Ingeniaritza Mekatronikoko gradua Bizkaian eskainiko du Mondragon Unibertsitateak
Mondragon Unibertsitateko Goi Eskola Politeknikoak Ingeniaritza Mekatronikoko gradua eskainiko du Muskizen (Bizkaia), Somorrostro Prestakuntza Zentroarekin lankidetzan, 2020-2021 ikasturtetik aurrera.
Erakundeok izenpetu berri duten lankidetza-hitzarmenaren arabera, bi ikastetxeotako irakasleek elkarlanean jardungo dute, etengabeko prestakuntza modu koordinatuan eskaintzen eta ikerketa-proiektuak eta enpresei zuzendutako transferentzia-proiektuak gauzatzen.
Bi ikastetxe horien arteko lankidetza-harremana gaur bertan mamitu da, izenpetze ekitaldiarekin. Alde batetik, Juan Maria Palencia Mondragon Goi Eskola Politeknikoaren zuzendariak, eta bestetik, Joseba Segura, Marcelo Gangoiti Fundazioaren presidenteak sinatu dute akordioa. Cristina Uriarte Hezkuntza sailburua ere izan da ekitaldian.
Hitzarmenaren ondorioz, Mondragon Unibertsitateak eta Somorrostro Elizbarrutiko Irakas-guneak profesionalei zuzendutako etengabeko prestakuntzako programak ere sortuko dituzte, bi ikastetxeetako irakasleek irekian edo eskaripean emango dituzten tituluen bidez. Inguruko enpresen interesei eta jarduerei jarraiki diseinatuko dira, teknologiaren alorrean betiere.
Era berean, ikerketaren eta ezagutza-transferentziaren alorrari dagokionez, Bilbo Handiko enpresek ezagutza teknologikoan dituzten beharrak antzematen lagunduko du hitzarmenak, baita behar horiei erantzuteko ikerketa eta transferentzia-jarduerak martxan jartzen ere.
"Euskadin enpresari gehien begiratzen dion unibertsitateak eta EAEko Lanbide Heziketako ikastetxerik handienak bat egin dute industria-enpresen beharrizanei erantzuteko berariaz diseinatutako ingeniaritzaren alorreko gradu-tituluak eskaintzeko Bizkaian", adierazi du Carlos Garcia Mondragon Unibertsitateko Goi Eskola Politeknikoaren zuzendariak.
Albiste gehiago gizartea
Hiru pertsona ospitaleratu behar izan dituzte Elgoibarko Olaizaga kiroldegian gas toxikoa arnastu ondoren
14:30 aldera, istripu baten ondorioz, azido klorhidrikoa eta sodio hipokloritoa nahastu dira kiroldegiko igerilekuetan. Bi produktu horiek igerilekuak garbi mantentzeko erabiltzen dira normalean, baina nahasketa horrek "gas-hodei arriskutsua eragin du".
Tokiko erakundeetan euskara lehenesten duten hainbat artikulu baliogabe utzi ditu Auzitegi Gorenak
Auzitegi Gorenak atzera bota du Eusko Jaurlaritzak EAEko Auzitegi Nagusiaren epaiari jarritako errekurtsoa, eta bertan behera utzi ditu euskaldunen hizkuntza-eskubideak bermatzeko egin zen 179/2019 dekretuaren artikuluetako batzuk.
Gorotzak agertu dira Bizkaiko hainbat igerilekutan: "Arraroa da hainbeste aldiz gertatzea, erronka birala izan daiteke"
Azken egunotan Sopelako eta Urduñako hainbat igerileku itxi behar izan dituzte, uretan gorotzak (kaka) agertu direlako. Zikinkeria horren jatorria sare sozialetan zabaldu eta birala egin den erronka batean legoke, antza. Egoerak haserrea eragin du erabitzaileen artean.
Araudi berri batek aukera emango die pazienteen elkarteei osasun-sisteman gehiago eragiteko
Osasun sailburuak araudi horren garapena iragarri du, eta elkarteei adierazi die “gertu eta oso aktibo behar” dituztela Osasun Ituneko neurriak ezartzeko eta sistema eraldatzeko fasean.
Nortzuk osatzen dute “Deport Them Now” talde neonazia?
Europa osoan migratzaileen aurkako gorroto diskurtsoa bultzatzen duen mugimendua da, eta, antza, Torre Pachecon "magrebtarraren aurkako ehiza" bultzatzen zuen kartela diseinatu zuena.
Gas-ihesa gertatu da Bilbo erdigunean, eta hainbat etxebizitza eraikin jendez hustu dituzte
Rodriguez Arias kaleko obretan lanean ari zen langile batek, nahi gabe, hodi bat zulatu du. Hala ere, udaleko iturriek baieztatu dutenez, ihesa konpondu dute.
Gipuzkoako Kofradiek itsasoan lanean aritu eta erretiroa hartu dutenei omenaldi beroa egin diete
Karmen eguna ospatzen ari dira Euskal Herriko hamaika txokotan. Arrantzaleen eguna da, hain zuzen ere. 322 arrantzaleen lana eskertu dute, baita saregileena ere, eta giro ederrean ospatu Donostiako kaian.
90 urteko emakume bat hil da Gasteizen, oinezkoen pasabide batean auto batek harrapatuta
Ezbeharra astearte honetan gertatu zen, 16:00etan, semafororik gabeko oinezkoentzako pasabide batean. Udaltzaingoaren iturriek azaldu dutenez, argiketa talde bat istripuaren nondik norakoak ikertzen ari da.
TVEko kazetari bat jazarri dute Torre Pachecon, Pedro Sanchezen aurkako irainen artean
TVEko kazetari bati Poliziak lagundu behar izan dio Torre Pachecon, hainbat pertsonen jazarpenagatik. Bildutakoek "Pedro Sanchez, puta semea!" oihukatzen ari ziren.
Sexu-zerbitzuen iragarki faltsuen bidez gizonak estortsionatzen zituen talde kriminal bat desegin dute
Guardia Zibilak lau emakume identifikatu ditu ustez estortsioagatik, talde kriminaleko kide izateagatik eta dirua zuritzeagatik. Biktimak sei probintziatan daude; dirudienez, mehatxatu egiten zituzten sexu-zerbitzuen ustezko iragarkien bitartez harremanetan jarri ondoren.