Bardeako tiro eremuaren kontra bildu dira ehunka pertsona Tuteran
Manifestazioa egin dute gaur Tuteran, Errege Bardeako Tiro Eremua handik kentzea eskatzeko. Ehunka lagun bildura dira Bardea Libre 2018 plataformak deituta.
Foruen Plazatik abiatu da protesta eguerdian eta hiriko kale nagusiak zeharkatu dituzte udaltzainek zainduta, "militarrak Bardeatik kanpora" eta "Bardeak herriarentzat" gisako oihuen artean.
Manifestarien artean ziren Laura Perez (Orain Bai) eta Rafael Eraso (Geroa Bai) parlamentariak, Maria Cariñena (Cintruenigo), Patrizia Lorente (Tutera) eta Cesar Alba (Cortes) zinegotziak, zein David Alvarez Castejongo alkatea, besteak beste.
Espainiako Defentsa Ministerioaren eta Bardeako Batzordearen artean 2008an sinatutako alokairua automatikoki luzatuko da abenduan, eta horren aurrean, "oraintxe" dela "tiro poligonoaren kontrako jarrera irmoa erakusteko garaia" esan dute plataformatik. "Kontratu itxia eta inposatua" dela ere salatu dute, "herritarrei ez zaie inoiz gai honen inguruan galdetu, eta Bardeak erabili eta gozatzeko eskubidea duten inguruko bizilagunei lapurreta egitea suposatzen du horrek" gehitu dute.
Hitzarmen honen ondorioz "erabilera militarrak dakartzan arriskuez" ere ohartarazi dute.
"Bardeako Batzordeak Defentsarekin honelako kontratuak sinatzeko duen zilegitasuna zalantzan" jarri nahi izan dute, "ez baita batzorde demokratikoa, ezta tiro eremuak eragiten dion gizartearen ordezkari ere". Plataformakoen iritziz, "ez da gardena funtzionamenduan" eta "jauntxokeria bultzatzen du Bardeako baliabide ekonomikoak kudeatzerako garaian".
Horregatik guztiagatik, "eztabaida irekitzeko" eskatu dute eta azpiegitura honen aurka agertu izan diren erakundeei "hitzetatik haratago joateko" eskatu diete.
Albiste gehiago gizartea
Artzai Egunaren 57. edizioa ospatuko dute Uharte Arakilen igande honetan
Uharte Arakilen egingo den Artzai Eguneko gazta lehiaketak Jose Mari Ustarroz izena hartuko du, duela gutxi hil zen Idiazabal Gaztaren Jatorrizko Deiturako presidente ohiaren lana eskertzeko.
Otsagabiak 100 urte atzera egin du, 1925era, Orhipean jaiarekin
Nafarroako herrian Orhipean jaia ospatu dute larunbat honetan, antzinako lanbide eta tradizioak erakutsiz.
Babes Zibilak oraindik aktibo dauden fokuen "bilakaera ona" nabarmendu du, eta sute-bolada amaitzear dela uste du
Gaztela eta Leonen sei sute aktibo daude oraindik, larritasun gorenekorik ez, eta 1. mailako bat dago Almerian, Lubrin udalerrian.
Urbiako ostatuak 100 urte bete ditu gaur, mendeurren gazi-gozoa, itxita baitago duela bi astetik
1925eko abuztuaren 30ean zabaldu zen Urbiako fonda, 100 urte hauetan hamaika mendizale hartu ditu, goxo eta beso-zabalik. Mendeurrena, ordea, ateak itxita igaroko da, orain arte ostatua zeramatenek utzi egin baitute, eta kontsezioa dutenek hura martxan jarriko duten lagun berrien bila dabiltza.
Vueltak gorabeherak eragingo ditu irailaren 3an Bizkaiko errepideetan
2025eko Vueltaren 11. etapa irailaren 3an, asteazkena, hasi eta amaituko da Bilbon. Mozketak 12:40an hasi eta 17:20 aldera arte izango dira, antolatzaileek egindako aurreikuspenen arabera.
Mazonen aurkako hamargarren protestak GOIDIaren 228 biktimak omendu ditu
Gaur 10 hilabete bete dira GOIDIak Valentzia kolpatu zuenetik, eta haserrea nabaria da oraindik erkidego horretako kaleetan. "Mazon, dimisioa" lelopean, milaka pertsona mobilizatu dira hamargarren aldiz Valentzian. 228 pertsona hil ziren eta milaka familiak etxeak galdu zituzten. 304 egun geroago, horietako asko Gobernuaren laguntzen zain daude oraindik.
9 urteko haur bat zauritu da martxan zihoan villavesa batetik erorita, akats mekaniko baten ondorioz
Istripua 14:04an gertatu da, Sadar kalean. Ibilgailuko atea ustekabean ireki da, eta adingabea, atearen kontra zegoena, kanpora erori da. Haurra ateari katigatuta geratu da, eta hainbat metroz arrastan joan da, harik eta gidariak autobusa gelditzea lortu duen arte.
Milaka ibilgailu berrikusteko deia egin dute hainbat auto etxek, airbagetan arazoak izan ditzaketelako
Dozena bat pasatxo marka biltzen dituen Stellantis taldea erabiltzaileei gutunak bidaltzen ari da, Takata markako airbag akastunak direla eta.
8 kilometrorainoko auto-ilarak sortu dira AP-8an, Deban, istripu baten ondorioz
Kaltetutako ibilgailuak erretiratu ondoren, zirkulazioa normaltasunera itzuli da. 17:45ean, 7 kilometroko auto-ilarak sortu dira AP-8an, Irungo mugan.
Euskarabideak "Euskera ahora" kanpainaren edizio berri bat aurkeztu du, helduek euskaraz ikastea sustatzeko
Aurten, hasierako mailan (A1) izena ematen duten 16 urtetik gorako ikasleek matrikula doan edo ia doan izango dute, Euskarabidearen dirulaguntzei esker.