Espainiak 'Aquarius'eko 60 migratzaile hartuko ditu, nazioarteko akordio baten ostean
Espainiak 'Aquarius' ontziko 141 migratzaileetatik 60 hartuko ditu, Espainiako Gobernuak eta EBko beste lau herrialdek lortutako nazioarteko akordio baten baitan, Moncloa Jauregitik jakitera eman dutenez. Ostiraletik portu seguru baten zain zeuden lehorreratzeko.
Iturrien arabera, Espainiak koordinatu du akordioa, mota honetako lehena migratzaileak Europako hainbat herrialdetan banatzeko; sei estatuk parte hartuko dute, 'Aquarius'eko 141 migratzaileak hartzeko.
Herrialde horien artea Portugal dago. Barne Administrazioko Ministerioak azaldu duenez, "libre dago, Espainiako eta Frantziako Gobernuekin artikulazioan, 30 migratzaile jasotzeko 'Aquarius' ontzian eta Maltan lehorreratzen ari diren beste ontzi txikietan dauden 244 etorkinetatik".
Dirudienez, Frantzia ere hitzarmenaren parte da, eta SOS Mediterranee eta Mugarik Gabeko Medikuak kudeatutako ontziko migratzaileak hartuko ditu.
Espainiako Gobernuak 'Aquarius'i ekainean portu seguru bat eskaini izanaren erabakiari egotzi dio akordioa. Ontzian 629 migratzaile zirenean eman zen, Italiaren eta Maltaren ezetza jaso ostean, bertako porturen batean lehorreratu ahal izateko.
Ontzia Maltan lehorreratuko dute
Halaber, SOS Mediterranee gobernuz kanpoko erakundeak Maltara zuzentzeko agindua jaso duela adierazi du, eta 141 migratzaileek portu seguruan lehorreratu ahal izango dutela ospatu du.
Frederic Penard erakundeko operazioen zuzendariak Parisen eman duen prentsaurrekoan esan duenez, herrialde hori egokia da, ontziari Mediterraneo zentraleko salbamendu gunera azkar itzultzea ahalbidetuko diolako.
Joseph Muscat Maltako lehen ministroak nabarmendu du portuan lehorreratzeko baimena eman duela, eta pertsona horiek gero Europar Batasuneko bost herrialdetan banatuko dituztela (Espainia, Frantzia, Alemania, Portugal eta Luxemburg).
Akordioa "aitzindaria" dela nabarmendu du Sanchezek
Aquarius ontziko migratzaileak hartzeko Europar Batasuneko bost herrialdek lortutako akordio "aitzindaria" nabarmendu du Pedro Sanchez Espainiako Gobernuko presidenteak.
"Aquarius ontzian doazen pertsonak Europar Batasuneko bost herrialderen artean banatzeko akordio aitzindaria koordinatu du Espainiak. Migrazioari irtenbide bat emateko asmoz ekainean abiatu genuen lanari esker izan da posible. Espainiak 60 pertsona hartuko ditu", esan du Sanchezek.
Hala, etorkinak banatzeko orduan, herrialdeak "elkarrekin lan egiteak" egoerari irtenbide bat ematea ahalbidetu duela nabarmendu du Espainiako Gobernuko presidenteak. Ildo horretatik, gaur egungo erronkei aurre egiteko herrialdeen arteko "elkartasuna eta lankidetza" bultzatzea ezinbestekoa dela ziurtatu du.
Albiste gehiago gizartea
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.