Halloweenerako haurrentzako mozorro batzuen salmenta eten dute Euskadin
Halloween festarako haurrentzako mozorro batzuk merkatutik kendu ditu Kontsumobidek, Kontsumoaren Euskal Institutuak, araudia betetzen ez dutelakoan. Zehazki, estutu daitezkeen kordoi eta soketan dago arazoa, izan ere, ez dute haurren arropen segurtasun-araudia betetzen.
Nora Abete Kontsumobideko zuzendariak azaldu duenez, azken hilabeteotan bederatzi ikuskaritza egin dituzte genero hori saltzen duten saltokietan. Gauzak horrela, haurren arropei dagokien segurtasun-araudia betetzen ez duten produktuak geldiarazi dituzte.
Ildo horretatik, mozorroa erosteko orduan segurtasuna nagusitu behar dela azpimarratu du Abetek. Halaber, konfiantzazko saltoki eta webguneak bilatu eta segurtasuneko jarraibideak eta etiketak irakurri behar direla nabarmendu du. Kontsumobideko zuzendariak esan duenez, mozorroek CE marka izan behar dute.
Haurren mozorroei dagokienez, araudiak jostailutzat hartzen ditu, eta segurtasun-eskakizun zorrotzagoak bete behar dituzte. Kontsumobidek azaldu duenez, mozorro horiek ezin dituzte punta edo ertz zorrotzik izan, ez eta eror daitekeen edo adingabeek irentsi dezaketen pieza txikirik ere. Maskaren kasuan, umeek arnasketa-arazorik ez izateko nahikoa zulo izan behar dituzte.
Halloween jaia antolatuko duten sei lokal ikuskatu dituzte
Halloween gauean jaiak antolatuko dituzten sei lokaletan ohiko ikuskapenak egin ditu Ertzaintzaren Joko eta Ikuskizun Unitateak. 700 pertsona baino gehiago hartu ditzaketen establezimenduak dira horiek. Eusko Jaurlaritzako Segurtasun Sailak jakitera eman duenez, urriaren 31ko gauean egingo duten ikuskapenarekin osatuko dute aste honetako lana.
Halloween gauera begira, ekimenak antolatu dituzten edukiera handiko sei diskoteka daude Euskadin: lau Bizkaian, bat Araban eta beste bat Gipuzkoan. Miaketa horrekin, segurtasun-neurri guztiak betetzen dituztela egiaztatu nahi izan du Ertzaintzak.
Besteak beste, ebakuazio-bideak behar bezala seinaleztatuta daudela eta ondo dabiltzatela egiaztatu dute. Era berean, suteen kontra babesteko bitartekoak, horien kokalekuak eta seinaleztapen egokia ikuskatu dute.
Bestalde, une horretara arte saldutako sarrera kopurua kontrolatu dute, baita jai ezagun horretarako aurreikusten den asistentzia eta sarrera eta edukiera kontrolatzeko erabiliko diren bitartekoak ere.
Urriaren 31n, bereziki kontrolatuko da edukieraren mugak errespetatzen direla eta ebakuazio-bideak arazorik gabe erabili daitezkeela.
Zure interesekoa izan daiteke
ONCEren Gabonetako sari bereziak 2 milioi euro banatu ditu Euskadin
Bost kupoi saritu dituzte lehen sariarekin. Horietako lau Bilbon saldu ditu Elvis Samuel Cruceta Piña saltzaileak, eta 1,6 milioi euroko saria izan dute. Irunen, Yon Viega Rodriguezek 400.000 euroko sari bat eman du.
Urteberriko desioak, beteko ote dira?
Urte berria hastearekin batera, bakea, osasuna, lana, maitasuna eta horrelako eskaerekin batera, kasu askotan beteko ez ditugun promesekin betetzen zaigu ahoa. Hori bai, denok aurreko urtea baino hobea izatea nahiko genuke.
77 urteko gizon bat erreskatatu dute Aralar mendilerroan
Gizona arin zauritu da, erorikoa izan ostean, eta osasun-zentro batera eraman dute.
68 urteko gizon bat desagertu da Erriberrin, adinekoen egoitza batetik paseatzera atera ostean
Foruzaingoak abenduaren 31ko arratsaldean ekin zion bilaketari, eta gaur hainbat talde operatibo batu zaizkio.
Gizonezko mendizale bat hil da Huescan, elur-jausi batek harrapatuta
Guardia Zibilak Zaragozako 54 urteko gizonezkoaren gorpua erreskatatu du, Huescako Pirinioetako Urdiceto inguruan.
Gizon bat atxilotu dute Bergarako taberna bateko arduradunari labanaz eraso egitea leporatuta
Antza denez, biktimak kontsumizio bat zerbitzatzeari uko egin dio eta lokalera sartzeko debekua zuela ohartarazi dionean gertatu da erasoa.
V-16 baliza gaurtik aurrera derrigorrezkoa da: nola erabili eta nola saihestu isunak
Ibilgailu guztiek baliza homologatua eraman behar dute gaurtik aurrera; baliza horrek triangeluak ordezkatzen ditu, eta ibilgailuaren kokapena DGTri bidaltzen dio.
Indarrean sartu da guraso bakarreko familien ziurtagiri digitala EAEn
Ziurtagiri horri esker, guraso bakarreko familiek euskal erakundeen dirulaguntzak eskuratu ahal izango dituzte. Jaurlaritzaren arabera, 21.000 familia inguruk jaso ahal izango dute akreditazio hori, horietatik % 80k emakumeek.
Asko izan dira urtea mendira joanez hasi dutenak hotzari aurre eginez
Ohitura denez, jende askok hasi du urtea mendira igotzen, eta gailurrean salda bero bat edo xanpain kopa bat zuten zain.
Ertzaintzak operazio batean konfiskatutako materiala eman dio Gambiako GKE bati
Egoera onean eta inork erreklamatu ez dituen arropak, oinetakoak eta txorrotak dira. 2020an egindako polizia-operazioan, sei pertsona atxilotu zituzten, Arabatik igarotzen ziren kamioien atoietan lapurtzea egotzita.