Larunbatean Euskal Herria zeharkatu zuen meteoritoa ikertzen dabiltza adituak
Larunbatean Euskal Herria zeharkatu zuen meteoritoa ikertzen jarraitzen dute Bolidoen eta Meteoritoen Ikerketarako Sarean lan egiten duten adituek eta Fripon (Fireball Recovery and InterPlanetary Observation Network) sare europarrak.
Ezohiko fenomenoa 22:15 aldera gertatu zen. Ordu horretan, distira handia sortzen duen objektu bat abiada handian pasatu zen zerutik, eta ez dute baztertzen Euskal Herrira meteorito gisa heldu izana, Iruñeko Planetarioak ohar baten bidez jakitera eman duenez.
Hasiera batetik, eta sare sozialen eta komunikabideen bidez herritarrek emandako laguntzari esker, horri buruzko informazio zabala jasotzeko aukera izan dute adituek.
Esan bezala, zientzialari adituak ari dira beharrean Bolidoen eta Meteoritoen Ikerketarako Sarean, eta mota horretako fenomenoak aztertzeaz arduratzen dira, besteak beste. Horregatik, sare horretan dituzten kamerek hartutako irudiak ez ezik, herritarrek partekatutako argazkiak eta bideoak ere ari dira aztertzen.
Are, su-bolak eragindako talkaren ondotik iritsitako soinu-uhinaz ere baliatu dira horretarako. Izan ere, Nafarroako toki askotan fenomenoa entzuteko aukera izan zuten, eta hainbat kristaletan dardarak ere eragin zituen.
SPMN221218 bolidoa Europako bost herrialdetan kamerak dituen Fripon sareak ere detektatu zuen.
Gauzak horrela, Iruñeko Planetarioak nabarmendu du herritarrek horri buruz emandako edozein datu "erabilgarria eta erabakigarria" izan daitekeela bolidoaren ezaugarriak eta ibilbidea zehazteko.
Batik bat, leherketak entzun edota bolidoa ikusi dutenen lekukotzat jaso nahi dituzte.
Albiste gehiago gizartea
Hiru pertsona ospitaleratu behar izan dituzte Elgoibarko Olaizaga kiroldegian gas toxikoa arnastu ondoren
14:30 aldera, istripu baten ondorioz, azido klorhidrikoa eta sodio hipokloritoa nahastu dira kiroldegiko igerilekuetan. Bi produktu horiek igerilekuak garbi mantentzeko erabiltzen dira normalean, baina nahasketa horrek "gas-hodei arriskutsua eragin du".
Tokiko erakundeetan euskara lehenesten duten hainbat artikulu baliogabe utzi ditu Auzitegi Gorenak
Auzitegi Gorenak atzera bota du Eusko Jaurlaritzak EAEko Auzitegi Nagusiaren epaiari jarritako errekurtsoa, eta bertan behera utzi ditu euskaldunen hizkuntza-eskubideak bermatzeko egin zen 179/2019 dekretuaren artikuluetako batzuk.
Gorotzak agertu dira Bizkaiko hainbat igerilekutan: "Arraroa da hainbeste aldiz gertatzea, erronka birala izan daiteke"
Azken egunotan Sopelako eta Urduñako hainbat igerileku itxi behar izan dituzte, uretan gorotzak (kaka) agertu direlako. Zikinkeria horren jatorria sare sozialetan zabaldu eta birala egin den erronka batean legoke, antza. Egoerak haserrea eragin du erabitzaileen artean.
Araudi berri batek aukera emango die pazienteen elkarteei osasun-sisteman gehiago eragiteko
Osasun sailburuak araudi horren garapena iragarri du, eta elkarteei adierazi die “gertu eta oso aktibo behar” dituztela Osasun Ituneko neurriak ezartzeko eta sistema eraldatzeko fasean.
Nortzuk osatzen dute “Deport Them Now” talde neonazia?
Europa osoan migratzaileen aurkako gorroto diskurtsoa bultzatzen duen mugimendua da, eta, antza, Torre Pachecon "magrebtarraren aurkako ehiza" bultzatzen zuen kartela diseinatu zuena.
Gas-ihesa gertatu da Bilbo erdigunean, eta hainbat etxebizitza eraikin jendez hustu dituzte
Rodriguez Arias kaleko obretan lanean ari zen langile batek, nahi gabe, hodi bat zulatu du. Hala ere, udaleko iturriek baieztatu dutenez, ihesa konpondu dute.
Gipuzkoako Kofradiek itsasoan lanean aritu eta erretiroa hartu dutenei omenaldi beroa egin diete
Karmen eguna ospatzen ari dira Euskal Herriko hamaika txokotan. Arrantzaleen eguna da, hain zuzen ere. 322 arrantzaleen lana eskertu dute, baita saregileena ere, eta giro ederrean ospatu Donostiako kaian.
90 urteko emakume bat hil da Gasteizen, oinezkoen pasabide batean auto batek harrapatuta
Ezbeharra astearte honetan gertatu zen, 16:00etan, semafororik gabeko oinezkoentzako pasabide batean. Udaltzaingoaren iturriek azaldu dutenez, argiketa talde bat istripuaren nondik norakoak ikertzen ari da.
TVEko kazetari bat jazarri dute Torre Pachecon, Pedro Sanchezen aurkako irainen artean
TVEko kazetari bati Poliziak lagundu behar izan dio Torre Pachecon, hainbat pertsonen jazarpenagatik. Bildutakoek "Pedro Sanchez, puta semea!" oihukatzen ari ziren.
Sexu-zerbitzuen iragarki faltsuen bidez gizonak estortsionatzen zituen talde kriminal bat desegin dute
Guardia Zibilak lau emakume identifikatu ditu ustez estortsioagatik, talde kriminaleko kide izateagatik eta dirua zuritzeagatik. Biktimak sei probintziatan daude; dirudienez, mehatxatu egiten zituzten sexu-zerbitzuen ustezko iragarkien bitartez harremanetan jarri ondoren.