" (Gotzain bat ETAren aurrean), "Laicidad del Estado e Iglesia" (Estatuaren Laikotasuna eta Eliza), "De la Etica y el Nacionalismo" (Etikari eta Nazionalismoari buruz), "Cartas a las comunidades contemplativas" (Komunitate kontenplatiboei gutunak) edota "Conversaciones con Eugenio Ibarzabal, Erein" (Erein Eugenio Ibarzabalekin elkarrizketak). Beste idatzien artean aipatzekoak dira "Naturaleza de las Ideologias modernas y dignidad de la persona humana" (Ideologia modernoen eta gizakien duintasunaren natura) eta "Krisi etikoa gainditzeko oinarrizko printzipioak".
Heriotzaren harira, Setien, hitzen boterea dokumentala eskainiko dute gaur gauean, 22:30etik aurrera, ETB1ek eta eitb.eus-ek.
Zure interesekoa izan daiteke
Miguel Angel Montes, Iruña Okako alkatea: "Ez da kalte pertsonalik ezta materialik izan, dena kontrolpean dago"
Gauerdia pasata, Iruña Okan epizentroa duen 4 graduko lurrikara batek Araba astindu du. Miguel Angel Montes alkateak berak adierazi duenez, ez da inolako kalterik izan herrian. Gainera, alkateak lasaitasuna helarazi du, Eusko Jaurlaritzako eta Arabako Foru Aldundiko adituen txostenak eta ondorioak jasotzeko zain.
Gutxienez lau pertsona hil dira Tenerife hegoaldean, itsas kolpe baten ondorioz
Gainera, desagertuta jarraitzen du oraindik pertsona batek, eta bilaketa lanek aurrera jarraitzen dute.
Sokonuskoa, kakao mexikarretik eta gozogile bilbotarren eskutik jaiotako turroia
Bizkaiko gozotegiak galtzak bete lan dabiltza Gabonetako gozokirik esanguratsuenetako bat prestatzen: sokonuskoa, 300 urte baino gehiagoko historia duen Bilbon egindako turroia. Mexikoko Santa Ana de Soconusco herritik datorkio izena, XVII. mendean bilbotar batek kalitate bikaineko kakaoa aurkitu zuenean.
Jaurlaritzak ohi baino bentzeno-maila altuagoa antzeman du Muskizen, baina esan du osasunerako "segurutzat" jotzen diren mailak direla
Joan den ostiralean, Petronorrek jakinarazi zuen isuria izan zuela Bizkaiko findegiko gasolina-depositu batean, eta berehala ezarri zituzten beharrezko kontrol-neurriak.
Pertsona bat hil da AP-15 autobidean, Castejonen izandako istripu batean
Azken 15 urteetako hildako kopururik handiena utzi du urteak Nafarroan, eta oraindik ez da amaitu. Jada 45 dira aurtengo hildakoak.
Antonio Aretxabala: "Euskadiko historiako lurrikararik handiena izan da"
Iruña Okan epizentroa duen 4 graduko lurrikara batek Araba astindu du astelehen honetan, abenduaren 8an. Radio Euskadin egindako elkarrizketa batean, Antonio Aretxabaleta geologo eta dibulgatzaile zientifikoak adierazi duenez, mugimendu sismikoa Euskadiko historiako handiena izan da. Gainera, lurrikarak agerian utzi du Araban orain arte ezezaguna zen faila bat dagoela. Zientzialariak nabarmendu duenez, ziur aski 1 eta 2 km arteko luzera izango du. Hala ere, oraindik atea irekita utzi behar zaio etorkizuneko ikerketei.
Etxerik gabeko 1.500 lagunek baino gehiagok egiten dute lo egunero kalean Euskadin, 2022an baino bi aldiz gehiagok
Horietako 10etik 7 hiru hiriburuetan bizi dira. Gainera, beste 2.700 etxegabe daude, baina gaueko harrera-zentroetan edo aterpetxeetan lo egiten dute. Gehienak gizonezkoak dira, eta atzerritarrak 10etik 8tan. Erdiak dio dirua edo ondasunak lapurtu dizkiotela, 10etik 4k irainak edo mehatxuak jasan dituela, eta 10etik 3k fisikoki eraso egin dietela.
4 graduko lurrikara batek Araba astindu du, kalterik eta zauriturik eragin gabe
00:10ean izan da lurrikara eta epizentroa Iruña Okan izan du; milaka pertsona esnatu ditu gaur goizaldean Araban. Ez du kalterik eragin eta ez da erreplikarik espero, SOS Deiaken arabera.
Biriatuko ordainlekua itxita egongo da asteartetik asteazkenerako gauean, A-63 errepideko obrak direla eta
Abenduaren 9an itxiko dute, 21:00etan, eta 10ean irekiko dute berriro, 06:00etan. AP-8tik Lapurdirako noranzkoan doazen ibilgailu eta kamioiak Irunen atera beharko dira.
Gizon bat larri zauritu da Iruñeko Aranzadiko komentu abandonatuan, eskailerako zulotik erorita
Iruñeko Udaltzaingoak ingurua hesitu du eta erorikoaren arrazoiak ikertzen ari da.