Naizen elkarte berria aurkeztu dute adingabe transexualen familiek
Orain arte Chrysallis Euskal Herria elkartearen parte izan diren adingabe transexualen ehun bat familiak marka berria aurkeztu dute: Naizen. Espainiar estatuko elkartetik aldendu dira, beraz, erakunde independentea sortzeko.
Bea Sever bozeramaileak eitb.eus-i emandako elkarrizketa batean azaldu duenez, "egunerokoan harreman gutxi genuen Estatuko Chrysallisekin. Guk hemengo erakundeekin egiten dugu lan eta transferentziak daudenez, ez dugu Madrili begira egon behar".
Elkarte berriaren izena, logotipoa eta webgunea aurkeztu dituzte Donostiako Principal Antzokian. Eneko Goia alkatea, Jon Darpon Osasun sailburua, Maite Peña Gipuzkoako Gizarte Politika diputatua eta Ana Ollo Nafarroako Gobernuko Herriarekiko eta Erakundeekiko Harremanetako kontseilaria ere bertan izan dira.
Africa Baetak eta Xabier Madariagak zuzendu dute ekitaldia. Onintza Enbeita eta Jon Maya bertsolariek Ekai izan dute gogoan, 2018an, 16 urterekin bere buruaz beste egin zuen ondarroar transexuala.
Ekitaldian, Bea Sever bozeramaileak Chrysallis Euskal Herriaren hastapenak gogorarazi ditu, 2015ean. Soilik zortzi familia ziren mugimenduaren parte, baina gero "iraultzailea izan da".
"Familiak agertu baino lehen, pertsona transexualak borrokan ibili ziren, batzuetan, gehiegitan, bizitza ere utzita", esan du Severrek.
Etorkizuneko erronkak
Naizenen ordezkariak gogorarazi duenez, aldarrikapen nagusien artean dago Eusko Legebiltzarrean transexualitatearen lege berri bat onartzea.
2018ko otsailaren 7an, Chrysallisek zirriborro bat aurkeztu zuen Legebiltzarrean, 2012ko arautik "patologiaren" ideia kentzeko. Momentu horretan, 2012ko legea "aitzindaria" izan zen, baina orain "zaharkituta geratu da, OMEk berak transexualitatea patologia mentalen zerrendatik atera duelako, eta EAEko legeak oraindik kasuak txosten psikiatrikoen bidez egiaztatzea eskatzen duelako", esan du Severrek.
eitb.eus-i emandako elkarrizketan azaldu duenez, Nafarroako 2016ko legea "oso ona da, Estatuko onenetarikoa".
Elkarteak burututako lan "ordainezina" nabarmendu du Goia alkateak, adingabeko transexualei emandako laguntzan eta gizartearen kontzientziazioan.
Albiste gehiago gizartea
Bittor Arginzonizen Etxebarri erretegiak munduko bigarren jatetxe onena izaten jarraitzen du
Peruko Maido jatetxea munduko onena izendatu dute The World 's 50 Best Restaurants 2025 sarietan. Bestalde, Etxebarri erretegiko Mohamed Benabdallah aljeriarra munduko sommelier onena izendatu dute.
Abadia Saria jaso du Gure Zirkuak
Gure Zirkuak aurtengo Abadia Saria jaso du gaur arratsaldean, Arrateko gainean (Eibar) egindako ekitaldian, komunitate oso bati “elkarrekin euskaraz bizi eta sentitzeko plaza berritzailea” eskaintzeagatik. Eider Mendoza diputatu nagusiaren eskutik jaso dute Abadia Sariaren oroigarria –Iñigo Aristegui Telloren Zazpi Petaloak eskultura– Gure Zirkuko kideek.
Beskoitzek ikastola berria izango du 2026-2027 ikasturtean
Egun dauden prefabrikatuetatik gertu, lursail bat erosi du Beskoitzeko Udalak eta bertako zati bat ikastolarentzat izango da. Herri Urratsen lortutako diruari esker eta Euskal Herri osotik iritsitako elkartasunari esker, Seaskak milioi bat euroko inbertsioa egingo du. Irailean lanak hasiko dira, eta hurrengo ikasturtean hasiko lirateke Beskoitze aldeko 50 haur inguru baldintza duinetan euskaraz ikasten.
Ehgamek Bilbao Bizkaia Harro ekimena boikoteatzeko deia egin du
EAJk Harrotasunaren Nazioarteko Eguna “bereganatu eta turistifikatu" nahi duela salatu du eta E28 Koordinadorak ekainaren 28rako deitutako manifestazio “herrikoi eta aldarrikatzailera” joateko deia egin du.
500 ekitalditik gora antolatu dituzte 2025eko sanferminetarako
Ostegun honetan aurkeztu dute sanfermin jaien egitarau ofiziala, eta iragarri dutenez, hilaren 14an Sorotan Bele talde gipuzkoarrak emango dio amaiera bederatzi eguneko zoramenari, Gazteluko plazako agertokian.
Alerta laranja Araba eta Nafarroa hegoaldean, arratsalderako iragarrita dauden prezipitazio handiengatik
Tenperatura maximoak 27 eta 35 graduren artean kokatuko dira, tokiaren arabera. Arratsaldetik aurrera baliteke ekaitzak jo eta zaparrada trumoitsuak botatzea. Hori dela eta, alerta laranja ezarriko dute Araba eta Nafarroa hegoaldean.
Klima-aldaketaren ondorioak Euskadin: 0,3 °C gehiago hamarkada bakoitzeko, bero-bolada gehiago eta itsasoaren tenperatura gora
Eusko Jaurlaritzak egindako txosten batek ohartarazi du berotze globalak gero eta ondorio handiagoak dituela Euskadin. Tenperaturak etengabe igo dira 1970etik, bero-boladen egunak bikoiztu dira eta itsas mailak erritmo bizkorrean egiten du aurrera. 2023an, itsasoaren batez besteko tenperatura inoizko altuena izan zen.
Nafarroako Unibertsitatea eta EHU, munduko 600 unibertsitate onenen artean
Massachusettseko Institutu Teknologikoak (MIT) lehen postuari eusten dio, hamalau urtez; ostean, Londresko Imperial College eta Stanfordeko Unibertsitatea daude.
Arartekoak Osakidetzan inbertsioa areagotzearen garrantzia azpimarratu du, herritarren kexak ikusita
Ines Ibañez de Maeztuk adierazi du Osasun Itunaren ostean hartuko diren neurrien esperoan dagoela, egoera hobetuko duten itxaropenarekin. "Etxebizitza eskubidea bete egiten dela bermatuko duten politika publikoen aldeko apustu irmoa" ere eskatu du.
Scientia School enpresak Pryconsa konpainiari saldu dio Amara auzoko Karmelo ikastetxea hartzen zuen eraikina
Scientia Schoolek azaldu duenez, 2019an erosi zuen ikastetxea, baina "matrikulen kopuruak behera egin zuen etengabe". "Egoera horrek itxiera ekarri zuen", gogorarazi du.