Sexu-erasoei aurre egiteko ahalegin berezia egingo dute Bilboko Aste Nagusian
Hilabeteak daramatzate Bilboko Udaltzaingoak eta Ertzaintzak Aste Nagusirako segurtasun-dispositibo berezia prestatzen. Astelehenean Udaletxean egindako bileran, segurtasunarekin lotutako azken xehetasunak erabaki ditu Segurtasuna Koordinatzeko Batzordeak, Juan Mari Aburto Bilboko alkatea bertan zela.
Bilboko Udalak gaur aurkeztu du Eusko Jaurlaritzako Segurtasun Sailarekin batera prestatu duen segurtasun operatibo berezia. Arreta nagusia jende gehien biltzen den lekuetan jarriko dute, baina ertzainak eta udaltzainak hiri osotik ibiliko dira. Udalak azaldu duenez, segurtasuna eta prebentzioa dira oinarrizko lehentasunak, kontuan izanik milioi bat eta erdi pertsona igaroko direla hiritik Aste Nagusiak iraungo duen 9 egunetan.
Horrela, ertzainak eta udaltzainak eguneko 24 orduetan egingo dituzte zaintza-lanak, bereziki jende gehien biltzen den lekuetan: Areatza, Plaza Biribila, Zazpikaleak, Erkoreka plaza, Etxebarria parkea, Abandoibarra, Casilda Iturrizar parkea, Indautxu eta Moyua plaza, besteak beste.
Aurreko urteetan bezala, Aste Nagusian galdutako eta aurkitutako objektuen zerbitzu berezia jarriko da martxan Udaltzaingoaren bulegoetan, jaietan galtzen diren objektuak jabeei lehenbailehen itzuli ahal izateko.
Udaltzainak eta ertzainak elkarlanean arituko dira Aste Nagusian. Argazkia: Bilboko Udala
Operatibo honek garrantzi berezia emango die eraso sexisten eta sexu-erasoen aurkako prebentzioari eta jarduketari. Horren harian, kaleko arroparekin jantzita ibiliko diren eta jai-esparruetan berehala jarduteko prest izango diren agenteen kopurua nabarmen handituko da. Bideozaintza modu pasiboan erabiliko dute, eta festa gunetik kanpo geratzen den lekuen zaintza indartuko dute, eraso asko etxera bidean gertatzen baitira. Aurten, 100 udaltzain gehiago izango dira lanean Aste Nagusian.
Halaber, pertsonen osotasun fisikoa arriskuan jar dezaketen egoerak saihestuko dira, etahorretarako, besteak beste, bideko segurtasun-neurriak hartuko dira. Mota guztietako bideetan areagotuko da zaintza, batez ere joan-etorri gehien dutenetan. Ertzaintzak eta Udaltzaingoak elkarlanean egingo dituzte alkohol eta substantzia estupefazienteen kontsumoa prebenitzeko kontrolak.
Bilboko Udalak azpimarratu duenez, ez da kaleko postuetan edaririk edo elikagairik erosi behar, osasunerako arriskutsua izan daitekeelako osasun-kontrolik izan ez duten elikagai galkorrak kontsumitzea.
Jende ugari Bilboko Aste Nagusian. Artxiboko argazkia: EiTB
Su artifizialak
Su artifizialak dira Aste Nagusiko ikuskizun jendetsuena. Berrikuntza modura, su artifizialak hastera doazela ohartarazteko, 22:15ean 10 segundoko argi eta kolore seinaleak ikusi ahalko dira zeruan (Euskaltelen kartela piztuta egiten izan da iragarpen hori aurreko edizioetan).
Laugarren urtez jarraian, 989/2015 Errege Dekretuak jasotakoa betez, haizearen abiadura orduko 36 kilometrotik gorakoa bada, suak bertan behera utziko dituzte. Hori gertatzeko probabilitate txikia dagoenez, Udalak jarraibideak prestatu ditu herritarrei ikuskizun piroteknikoa bertan behera geratu dela ohartarazi behar bazaie.
Hala, su artifizialak bertan behera geratzen badira, ondorengo mezua zabalduko dute festa eremuko megafoniaren bidez: "Entzun, mesedez. Bilboko Udalak jakinarazten du gaur gaueko su artifizialen ikuskizuna bertan behera geratuko dela, haizeak jaurtiketa-eremuan duen indarra dela eta. Barkatu eragozpenak”.
