EHUren Medikuntza eta Erizaintza Fakultate berria 2024-2025ean jarriko dute martxan
Euskal Herriko Unibertsitateko Medikuntza eta Erizaintza Fakultate berria 2024-2025 ikasturtean jarriko dute martxan, Bilbon. Basurtuko Ospitalearen aldamenean eraikiko dute zentro berria, eta 32.000 metro koadroko azalera izango du.
Gaur aurkeztu dute proiektua hedabideen aurrean Nekane Balluerka EHUko errektoreak eta Cristina Uriarte eta Jon Darpon Hezkuntza eta Osasun sailburuek, hurrenez hurren. Denek nabarmendu dutenez, lau dira egitasmoaren helburu nagusiak: "Euskarazko nahiz gaztelaniazko formazio-eskaintza hedatzea, Osasun Zientzietako goi mailako formazioan eta ikerketan sakontzea, ezagutzaren sormena eta transferentzia sustatzea, eta osasun sektorearekin lankidetza estuan aritzea".
52,12 milioi euroko kostua izango du egitasmoak. Horietatik ia 45 milioi Eusko Jaurlaritzak ipiniko ditu, eta eraikina jasotzera zuzenduko dira. EHUk gainerako 7 milioi euroen kudeaketa hartuko du bere gain, altzari eta ekipamenduak, lanen gainbegiratzea, lizentziak zein tasak ordaintzeko", zehaztu du Jaurlaritzak
Egun Leioako campusean eskaintzen dituzten lau gradutik hiru lekualdatuko dituzte eraikin berrira: Medikuntza, Fisioterapia eta Erizaintza graduak, hain zuzen.
Osasun Zientzien arloko sei master ofizialen irakaskuntza ere hartuko du Basurtuko fakultateak: Farmakologia, Medikamenduen Garapena, Balioespena eta Erabilera Arrazionala, Ingeniaritza Biomedikoa, Ikerketa Biomedikoa, Mikrobiologia eta Osasuna, Neurozientziak, eta Osasun Publikoko Unibertsitate masterrak.
"Eusko Jaurlaritzak Euskadirentzat beharrezko den azpiegitura baten aldeko erabateko apustua egiten du, osasun arloan diharduten egungo eta etorkizuneko profesionalen arteko belaunaldi-aldaketa bermatuko duen azpiegitura", gaineratu du Gasteizko Gobernuak.
Zure interesekoa izan daiteke
Dantzan, Korrikaren lekukoa eskuan!
Arnegitik Luzaiderako bidean, Luzaideko bolantak taldeak dantzan hartu du Korrikaren lekukoa. 126. kilometroa egin duenean izan da, hain zuzen ere, gaueko 04:00ak aldera. Azken urteotako tradizioari eutsi diote, dantzan jarri baitira lekukoa hartu dutenean.
Jendetza bildu du Korrikak Maulen
Lurraldeko eta hiriburuko hainbat elkarte eta herriko etxe ikusi ditugu parte-hartzen, hala nola, Sohütako pastorala, UEU, Palestinaren aldeko elkartea, Pitxu gaztetxea, Xiberoko Botza eta beste hainbat. Handik Nafarroa Beherea alderako bidea hartu du. Gaueko 22:00 pasata sartuko da lurralde hartan Aiherratik.
Pertsona bat erietxera eraman behar izan dute Baionan gertatu den sute baten ondorioz
Sua 14:15ak inguruan piztu da garra Baiona Tipiko Kupelgileak karrikako eraikin batean. Suhiltzaileek eraikina hustu dute bertaratu orduko. Hirugarren solairuan zegoen gizonezko bat larrialdi zerbitzuen laguntzarekin atera behar izan dute eta Baionako erietxera eraman dute kea arnastuta. Garrak itzali badituzte ere, auzo guztiko elektrizitatea eta gasa moztu dituzte, prebentzio neurri gisa. Eraikinak kalte ugari izan ditu eta bere egoera hurrengo orduetan aztertu beharko da. Bizilagunek gaua etxetik kanpora igaroko dute.
Atharratzetik abiatu da 24. Korrika, festa giroan, pizkundearen akuilu izatea xede
Ibilbide osoa zuzenean ikusteko aukera dago ETB ON plataforman, EITBren telebista plataforma digital berrian. Euskararen lekukoa martxan da jada, eta Atharratzetik abiatu den oihuak Euskal Herri osoa zeharkatuko du beste behin. Bilbon amaituko da, martxoaren 29an, igandez.
Euskal jatorriko 114.400 pertsona atzerrian bizi dira, duela urtebete baino % 5,5 gehiago
Gehienak Amerikan bizi dira, Argentinan zehazki, INEk urtero argitaratzen duen Atzerrian bizi diren espainiarren erroldaren (AEE) arabera.
32 urteko emakumezko bat zauritu da Iruñean, ibilgailu batek harrapatuta
Ezbeharra 07:32an gertatu da, Arrosadia auzoan. Emakumeak kolpe ugari jasan ditu, hortaz, Iruñeko Unibertsitate Ospitalera eraman dute, pronostiko erreserbatuarekin.
Trafikoa bere onera itzuli da A-8an Irun parean, baina auto-ilara txikiak oraindik daude Kantabriarako noranzkoan, Abanton
Zubiaren hasieran trafiko-eragozpenak izan dira A-8 autobidean.
Furgoneta-gidari bat zauritu da A-1 errepidean, Asparrenan, errepidetik atera eta bazter-babesaren aurka talka eginda
Istripua ostegun honetako 08:45ean jazo da. Zauritutako gidaria ospitalera eraman dute.
Albiste izango da: Korrikaren hasiera, Ekialde Hurbileko azken ordua eta Europako Kontseiluaren bilera
Gaurkoan Orainen albiste izango direnen laburpena, bi hitzetan.
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da. ETB On plataformak etenik gabe jarraituko du ibilbidea, eguneko 24 orduetan.