Sara Majarenas eta haren alaba 'beldurtuta' eta 'zaintzapean' bizi direla salatu dute
Kontxi Ibarretak, Sara Majarenas preso ohiaren amak, prentsaurrekoa eman du gaur Donostian haren alabak eta bilobak bizi duten egoera salatzeko. Majarenasen alabari, Izarri, labankadaz eraso egin zion aitak 2017ko urtarrilean, 2 urte zituela, Valentzian. 2019ko otsailetik, baina, erasotzailea aske dago, eta harrezkero ama zein alaba "beldurtuta" eta Poliziaren "zaintzapean" bizi direla adierazi du Izarren amonak.
Amaia Zurutuzarekin batera eman du prentsaurrekoa Gipuzkoako hiriburuan. Han, Ibarretak esan du "minduta" dagoela otsailaren 15etik alabak bizi duen "estresagatik". Egun horretan irten zen kartzelarik erasotzailea, bi urteko zigorra bete ostean. Gaur-gaurkoz, epaiketaren zain dago, eta aurreikusitakoaren arabera, legealdia bukatu baino lehen epaituko dute.
Epaileak Izarren aitaren aurkako neurriak hartu zituen erasoa gertatu zenean; besteak beste, Euskadin ez sartzea, ama eta alaba Donostian bizi baitira. Halaber, "eskumuturreko telematikoa" eraman behar du beti, gutxienez, 500 metroko distantzia gorde dezan.
Kontxi Ibarretak azaldu duenez, erasotzailearen kontrako zigorrak Sara Majarenasengan ere badu eragina, gailu bati esker "uneoro baitago lokalizatuta". Horrek esan nahi du zortzi ordutik behin gailu horren bateria kargatu behar duela, ezin duela Frantzia eta Espainiako estatuak banatzen dituen muga abisatu gabe igaro, ezta Euskaditik atera ere, "beldur delako".
Izarrek, bestalde, 5 urte bete berri ditu, eta "zaintzapean" bizi da. Ertzaintzak egunero laguntzen dio ikastolara.
"Biktima dira, baina errudun direla dirudi", salatu du Majarenasen amak. "Neurri horiek alde batetik lasaitasuna ematen dute, baina era beran askatasuna mugatzen dute. Haien bizimodua ez da normala", azpimarratu du.
Gainera, erasotzailea aske utzi zutenetik lau hilabete igaro direla eta denbora tarte horretan hiru aldiz deskonektatu dela azaldu du. Dirudienez, eskumuturrekoa jarri ez duelako edo bateriarik gabe geratu delako deskonektatu da.
"Beti iluntzean gertatu dira deskonexioak, hau da, umea oheratzeko orduan. Haurra tratamendu psikologikoan dago", esan du Izarren amonak. "Kasu horietan, Ertzaintzaren abisua jasotzen du Sarak, bakarrik egon ez dadin. Hortaz, berehala "konpainia" bilatu behar du, erasotzailea lokalizatu arte, etxean bakarrik egon ez daitezen", gaineratu du.
Zure interesekoa izan daiteke
Jendetza bildu du Korrikak Maulen
Lurraldeko eta hiriburuko hainbat elkarte eta herriko etxe ikusi ditugu parte-hartzen, hala nola, Sohütako pastorala, UEU, Palestinaren aldeko elkartea, Pitxu gaztetxea, Xiberoko Botza eta beste hainbat. Handik Nafarroa Beherea alderako bidea hartu du. Gaueko 22:00 pasata sartuko da lurralde hartan Aiherratik.
Pertsona bat erietxera eraman behar izan dute Baionan gertatu den sute baten ondorioz
Sua 14:15ak inguruan piztu da garra Baiona Tipiko Kupelgileak karrikako eraikin batean. Suhiltzaileek eraikina hustu dute bertaratu orduko. Hirugarren solairuan zegoen gizonezko bat larrialdi zerbitzuen laguntzarekin atera behar izan dute eta Baionako erietxera eraman dute kea arnastuta. Garrak itzali badituzte ere, auzo guztiko elektrizitatea eta gasa moztu dituzte, prebentzio neurri gisa. Eraikinak kalte ugari izan ditu eta bere egoera hurrengo orduetan aztertu beharko da. Bizilagunek gaua etxetik kanpora igaroko dute.
Atharratzetik abiatu da 24. Korrika, festa giroan, pizkundearen akuilu izatea xede
Ibilbide osoa zuzenean ikusteko aukera dago ETB ON plataforman, EITBren telebista plataforma digital berrian. Euskararen lekukoa martxan da jada, eta Atharratzetik abiatu den oihuak Euskal Herri osoa zeharkatuko du beste behin. Bilbon amaituko da, martxoaren 29an, igandez.
Euskal jatorriko 114.400 pertsona atzerrian bizi dira, duela urtebete baino % 5,5 gehiago
Gehienak Amerikan bizi dira, Argentinan zehazki, INEk urtero argitaratzen duen Atzerrian bizi diren espainiarren erroldaren (AEE) arabera.
32 urteko emakumezko bat zauritu da Iruñean, ibilgailu batek harrapatuta
Ezbeharra 07:32an gertatu da, Arrosadia auzoan. Emakumeak kolpe ugari jasan ditu, hortaz, Iruñeko Unibertsitate Ospitalera eraman dute, pronostiko erreserbatuarekin.
Trafikoa bere onera itzuli da A-8an Irun parean, baina auto-ilara txikiak oraindik daude Kantabriarako noranzkoan, Abanton
Zubiaren hasieran trafiko-eragozpenak izan dira A-8 autobidean.
Furgoneta-gidari bat zauritu da A-1 errepidean, Asparrenan, errepidetik atera eta bazter-babesaren aurka talka eginda
Istripua ostegun honetako 08:45ean jazo da. Zauritutako gidaria ospitalera eraman dute.
Albiste izango da: Korrikaren hasiera, Ekialde Hurbileko azken ordua eta Europako Kontseiluaren bilera
Gaurkoan Orainen albiste izango direnen laburpena, bi hitzetan.
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da. ETB On plataformak etenik gabe jarraituko du ibilbidea, eguneko 24 orduetan.
ELAk adierazi du CCOOko kide batzuek euskaldunen hizkuntza eskubideen aurkako kanpaina abiatu dutela
ELAk adierazi du bat datorrela AEKrekin, Korrikaren antolatzailearekin, eta babestu egin du CCOOren zuzendaritza lasterketatik baztertzeko erabakia. ELA sindikatuak “euskararen aurka antolatutako kanpaina” baten parte izatea leporatu die CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzen ez uzteko erabakia hartu izana.