'Baietzik gabe, ezetz da!' izango da eraso sexisten aurkako kanpaina Donostian
Donostiako Udalak indarkeria sexistarik gabeko jai aste bat izatearen aldeko deia egin du. Eneko Goia Donostiako alkateak eta Duñike Agirrezabalaga Berdintasun zinegotziak zer ekintza eta baliabide indartuko diren zehaztu dute, Aste Nagusia emakumeenganako inolako erasorik gabe igaro dadin.
Aste Nagusia "lasaia, alaia eta parte-hartzailea izatea, eta inoren askatasuna urratua ez izatea" eskatu dio Eneko Goiak "gizarte osoari".
Alkateak errespetua funtsezkoa dela gogorarazi du Aste Nagusiari begira, "errespeturik gabe ez dagoelako bizikidetzarik".
Bestalde, Duñike Agirrezabalagak nabarmendu duenez, "egun hauetan, alarma duten gertaerak izan dira. Aste honetan bertan Bilbon eta Donostian izandako bortxaketak erabat gaitzesgarriak dira, eta horrelakorik ez gertatzeko ahalegin handiagoa egitera behartzen gaituzte. Emakumeen aurkako indarkeriarik gabeko jaiak nahi ditugu. Beharrezkoa den guztietan berretsi behar dugu baietzik gabe ezetz dela".
Aste Nagusiaren aurreko egunetan, eraso sexisten aurkako leloa daraman jaietako zapia banatzen ari dira hainbat tokitan: 'Baietzik gabe, ezetz da!'.
Gainera, Aste Nagusiko egun guztietan, kanpadenda bat egongo da bulebarrean eraso sexisten aurkako kanpainaren informazio gune modura. Egunero, beste bi hezitzailek jaietako hainbat gune bisitatuko dituzte informazio hori emateko.
Eraso sexisten aurkako kanpainaren leloa duen pankarta bat jarriko da udaletxeko balkoietan, bulebarrera begira. Era berean, eraso sexisten kasuan jarduteko protokoloak banatu zaizkie taxilariei, baita ostalaritzako establezimenduetan ere.
Albiste gehiago gizartea
Dozenaka lagun batu dira Maulen, Donapaleun eta Baionan, EHEk deitutako elkarretaratzeetan
Euskara lehenesteko eta bigarren mailako hizkuntza gisa tratatzeari uzteko eskatu diete erkaunde sozial, kultural, ekonomiko eta politikoei, hizkuntza politikan euskararen aldeko jauzia egiteko.
Istiluak izan dira bart Azpeitian gazte batzuen eta polizia agenteen artean, eta bi ertzain zauritu dira
Eusko Jaurlaritzako Segurtasun sailak gertakaria gaitzetsi du, eta elkartasun osoa adierazi die agenteei. Bien bitartean, Azpeitiko Gaztetxeak "poliziaren gehiegikeria" salatzeko elkarretaratzea deitu du gaur, 18:30ean, Azpeitiko plazan.
LEAk sutearen osteko babesa eskertu du eta bideo hunkigarri batekin berretsi du enpresaren jarraipena
Enpresak iragarri du irailaren amaieran hasiko dela berriro ekoizten, Gamarrako industrialdean dagoen 13.000 m²-ko behin-behineko nabe batean.
Samaniegon desagertutako 70 urteko gizonaren bilaketari ekin diote berriro
Arabako Errioxako landa-eremuan bilatzen ari dira gizona. Desagertuak praka beixak eta niki urdin argi bat zeramatzan jantzita azken aldiz ikusi zutenean.
Kobetamendiko karabana eta autokarabanen gunea martxan izango da igandetik aurrera, Bilbao BBK Live jaialdia amaitu ostean
Udalak instalazioak berritu berri ditu, azken urteetan izandako erabiltzaileen gorakada nabarmenari erantzuteko. Hemendik aurrera Bilbao Caravan Park izena izango du. Azpiegitura nagusi berri bat sortu da eta instalazio zaharra eraldatu da.
Espetxera bidali du epaileak Anoetan txirrindulari bat harrapatu eta hiltzea leporatuta atxilotutako gidaria
Istripua ostiral arratsaldeko zortzietan gertatu zen, eta bertaratutako osasun-zerbitzuek Zizurkilgo 53 urteko kirolariaren heriotza baieztatu besterik ezin izan zuten egin.
Bilboko Konpartsek jai giroan abiatu dute Aste Nagusirako atzerako kontaketa
Urtero bezala, hainbat ekitaldi antolatu dituzte, konpartsa guztietako kideei eta bilbotarrei zabalik, konpartsakidetzera animatu daitezen, Aste Nagusia eta gainerako jaiak bizitzeko oso modu berezia baita. Bilboko Aste Nagusiari hasiera emateko hilabete eskas geratzen dela gogorarazi dute Bilboko Konpartsek, adiskide arteko giroan, Konpartsakide Egun honetan.
Ibiko suteak ez du sugarrik, eta Navaluengakoak jada 1.500 hektarea erre ditu
Ibin (Alacant), Font Roja parke naturaletik gertu, piztutako baso-sutea perimetratzea lortu dute, eta jada ez du sugarrik. Hala ere, suak martxan jarraitzen du Navaluengan (Avila), 26 kilometroko perimetroarekin, eta 1.500 hektarean da jada.
Zaleak prest Peyresourden, Frantziako Tourraren 14. etapa ikusteko
Familia eta kuadrila asko hiru egun lehenago bertaratu dira lekurik onena hartzera, eta giroaz gozatzera. Hala, dozenaka karabana eta furgonetek kanpaleku erraldoia sortu dute egunotan.
Euskal Herria, arrazakeriaren aurrean, erantzun antolatua
Nafarroako eta Bizkaiko arrazismoaren aurkako kolektiboek elkarretaratzeak egin dituzte larunbat honetan, gorrotoak eta indarkeria arrazistak gora egin dutela salatzeko.