Droneek eta frankotiratzaileek bermatuko dute segurtasuna MTV Music Weeken
Segurtasun arloarekin lotutako Bizkaiko erakundeak neurri bereziak prestatzen dabiltza MTV Music Week ekitaldiari begira. Hartara, droneek eta frankotiratzaileek MTVk antolatutako ekitaldietako publikoaren segurtasuna bermatuko dute.
Aste horretan, Bizkaiko zenbait udalerri kontzertuz jantziko dira, azaroaren 4ko ekitaldi nagusia iritsi aurretik: Barakaldo (urriaren 29an), Getxo (urriaren 31n) eta Bilbo (azaroaren 1ean eta 2an). Gainera, azaroaren 3an kontzertu erraldoia hartuko du San Mames futbol-zelaiak, eta, esan bezala, hilaren 4an BEC erakustazokan izango da ekitaldi garrantzitsuena: MTV telebista katearen sari-banaketa.
Ildo horretan, Herrizaingo Sailak, udaltzainek eta erakunde ezberdinek, 60.000 ikusleen segurtasuna bermatze aldera, egindako elkarlanaren garrantzia nabarmendu dute Josu Zubiagak Eusko Jaurlaritzako segurtasun sailburuordeak eta Tomas del Hierro Bilboko Udaleko hiritarren segurtasunerako zinegotziak.
Segurtasun plana
Bilbon, Getxon eta Durangon MTVk antolatutako ekitaldiek oihartzuna izango dute nazioartean ere, eta milaka musikazale mugiaraziko dituzte. Gauzak horrela, segurtasun plan bereziak ezarriko dituzte udalerri horietako Udalek, ekitaldiaren antolatzaileek eta Herrizaingo Sailak.
Zubiagak zehaztu duenez, ekitaldi bakoitzak plan eta agente kopuru jakin bat edukiko du. Hala, ertzain eta udaltzain ugari arituko dira lanean ekitaldi horietan. Gainera, neurri bereziak ezarriko dituzte, bisitari kopuru handia jasotzen duten ekitaldietan ohikoa denez. Trafikoan ere aldaketak egingo dituzte.
Egun horietan, beraz, hainbat polizia-etxeetako unitateek jardungo dute beharrean. Halaber, errefortzu bereziak jarriko dituzte.
San Mameseko kontzerturako neurri bereziak
Bilboko Udaleko Hiritarren Segurtasunerako Sailak neurri bereziak hartuko ditu, San Mamesen azaroaren 3an egingo duten kontzertua dela eta. Alde batetik, nork bere burua babesteko plana bultzatuko du ekitaldiak, eta Udala bera arduratuko da neurri horiek betearazteaz. Bestetik, herritarren segurtasuna bermatzeaz arduratuko dira Udaltzaingoa eta Ertzaintza.
Zure interesekoa izan daiteke
Gizon bat atxilotu dute Basaurin, bikotekidea hiltzea egotzita
Biktima, 44 urteko emakume bat, ondoezik jarri ostean hil zen. Medikuek egindako lehen azterketen arabera, indarkeria zantzuak zituen. EITBk galdetutako ikerketaren iturrien arabera, axilotuak askotan urratzen zuen urruntze agindu bat zegoen.
Basauriko talde feministek elkarretaratzea deitu dute gaur arratsalderako
Hilketa matxista honen aurrean kalera irteteko eta gaitzespena adierazteko eskatu diete Basauriko Asanblada Feministak eta Emakumeok Bat Koordinadorak herritarrei, "terrorismo matxistaren aurrean" mobilizazio soziala funtsezko tresna dela ziurtatuta.
Azpeitiko sutean kaltetutako bi lagunek alta jaso dute eta beste bizileku bat eman diete
Sua arratsaldean piztu zen, bigarren solairuan, eta kalte handiak eragin zituen. Udal teknikariek eraikinaren egoera aztertu behar dute, sutea zerk eragin duen ikertu eta hartu beharreko neurriak zehazteko.
Aldaketak Bilboko trafikoan datorren astelehenean, Itzulia Basque Country dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
50.000 pertsonak baino gehiagok eman dute izena jada Osakidetzako EPEn
EITBk jakin duenez, lehen bederatzi kategorietarako izen-emateak erritmo altuari eutsi dio hasieratik, apirilaren 22ra arte irekita dagoen prozesuan.
19 eta 21 urte bitarteko bost gazte atxilotu dituzte Gasteizen adingabe bat sastatzeagatik
Adingabea Txagorritxuko ospitalera eraman dute. Atxilotuak hilketa saiakera delitua egotzita atxilotu dituzte, eta polizia-etxera eraman dituzte. Ikerketak zabalik jarraitzen du.
Eneko Axpe: “Misio hau abiapuntu da Ilargian azpiegitura eraiki eta gizateria Martera joateko”
Artemis II misioa abiapuntua baino ez da Ilargian bizitzeko azpiegitura eraiki eta gizakia bertako baldintzetara egokitzeko ikerketak egiteko. Azken helburua, baina, Martera iristea da, Eneko Axpe fisikariak eta NASAren kolaboratzaileak azaldu duenez.
Bi pertsona ospitalera eraman dituzte Azpeitiako etxebizitza batean izandako sute baten ondorioz
Sutea izan da gaur eguerdian Azpeitian, Erdikaleko 27. zenbakiko etxebizitza batean. Sua 15:00ak pasatxo piztu da, eraikineko bigarren solairuan, eta ondorioz, inguruko bizilagunak etxetik atera behar izan dituzte. Hirugarren solairuan zeuden bizilagunek ezin izan dute euren kabuz irten, eta suhiltzaileek lagunduta atera dituzte kalera. Suhiltzaileak lanean ari dira sugarrak amatatzeko. Bi pertsona Zumarragako ospitalera eraman dituzte, sutean kea arnasteagatik.
Ekain Perrino: "Gorroto-delitua dela onartu da, baina 2 urteko espetxe zigorra ez da ezer"
Justiziak Ekain Perrinok 2021ean Basaurin jasandako eraso homofoboaren egile gehienak zigortu ditu. Hamaika egileetatik hamarrek bi urteko espetxe zigorra jaso dute, osotasun moralaren aurkako delituagatik; hamaikagarrenari, berriz, 14 hilabeteko kartzela zigorra eta zortzi hilabeteko isuna ezarri diote. Perrino pozik agertu da gorroto-delitua onartu duelako epaileak, 2 urteko espetxealdia ez dela nahikoa adierazi du.
Mugikorreko NANa, indarrean: Zertarako balio du eta zertarako ez?
MiDNI aplikazioari esker, dagoeneko aurrez aurre identifika zaitezke telefonoarekin. Hala ere, ez du dokumentu fisikoa ordezkatuko kasu guztietan, nazioarteko bidaietan edo zenbait gestio egiterakoan adibidez.