9 hilabeteko zigorra eskatu dute Cabezudorentzat, artxiboak ezabatzen saiatzeagatik
Gipuzkoako Fiskaltzak 9 hilabeteko espetxe-zigorra eskatu du Kote Cabezudo argazkilari donostiarrarentzat, web zerbitzari batean gordeta zituen artxibo batzuk Ertzaintzak eskuratu aurretik ezabatzen saiatzea egotzita. Hala, Donostiako epaitegi batek bere aurka irekita duen ikerketa oztopatzen ahalegindu zen.
Argazkilaria behin-behineko espetxean dago, bere modelo batzuen kontrako sexu-delituak leporatuta, epaiketaren zain. Kausa nagusitik berezitako atal bati dagokio epai hau, izan ere, modeloei egindako abusuak, iruzurra, sexu-abusua eta haur-pornografia egotzi dizkiote, besteak beste.
2014ko uztailaren 30ean, argazkilari donostiarraren etxea miatu zuen Ertzaintzak, haren ordenagailuan eta bestelako “gailu informatikoetan” auziarekin lotuta egon zitezkeen argazki edo bideo pornografikoak aurkitzeko asmoz.
Alabaina, Ertzaintzaren iritziz, akusatuaren etxean aurkitutako material pornografikoaz gain, bere lagun batek kudeatzen zuen web zerbitzari batean argazki eta bideo pornografiko gehiago zituen gordeta.
Hala, 2017ko urtarrilaren 29an, Ertzaintzak zegokion baimena eskatu zion epaileari, web zerbitzarian gordeta zituen eduki horiek eskuratzeko helburuarekin.
Cabezudok horren berri izan zuenean, bazekien auzitegiak ez ziela berehalako erantzuna emango agenteei. Orduan, web zerbitzari horretan gordetako edukiak berreskuratzeko erabiltzailea eta pasahitza gogora ekartzea eskatu zuen; bertan zituen argazki eta bideoak ezabatu eta auzia oztopatzeko asmoz.
Gauzak horrela, Fiskaltzak prozesu-iruzur ahalegina egitea egotzi dio argazkilari donostiarrari. Arrazoi horregatik, 9 hilabeteko espetxe-zigorra eskatu du harentzat.
Donostiako epaitegi batek bi urte eta hiru hilabeteko kartzela zigorra ezarri dio Kote Cabezudo argazkilari donostiarrari, Justiziari oztopo egitea egotzita. Izan ere, modelo batek haren kontra deklaratu ez zezan, hura biluzik agertzen den argazki bat jarri zuen sare sozialetan. Argazki horretan, modeloaren gorputza pixelatuta agertzen zen, baina neska hori nor zen igarri zitekeen haren aurpegia ikusita.
Cabezudok helegitea jarri du Gipuzkoako Probintzia Auzitegian, eta ebazpenaren zain dago oraindik.
Albiste gehiago gizartea
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Suhiltzaileek lanean jarraitzen dute Gasteizko LEA lantegian, sutea kontrolpean baina itzali gabe baitute
Suhiltzaileek lantegira ura botatzen jarraitzen dute, su txiki gehiago izan ez dadin.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.
Kontrolpean dute Gasteizko LEA fabrikan piztutako sutea
Orduak edo egunak beharko dira oraindik sua erabat itzaltzeko. Ez da inor zauritu, industrialdea jendez hustu dutelako. Abetxuku eta Arriaga auzoak normaltasunera itzuli dira.