Espainiak ordu-eremuari eta urtaroetako ordu-aldaketei eutsiko die
Espainiako Estatuak gaur egungo ordu eremuari eta urtaroetako ordu-aldaketei eutsiko die, Isabel Celaa Espainiako Gobernuaren bozeramaile eta Hezkuntza ministroak jakitera eman duenez. Hala, martxoaren 31n ordularia ordubete aurreratuko da udako ordutegira egokitzeko.
Celaak azaldu duenez, ordu-eremua aztertu duen adituen txostenean ez dute "inolako aldaketarik" proposatzen. "Espainiak 30 urte baino gehiago darama ordu-eremu berean, Alemaniaren berean, Frankismotik hain zuzen", gaineratu du.
Era berean, urtaroetako ordu aldaketen kasuan (duela 45 urtetik dago indarrean) ere ez omen dute aldaketarako arrazoirik ikusi. Martxoaren "31n de facto aurreratuko dugu ordularia", adierazi du, udako ordutegira egokitzeko aldaketari erreferentzia eginez, eta urrian negukora egokitzeko ordularia atzeratu egingo dela gehitu du.
Celaak argitu du aditu batzordeak, hainbat hilabeteko azterketen ostean, ez duela inolako "ondorio erabakigarririk" lortu, neurriak egunerokoan izan litzakeen ondorioak handiak izan litezkeen arren.
Gainera, ministroak azpimarratu du CISek zein ordutegi nahiago zuten galdetu zuenean Espainiako Estatuko herritarrek udakoaren alde egin zutela, baina adituek nahiago dutela negukoa.
Celaak gogorarazi du Europa mailan ere ez dela ondorio erabakigarri eta loteslerik lortu. "2021 arte aztertzen jarraitzea erabaki dugu. Ikusiko dugu EBren Presidentzia berriak zein jarrera hartzen duen", azaldu du.
Europako Batzordeak ordu aldaketak 2019an amaitzea proposatu zuen. Hasiera batean martxoaren 31koa izan behar zen Europar Batasunean egin behar zen azken ordu aldaketa, baina Europako parlamentuak neurria 2021ra atzeratzea proposatu du.
Hala, EBko estatu kideek 2020ko apirilean jakinarazi behar dute, beranduenera, udako edo neguko ordutegia hautatzen duten. Lehenengo aukeraren alde eginez gero, azken ordu aldaketa 2021eko martxoan izango da; bestela, 2021eko urrian. Europako Parlamentuak eskaera hori egin duen arren, 28ek ekainean eztabaidatuko dute berri gai honen inguruan.
Albiste gehiago gizartea
EAEn eta beste erkidego batzuetan droga banatzen zuen talde kriminal bat desegin dute
Gainera, 600 kilogramo haxix , 1,5 kilo kokaina eta 12 ibilgailu atzeman dituzte. Horietatik bostek segurtasun-sistema oso konplexuak zituzten. Erakundea Madrilen eta Toledon zegoen finkatuta eta Estatu osoan banatzen zuen droga, bereziki EAEn, Errioxan, Gaztela eta Leonen eta Asturiasen.
Tinder ligatzeko aplikazioa, euskaraz eskuragarri
Jendea ezagutzeko eta ligatzeko aplikazio ezagunak 60 hizkuntza dagoeneko eskaintzen ditu, horien artean, euskara, katalana eta galegoa.
Bi atxilotu besarkadaren metodoa erabiliz Tuteran lapurreta egiteagatik
Katalunian bizi diren 24 eta 25 urteko gizon bat eta emakume bat atxilotu dituzte Errioxan, Tuteran (Nafarroa) eta Errioxako hainbat herritan besarkadaren metodoaren bidez egindako bost lapurreta egitea eta Kantabrian indarkeriaz egindako lapurreta-saiakera eta etxe batean indarrez sartzea egotzita.
Bilbo, Iruñea eta Donostia, Estatuan etxebizitza okupatu gutxien salgai dituzten hirien artean
Idealistaren azterlan baten arabera, Bilbon salgai dauden etxebizitzen % 1 eta Donostiakoen % 1,7 baino ez daude "okupatuta", Estatuko batezbestekoaren (% 3) azpitik. Espainia osoan 23.000 higiezin baino gehiago daude egoera horretan.
Renfek Bilbo-Santurtzi aldiriko trenen zerbitzu osoa berreskuratuko du bihartik aurrera
Joan den irailaren 23an katenarian izandako sutearen ondoren, bihar ohiko maiztasunak eskainiko dira berriro zerbitzua hasten denetik, 5:02an.
Bilboko Olabeaga auzoa berritzeko urrats erabakigarria: trena lurperatu eta 600 etxebizitza eraikiko dira
Bi hamarkada baino gehiagoko itxaronaldiaren ondoren, Olabeaga biziberritzeko proiektuaren tramitazioa bizkortu egingo da. Bilbao Ría 2000k urtea amaitu baino lehen onartuko ditu trenbide-trazadura integratzeko eta auzoaren hiri-antolamenduko lehiaketarako agiriak.
"Ez dugu behar, ez dugu nahi": Donostiako Gastronomy Open Ecosystem ekimenaren aurrean manifestatu dira herritarrak
Auzotar plataforma batek eta hainbat elkartek protesta egin dute Basque Culinary Centerren (BCC) egoitza berriaren eraikinaren aurka, Donostian, zientzia, berrikuntza eta ekintzailetza gastronomikoa batzen dituen GOe (Gastronomy Open Ecosystem) ekimen estrategikoaren inaugurazioan.
GMT 0, +1 edo +2: Zer ordu-eremu dagokio Euskal Herriari?
1884an gaur egunera arte heldu zaigun sistema ezarri zen: mundua 24 ordu-eremutan banandu zen. Espainiak zein Frantziak zegokien eremuan jarri zituzten erlojuak: GMT 0. Baina Gerra Zibilaren ondoren, bi estatuek GMT+1 ordu-eremua hartu zuten, Berlinekin bat egiteko, eta udan, gainera, beste ordubete aurreratzen dute.
Ofizialki inauguratu dute GOe eraikina, Basque Culinary Centerreko berrikuntza-laborategi berria
Gastronomiako adituak eta profesionalak izan dira gaur, astelehena, Basque Culinary Centerren egoitza berriaren inaugurazio ofizialean. Unibertsitate eta ikerketa zentro hori Donostiako Gros auzoan da.
Espainiako Gobernuak espedientea ireki dio jaialdien promotore bati praktika bidegabeak sustatzeagatik
Kontsumo Ministerioak adierazi duenez, jarduera horiek, hala nola jaialdietara janariarekin eta edariarekin sartzearen debekua egiaztatuz gero, milioi bat euro arteko isunak ekar ditzakete.