Imsersoko turismo programan izena emateko epea hasi da
Imsersoko turismo programan izena emateko epea irekita dago, ekainaren 25etik uztailaren 10era. 2019-2020 denboraldian erretiratuentzako 900.000 toki izango dira, urrian hasita.
Hiru atal daude: kostalde penintsularreko turismoa, kostalde uhartetarreko turismoa eta barnealdeko turismoa (zirkuitu kulturalak). Osasun, Kontsumo eta Ongizate Ministerioaren arabera, azken ataleko tokiak dira eskatuenak. Beraz, % 7 igo da horien eskaintza.
4, 5, 6, 8, 10 edo 15 egunekoak dira aukerak. Salneurriak bidaiatzeko lekuaren eta luzeraren araberakoak dira. Ordaindurakoaren araberakoa ez den erretiro edo baliaezintasun prestazioaren mailako baliabideak edo gutxiago dutenentzat tokien % 1 erreserbatu dute, prezio erdian. Parte-hartzaileen % 65ek 1.050 euro baino gutxiagoko pentsioa du.
Nola egin eskaera?
Oraindik programa honetan parte hartu ez duten pertsonek eskaera aurkeztu beharko dute.
Lehenago parte hartutakoek soilik datuak aldatu badira jakinarazi beharko dute. Bidaien lehentasunak aldatu nahi badituzte ere esan beharko dute.
Lehenagotik akreditatutako pertsonei eskutitz bidez bidali die informazioa Imsersok. Guztira, programak 2,5 milioi gutun bidali ditu ekainetik.
Aldaketak jakinarazteko edota lehenengo aldiz izena emateko, interesa duten pertsonek gutun bidez, Imserson, Correosen edo beste bulegoetan inprimaki bat aurkeztuz edota Internet bidez egin dezakete. Internet bidez egiteko hiru aukera daude: helbide zehatz baten bidez, Imsersoko Atari Elektronikoan edo telefono mugikorraren bidez QR kodigo bat eskaneatuta.
Ministerioaren arabera, modu telematikoek "oso harrera ona" izan dute. Horrek erakusten du "adinduek gero eta ezagutza zabalagoa dute teknologia berriei dagokienez", eta horien bitartez "hau bezalako kudeaketak egin ditzakete, modu erraz eta eraginkorrean, beharrezkoak ez diren izapideak eta lekualdaketak saihestuz".
Zenbait kasutan "belaunaldien arteko harremanak" garatu direla nabarmendu du ministerioak, senide gazteagoek, "Internet errazago erabiltzen dituztenek", kudeaketa hauetan adinduei laguntzen dietelako.
Informazioa eskatzeko bide hauek jarri ditu Imsersok: 901 10 98 99 telefonoa, buzon@imserso.es helbide elektronikoa eta www.imserso.es webgunea.
Albiste gehiago gizartea
Hiru pertsona ospitaleratu behar izan dituzte Elgoibarko Olaizaga kiroldegian gas toxikoa arnastu ondoren
14:30 aldera, istripu baten ondorioz, azido klorhidrikoa eta sodio hipokloritoa nahastu dira kiroldegiko igerilekuetan. Bi produktu horiek igerilekuak garbi mantentzeko erabiltzen dira normalean, baina nahasketa horrek "gas-hodei arriskutsua eragin du".
Tokiko erakundeetan euskara lehenesten duten hainbat artikulu baliogabe utzi ditu Auzitegi Gorenak
Auzitegi Gorenak atzera bota du Eusko Jaurlaritzak EAEko Auzitegi Nagusiaren epaiari jarritako errekurtsoa, eta bertan behera utzi ditu euskaldunen hizkuntza-eskubideak bermatzeko egin zen 179/2019 dekretuaren artikuluetako batzuk.
Gorotzak agertu dira Bizkaiko hainbat igerilekutan: "Arraroa da hainbeste aldiz gertatzea, erronka birala izan daiteke"
Azken egunotan Sopelako eta Urduñako hainbat igerileku itxi behar izan dituzte, uretan gorotzak (kaka) agertu direlako. Zikinkeria horren jatorria sare sozialetan zabaldu eta birala egin den erronka batean legoke, antza. Egoerak haserrea eragin du erabitzaileen artean.
Araudi berri batek aukera emango die pazienteen elkarteei osasun-sisteman gehiago eragiteko
Osasun sailburuak araudi horren garapena iragarri du, eta elkarteei adierazi die “gertu eta oso aktibo behar” dituztela Osasun Ituneko neurriak ezartzeko eta sistema eraldatzeko fasean.
Nortzuk osatzen dute “Deport Them Now” talde neonazia?
Europa osoan migratzaileen aurkako gorroto diskurtsoa bultzatzen duen mugimendua da, eta, antza, Torre Pachecon "magrebtarraren aurkako ehiza" bultzatzen zuen kartela diseinatu zuena.
Gas-ihesa gertatu da Bilbo erdigunean, eta hainbat etxebizitza eraikin jendez hustu dituzte
Rodriguez Arias kaleko obretan lanean ari zen langile batek, nahi gabe, hodi bat zulatu du. Hala ere, udaleko iturriek baieztatu dutenez, ihesa konpondu dute.
Gipuzkoako Kofradiek itsasoan lanean aritu eta erretiroa hartu dutenei omenaldi beroa egin diete
Karmen eguna ospatzen ari dira Euskal Herriko hamaika txokotan. Arrantzaleen eguna da, hain zuzen ere. 322 arrantzaleen lana eskertu dute, baita saregileena ere, eta giro ederrean ospatu Donostiako kaian.
90 urteko emakume bat hil da Gasteizen, oinezkoen pasabide batean auto batek harrapatuta
Ezbeharra astearte honetan gertatu zen, 16:00etan, semafororik gabeko oinezkoentzako pasabide batean. Udaltzaingoaren iturriek azaldu dutenez, argiketa talde bat istripuaren nondik norakoak ikertzen ari da.
TVEko kazetari bat jazarri dute Torre Pachecon, Pedro Sanchezen aurkako irainen artean
TVEko kazetari bati Poliziak lagundu behar izan dio Torre Pachecon, hainbat pertsonen jazarpenagatik. Bildutakoek "Pedro Sanchez, puta semea!" oihukatzen ari ziren.
Sexu-zerbitzuen iragarki faltsuen bidez gizonak estortsionatzen zituen talde kriminal bat desegin dute
Guardia Zibilak lau emakume identifikatu ditu ustez estortsioagatik, talde kriminaleko kide izateagatik eta dirua zuritzeagatik. Biktimak sei probintziatan daude; dirudienez, mehatxatu egiten zituzten sexu-zerbitzuen ustezko iragarkien bitartez harremanetan jarri ondoren.