Leioako Askartza ikastetxeak kalte-ordaina eman beharko dio ikasle bati
Leioako (Bizkaia) Askartza Claret ikastetxeak 6.320 euroko kalte-ordaina eman beharko dio ikasle bati eskola-jazarpen kasu batengatik. Beste ikasle batzuek dutxan grabatu zuten, eta irudia snapchat sare sozialaren bidez zabaldu zuten, baita ikasle “kopuru zehaztugabe” baten mugikorretara ere.
Honenbestez, Getxoko lehen auzialdiko epaitegiaren erabakia atzera bota zuen Bizkaiko Lurralde-auzitegiak urtarrilaren 25ean; izan ere, Getxoko epaitegiak ez zion “inolako erantzukizunik” egotzi zentroari, “eskola-jazarpen egoera” frogatu ez zelakoan, neskatoaren familiako abokatuak jakitera eman duenez.
Gertakariak 2015eko maiatzaren 15ean jazo ziren, ikasleak 13 urte zituenean. Ebazpenaren arabera, adingabea dutxan zegoen, aldagela barruan, ikaskide baten mugikorrarekin grabatu zutenean.
Ondoren, beste ikaskide batek irudiak snapchat sare sozialaren bidez zabaldu zituen, baita mugikorren bitartez ere. Horrela, irudiak “ikastetxeko ikasle kopuru zehaztugabe bati” heldu zitzaizkien.
2017an DBHko hirugarren mailan zegoen neskatoa; lehen mailako “ikasgela galdu” zuen, talde berria “beste ikasgela bateko ikasleekin osatu baitzuten”. Adingabea beste bi ikaskideekin harremanetan hasi zen, nahiz eta horien “gizarteratzea ez erraztu”. Hirurak “begirada arraroen” eta “ezizenen” biktimak izan ziren.
Aldageletan grabatu eta irudiak zabaldu ondoren, gaztea “oso urduri, lotsaturik eta umiliaturik” agertu zen, eta “igerilekura eta heziketa fisikora joateari utzi zion”, berriz errepikatzeko beldur baitzen, “mugikorrekin aldageletan jarraitzen zutelako”.
Lehen auzialdiko sententziaren aurkako gurasoen helegiteak onartu ditu Lurralde-auzitegiak, eta ikastetxea 6.320 euroko kalte-ordaina ematera zigortu du, baita prozesu-kostuak pagatzera ere.
Albiste gehiago gizartea
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan erregistratutako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.
Kontrolpean dute Gasteizko LEA fabrikan piztutako sutea
Orduak edo egunak beharko dira oraindik sua erabat itzaltzeko. Ez da inor zauritu, industrialdea jendez hustu dutelako. Abetxuku eta Arriaga auzoak normaltasunera itzuli dira.