Bost lagun hil dira Avilesen autobus batek zutabe baten aurka talka eginda
Gutxienez bost lagun hil eta 15 zauritu dira Alsa konpainiako autobus batek Avilesen izandako istripuan. Asturiasko larrialdi zerbitzuek eta Guardia Zibilak jakinarazi dutenez, autobusak porlanezko zutabe baten aurka jo du Avileseko saihesbidean, konponketa lanak egiten ari ziren biaduktu batean.
Larrien zeuden zaurituak helikopteroan eraman dituzte Asturiasko Ospitalera (Oviedo). Gainerako zaurituak Avilesko San Agustin erietxean daude, berehalako medikuntza zerbitzuko iturrien esanetan. Autobuseko gidaria da zaurituetako bat.
Dirudienez, autobusaren aurrealdeak bete-betean jo du porlanezko pilastra. Istripua 13:40 aldera gertatu da, oraindik argitu gabe dauden arrazoiak tarteko. Ezbeharra jazo den lekuak abiadura mugatua du, konponketa lanak egiten ari direlako bertan.
Istripua gertatu den lekura suhiltzaileak bertaratu dira, zaurituak eta hildakoak autobusetik ateratzeko. Era berean, Guardia Zibilak, Polizia Nazionalak eta Udaltzaingoak hainbat agente bidali dituzte, eta hamar bat anbulantzia ere hurbildu dira bertara.
Alsako iturriek adierazi dute biktimak eta kaltetuak artatzea dela orain lehentasuna. Ezbeharraren ondotik, Avileseko saihesbideko sarrera itxi egin dute.
Istripua izan duen autobusa Avilesetik atera da eta Oviedo-Gijon noranzkoan zihoan.
Istripuaren arrazoiak
Oraindik ez dute argitu zerk eragin duen istripua, baina badirudi gidariak zorabio bat izan duela, zutabearen aurka jo aurretik.
Albiste gehiago gizartea
150.000 euroko kalte ordaina eskatu diote Bilboko ikastetxe bati, bullying kasu baten aurrean ezer ez egiteagatik
Eskola jazarpena jasan zuen ikaslearen abokatuak adierazi duenez, ikastetxeak ez zuen ezer egin neskari ondorio psikiatriko eta fisiko larriak eragin dizkioten erasoak saihesteko.
Pertsona bat zauritu da Arrasateko etxebizitza eraikin batean izandako sute batean
Sua 23:30 aldera piztu da San Josepe kaleko etxebizitza eraikin baten beheko aldean. Lehen unean, lau atari jendez hustu dituzte, baina hiru ataritako bizilagunak etxera itzuli ahal izan dira gauean zehar.
Pasaporteekin izandako arazoa konponduta, Saharako haurrak datorren astean iritsiko dira Euskal Herrira
Saharatik uda igarotzera etortzen diren haurrak aste honetan ziren iristekoak Euskal Herrira. Baina pasaporteekin izandako arazoen ondorioz, ezin izan dute hegazkinik hartu.
San Ferminetan legez kanpo saltzeko abanikoak, txanoak eta arropa atzeman dituzte aireportuan
Mila artikulu baino gehiago konfiskatu dituzte Noaingo aireportuan, tartean 500 abaniko eta 500 txano, ustez sanferminetan legez kanpo saltzeko.
Heldu da zure paketea: erosketak itsu-itsuan egiteko eroaldia Bilbora iritsi da
Pakete misteriotsuen fenomeno europarra uztailaren 7tik 14ra helduko da Zubiarte merkataritza gunera. Esperientzia paregabea da, benetako ustekabeak lortzeko. Intuizioa eta zortea dira horretarako gakoak.
Motor-gidari bat zauritu da Muxikan, auto batekin talka egin eta ibaira erorita
Istripua 19:50ean gertatu da, motor batek auto baten aurka talka egin du N-635 errepidean, Muxikan, Gernikarako noranzkoan. Kolpearen ondorioz, motor-gidaria Mundaka ibaira erori da, Ariatza auzoaren parean.
Donostiako suhiltzaileen buruak dimisioa eman du, Fermin Muguruzaren kontzertuan semea sarrerarik gabe sartzeagatik
Donostiako suhiltzaileen zerbitzua bururik gabe geratu da oraingoz, Fermin Muguruzaren kontzertuan izandako jokabide txarragatik. Ander Gomezek dimisioa eman behar izan du Anoetako kontzertuan suhiltzailez jantzitako semea sarreratik gabe sartzeagatik.
Joxe Azurmendik euskal pentsamenduari egindako ekarpena azpimarratu dute Agirrebaltzategik eta Zulaikak
Filosofoa, saiogilea eta hainbat belaunaldirentzako erreferente intelektuala, Joxe Azurmendiren lanak Euskadiko pentsamendu kritikoa markatu du mende erdi baino gehiagoan. Azurmendik sekulako ondarea utzi du euskaran, ideietan... eta herria ulertzeko moduan.
Ehunka jarraitzailek omenaldia egin diote Diogo Jotari Liverpoolen, futbolari portugaldarra istripu batean hil ostean
Futbolari portugaldarra gaur goizaldean hil da, bere anaiarekin batera Espainian izandako auto-istripu batean. Hillsborogheko tragediaren biktimen oroimenez eraikitako memorialaren aurrean, Liverpooleko eta Evertoneko jarraitzaileek eta futbolzaleek aldare bat osatu dute, lore, bandera, bufanda eta kamisetekin.
Hernaniko Udalak zortzi gertakari arrazista eta eraso sexista bat antzeman ditu San Joan jaietan
Udalak azaldu du gertakari horiek gizartean gertatzen ari diren jarreren isla direla, eta aurreratu du herritarren kezkei erantzuteko eta bizikidetza sustatzeko neurriak eta espazioak jarriko direla martxan.