Amnistia Internazionala: 'Eskola-jazarpena salatzeko telefonoa zaharkituta geratu da'
Eskola-jazarpena salatzeko telefonoa "zaharkituta" geratu dela uste du Amnistia Internazionalak. "Haurtzaroaren eta gaztaroren soziologiari hobeto egokitutako" beste bide batzuk beharrezkoak direla azpimarratu du, umeek eta gazteek gertatzen zaiena kontatu ahal izateko.
Alex Somovilla Amnistia Internazionaleko bozeramaileak eskola-jazarpenaren inguruko txosten bat aurkeztu du Gasteizen. Ikerketa hilabete hasieran argitaratu zuten Madrilen.
Extremadurako eta Galiziako guraso, nerabe, profesional akademiko eta hezkuntza ikuskatzaileak elkarrizketatu dituzte, baina Espainia osora "estrapolatu" daitekeela adierazi du Somovillak.
"Ezkutuan" dauden eskola-jazarpen kasuak "milaka" direla agerian utzi du txostenak. Hezkuntza Ministerioko eskola-jazarpenaren aurkako telefonoa "jende gutxik" ezagutzen duela esan du Somovillak, ikastetxeek gurasoei tresnaren berri ematen ez dietelako. Gainera, erabiltzaile gehienak gurasoak direla kontuan hartu behar da, ez adingabeak.
Alex Somovilla Amnistia Internazionaleko bozeramailea. Argazkia: EFE
Zentzu horretan, salatzeko harreman mekanismoak "haurtzaroaren eta gaztaroaren soziologiari hobeto egokitu" beharko liratekeela nabarmendu du IAk. Horrela, sare sozialak bezalako beste bide batzuk landu beharra dagoela uste du, nerabeek menperatzen dituztelako, egoera salatu ahal izateko.
Gainera, telefono horretan salatutako kasuen "zati oso txiki bat" bakarrik ikertzen dute erkidego bakoitzeko ikuskaritzek, Somovillak erantsi duenez.
Ekintza protokoloak berrikustea beharrezkoa dela ziurtatu du, "benetan eraginkorrak" izateko. Ikastetxe bakoitzak "pauso ezberdinak" ematen ditu eta protokolo horiek "oso ezagunak direnik ez du ematen", nahiz eta erkidegoek ildo batzuk markatu.
Ikastetxeen inplikazioa garrantzitsua dela azpimarratu du AIko bozeramaileak. Horregatik, arazoari modu egokian aurre egin ahal izateko, irakasleak trebatzea beharrezkoa dela uste du, profesional bakoitzaren "borondate onaren" menpe ez egoteko.
Eskola-jazarpen kasu posible guztien berri Hezkuntzako Ikuskaritza-zerbitzuari ematea gomendatu die Somovillak ikastetxeei eta irakasleei. Era berean, gurasoekin eta ikasleekin harremanetan egotearen garrantzia nabarmendu du, salatzeko mekanismoak eta protokoloak daudela jakin dezaten.
Eskola-jazarpena "Estatu gaia" izan beharko litzatekeela adierazi du Somovillak. Bozeramaileren ahotan, Estatuak haurren eskubideak eta protokoloen funtzionamendua bermatu behar ditu.
Getxon hildako adingabearen kasuaz galdetuta, eskola-jazarpenaren ondorioa den ez dakitela ohartarazi du Somovillak, baina hala balitz, "neurriek huts egin dute eta berrikusi beharko lirateke", adierazi du.
Zure interesekoa izan daiteke
Matrikulazioa % 5 jaitsiko dela uste du Hezkuntza Sailak, baina ikasturtean zehar heldutako ikasleekin orekatu daitekeela erantsi du
Begoña Pedrosa Hezkuntza sailburuak azaldu duenez, matrikula kopuruak % 5 inguru egin du behera, datu demografikoak kontuan hartuta egindako estimazioen arabera. Dena dela, iragarri du beherakada "matrikulazio biziak" konpentsatuko duela; izan ere, irailetik 5.400 ikaslek eman dute izena EAEko hezkuntza sisteman.
