Kautelazko neurririk gabe aske utzi dute emazte eriari hiltzen lagundu dion gizona
Madrilen, epaileak kautelazko neurririk gabe aske utzi du esklerosi anizkoitza zuen (Maria Jose Carrasco) emazteari hiltzen lagundu zion (Angel Hernandez) gizona.
Fiskalak gizonaren aurkako kautelazko neurririk eskatu ez zuenez, epaileak aske uztea erabaki zuen atzo gauean. Suizidio lagundua leporatzen diote eta bere kontrako ikerketak aurrera jarraitzen du.
Epailearen aurreko deklarazioan, gaixo zegoen emazteari hiltzen lagundu ziola aitortu zuen.
Angel Hernandezek epaitegira agertu beharko du epaileak horrela eskatzen dioenean, ikerketak irauten duen bitartean, Madrilgo Justizia Auzitegi Nagusiak ohar bidez jakinarazi duenez.
Hernandez asteazken arratsaldean atxilotu zuten, bere emaztearekin bizi zen etxebizitzan, Madrilen.
15:00ak inguruan bertaratu ziren Summako sanitarioak. Heriotza baieztatu zuten, eta Poliziari ohartarazi zioten senarrak fase terminalean zegoen emaztearen heriotza eragiteko substantzia eman ziola.
Egoeraren gordintasuna erakusteko, heriotzaren unea bideo batean grabatu zuten Maria Jose Carrascok eta Angel Hernandezek.
Bideoaz gain, Angel Hernandezek eskutitz bat idatzi zuen bere emaztearen sufrimendua kontatuz eta bere erabakia iragarriz.
Suizidio lagundua delituagatik 2 eta 10 urte bitarteko kartzela zigorra ezar diezaiokete. Dena den, zigorra nabarmen murriztu daiteke, biktimak gaixotasun larria baldin badu eta hil egin nahi duela espreski eskatzen badu.
Albiste gehiago gizartea
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sute bat piztu da LEA fabrikan, eta Arabako hiriburu osotik ikus daiteke kea
Sute handi bat piztu da Gasteizko LEA fabrikan, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko lehioak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.
Kontrolpean dute Gasteizko LEA fabrikan piztutako sutea
Gamarrako industrialdeko enpresa guztiak hustu dituzte, eta ez da inor zauritu. Suhiltzaileek kea gutxitzea lortu dute, eta Abetxuku eta Arriaga auzoetako bizilagunak etxetik irten daitezke, baina denbora beharko da guztiz itzaltzeko.
Alkolea pasaiako paumaren habia desagertu da, Donostian
Parkea Bizirik elkarteak parkearen egoera salatu du eta neurriak hartzeko biltzera gonbita egin die udal gobernuari eta oposizioari.
EAJk hautsi egin ditu lan deialdi publikoetan euskara blindatzeko PSE-EEkin abiatutako negoziazioak
Jeltzaleen iturriek aurreratu dute EAJk berak bakarrik egingo duela aurrera eta Enplegu Publikoaren Legea aldatzen saiatuko dela, euskara eskakizunak bermatzeko.
Etxebizitza da EAEko herritarren kezka nagusia
Osasunarekiko kezkak behera egin du azken sei hilabeteetan, baina bigarren arazorik garrantzitsuena da (% 36), bizitzaren kostuaren aurretik (% 34). Bestalde, herritarrek 10etik 4,7ko nota jarri diote Imanol Pradales buru duen Eusko Jaurlaritzaren lehen urteari.
174 urteko espetxe zigorra eskatu dute Zizurko institutuko komunetan emakumeak grabatu zituen irakaslearentzat
Probintzia Auzitegian epaituko dute, haurren intimitatearen aurkako delitua eta haur pornografia delitua egotzita, hainbat hilabete ikertzen eman eta gero; guztira, 41 biktima izan dira.