Santoñatik ihes egin zuen presoaren egungo argazki bat zabaldu du Guardia Zibilak
Guillermo Fernandez Bueno Santoñako (Kantabria) espetxetik ihes egin zuen presoaren egungo argazki bat zabaldu du Guardia Zibilak Twitterreko kontuan. Ez zen itzuli astebeteko kartzela-baimen baten ostean.
Poliziak "egun izan dezakeen itxuraren" irudia zabaldu du. Asteleheneko lehen ordutik ari dira haren bila, eta atxilotzeko nazioarteko agindua dago martxan, herrialdetik ihes egin izanaren aukera dela eta.
"Presakoa. Guillermo Fernandez Bueno bilatzen ari gara, bortxaketa eta hilketa egotzita zigortu zuten, eta Kantabriako Santoñako kartzelatik ihes egin zuen baimen batean. Hau izan daiteke haren egungo itxura", irakur daiteke Guardia Zibilaren txioan. Hiru ordu baino gutxiagoan, ia 2.300 aldiz partekatu dute.
Irudi berrian presoak duen itxura astelehenean Guardia Zibilak eta Polizia Nazionalak zabaldutakoan duenaren oso ezberdina da.
Estatuko Gorpu eta Segurtasun Indar guztiak astelehenetik ari dira 41 urteko gizonezko honen bila. Santanderren jaio zen, baina Tenerifen zuen haren azken etxebizitza ezaguna.
Ez dute "ikerketa ildo bat bera ere" baztertu, ezta “ihes egindako presoak Espainia utzi nahi” izatea ere, Poliziaren arabera. Ez du zehaztu Guillermo Fernandez ezkutatuta egon daitekeen, ibilgailu bat erabili ote duen edo beste pertsona batekin dagoen.
Guillermo Fernandezek kartzelan ezagututako boluntario batekin batera egin zuen ihes
Guilermo Fernandez Buenok haren bikotekidearekin egin du ihes. Hezitzaile sozial bat da, eta boluntario moduan lan egin zuen, Santanderreko espetxe zaharrean ezagutu zuten elkar duela urte batzuk.
Kartzelatik azaldu dutenez, emakumea ez da langile publikoa, eta ez da Santoñako kartzelan sartu, bergizarteratzeko programaren batean parte hartzeko. Hezitzaile sozial eta ohiko langileek hartu ohi dute parte modu boluntarioan.
Santanderreko eskualdeko kartzela zaharrean (2009an itxi zuten) bai egin zuen, eta Fernandez Bueno bertan sartu zen, 26 urte eta erdiko kartzela-zigorra betetzeko, Gasteizen lagnile bat bortxatu eta hiltzeagatik 2000ko abenduaren 14an.
Santanderreko kartzela zahar hartan ezagutu zuten elkar, eta geroago bikote egin ziren.
Zure interesekoa izan daiteke
Albiste izango da: Korrikaren hasiera, Ekialde Hurbileko azken ordua eta Europako Kontseiluaren bilera
Gaurkoan Orainen albiste izango direnen laburpena, bi hitzetan.
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da. ETB On plataformak etenik gabe eskainiko du ibilbidea, eguneko 24 orduetan.
ELAk berretsi du CCOOko kide batzuek euskaldunen kontrako hizkuntza eskubideen aurkako kanpaina abiatu dutela
ELAk babes osoa adierazi dio AEKri, Korrikaren antolatzaileari, eta CCOOko zuzendaritza lasterketatik baztertzeko erabakia babestu du. ELA sindikatuak “euskararen aurka antolatutako kanpaina” baten parte izatea leporatu dio CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzeko erabakia hartu izana.
CCOO Korrikatik kanpo geratu da AEK-k lekukoa ez eramateko erabakia hartu ostean, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.