Gidari bat ikertzen ari dira istripu batetik ihes egin eta alkoholemia proba egiteari uko egiteagatik
Ertzaintzak ikertu gisa inputatu du bart Trapagaranen beste ibilgailu baten kontra istripua izan eta ihes egiten saiatu zen gidari bat, bide-segurtasunaren aurkako ustezko delitu bat egotzita. Eusko Jaurlaritzako Segurtasun Sailak jakinarazi duenez, larunbatean, 21:00ak aldera, bi ibilgailuk talka egin zuten Bizkaiko udalerri horretan, eta gidarietako bat bertan artatu behar izan zuten. Beste gidaria, onik atera zena, ihes egiten saiatu zen, baina agenteek geldiarazi egin zuten. Gizonak uko egin zion alkoholemia proba egiteari.
Hiru pertsona artatu dituzte Usurbilen, sute batean kea arnasteagatik, eta beste bat Errenterian
Usurbile, hiru pertsonak tokian bertan artatu dituzte, baina Errenterian, Donostia Ospitalera eraman behar izan dute emakume bat. Barañaingo supermerkatu batean ere sutea izan da larunbat honetan baina ez da inor zauritu.
Manteroen kontrako "poliziaren esku-hartze bortitza" salatu dute dozenaka lagunek Bilbon
Mbolo Moye Doole eta Manteroekin bat! plataformek deituta, ostegunean Ertzaintza eta Udaltzaingoa manteroen aurka indarkeriaz aritu zirela salatu dute. Horien esanetan, "ez da gertaera isolatua izan", hilero jazotzen baitira halakoak.
Euskaraz bizitzeko eskubidea aldarrikatu eta EHEko lau ekintzaileren aurkako epaiketa salatu dute dozenaka lagunek Baionan
Euria eta hotza egin badu ere, 200 euskaltzale batu dira protestara datorren ostegunean epaituko dituzten Euskal Herrian Euskarazeko lau kideei babesa emateko.
Adingabe bat atxilotu dute Getxon, beste gazte bati lepoan labankadak eman eta larri zauritzeagatik
Ertzaintzak jasotako testigantzen arabera, 01:00ak aldera, hiru gazte Areeta auzoko parke batean zeuden banku batean eserita, erasotzailea eurengana joan eta oldartu zitzaienean. Higu gazteek korrika alde egin zuten baina bat harrapatu eta zauritu egin zuen.
Kamioi batek A63 autobian izandako istripuak auto-ilara luzeak eragin ditu Donibane Lohizune parean
Ibilgailua irauli egin da, eta ondorioz zama galdu du. Errepidea erabat itxi dute eta 6 kilometrora arteko ilarak sortu dira, baina 19:15ean errei bat ireki dute bertan hiru orduz geldirik egon diren ibilgailuak pasatzeko. Ondoren, berriro itxi dute bidea, kamioia bertatik kendu ahal izateko.
Gizon bat atxilotu dute Errenterian beste gizon bat labanaz hiltzen saiatzea egotzita
Ertzaintzak atzo atxilotu zuen 36 urteko gizasemea, baina gertakariak hilaren 12an jazo ziren, Gipuzkoako udalerri horretako lokal batean. Biktima, 21 urtekoa, ospitaleratu egin behar izan zuten, zauri larriak baitzituen.
Osasun sailburuaren arabera, iraungitako txertoen kasuak "ESI batean edo bitan izan dira, Donostialdekoan tartean"
Alberto Martinezek ETBn egindako elkarrizketa batean azaldu duenez, pertsona batek "bere lana egin beharko lukeen modura egin ez duela ondorioztatzen bada, horren ardura hartu beharko luke, zalantzarik gabe". Sailburu gisa, ahal den neurrian, horrelako akatsak ez direla berriro jazoko bermatu behar duela nabarmendu du, hori baita bere "ardura".
Euskal eskola publikoen "itxierak eta bat-egiteak" itunpeko ikastetxeei "artifizialki eusteko" direla salatu du Sumarrek
Sumar Mugimenduak, Ezker Anitza-IUk eta Berdeak Equok "Hezkuntza publikoaren aldeko frontea" ekitaldia egin dute larunbat honetan Santurtzin, EAEko hezkuntza publikoaren egoera aztertzeko.