Zure interesekoa izan daiteke
Lehen auto-ilarak AP-8an, Irunen, eta kamioiak ezin dira Biriatuko mugan zehar pasa
Gutxienez bost kilometroko auto-ilarak daude lehen ordutik AP-8 autobidean, 0 kilometroan, Irunen, Baionarako noranzkoan. Kamioiak erregulatzeko neurri bereziak ezarri dituzte.
ETB ON aurkeztu dute, EITBren telebista plataforma digital berria
ETB ON plataforman zuzenekoen eskaintza handia eta EITB Taldearen edukirik onenak klik bakar batean topatuko ditu erabiltzaileak, nahi duen unean eta moduan ikusteko. Teknologia berri bat ardatz hartuta, Nahieran plataforma historikoa birformulatu eta etorkizunera begira jarri du EITBk.
Gernika, Bermeo eta Mundakako herri plataformek Busturialdea-Urdaibairako plan estrategikoa kritikatu dute
Ez daude ados Eusko Jaurlaritzak eta Bizkaiko Foru Aldundiak eskualderako egin duten inbertsio planarekin. Eskualdea zahartzen ari dela diote, gazteak kanpora joaten ari direlako ez dutelako bertan lan egin eta bizitzeko aukerarik. Beraz, lehendabizi enplegua eta etxebizitza planak behar direla diote.
Urdaibaiko Guggenheim museoa baztertu dute, proiektua iragarri eta 17 urtera
Bi urteko azterketa eta hamaika eztabaidaren ondoren, Urdaibaiko Guggenheim proiektua baztertzearen erabakia hartu du Patronatuak. Orain hilabete, Elixabete Etxanobe Bizkaiko ahaldun nagusiak azaldu zuen luze joko zuela museoa eraikitzeko lurrak garbitzea, bai eta egitasmoaren aurkako salaketak epaitegietan argitzea ere. Eta kalean proiektuak kritika andana jaso izan du talde ekologisten eta herritarren aldetik.
Guggenheim Urdaibai egitasmoa behin betiko baztertu du museoko Patronatuak
Arratsaldean egindako bileran aho batez hartu dute azken erabakia, proiektuaren bideragarritasun faltagatik. Egitasmoa aurrera eramateko zailtasun handiena Murueta ontziola dagoen lur zatiaren egoera juridikoa dela jakinarazi du Elixabete Etxanobe diputatu nagusiak.
163 postuk eta hogei bat jarduerak girotuko dute Donostiako San Tomas azoka
Datorren igandean, Gipuzkoako hiriburuan izango den azokara hurbilduko direnek, salmenta postuez gozatzeaz gain, gustu eta adin guztietarako jardueretan parte hartu ahal izango dute.
Entzute prozesuak islatzen du Guggenheim Museoa Urdaibain zabaltzerik "ez" dela nahi, baina eskualdeko garapenari begi onez begiratzen zaiola utzi du agerian
Herritarren artean entzute-prozesua gidatu duen Agirre Lehendakaria Centerrek azaldu duenez, "hasierako narratiba" horien zati handi bat "beste joera bat" hartu du hilabeteetan zehar. Izan ere, Urdaibaiko Guggenheimen aurkako iritziak jaso dira, baina baita eskualdearen garapenaren aldeko jarrerak ere.
Korrika egitea, osasuntsu zahartzeko: Fernando eta Leopoldo, 81 eta 76 urterekin korrika egiten jarraitzen duten beteranoak
Fernandok 31 Behodia daramatza, azken bi urteetan beteranoena izanik, eta Leopoldo erretiroa hartu baino pixka bat lehenago hasi zen kilometroak egiten. Korrika egitea botikarik onena da bientzat, ez bakarrik bere ongizate fisikoagatik, gaixotasunak prebenitzen eta zahartzea atzeratzen ere laguntzen baitie.
Ziberindarkeria matxistak ezagutzen laguntzeko gida argitaratu du Emakundek
"Jarri izena" gira gazteei zuzenduta dago, eta bere helburua da ingurune digitaleko indarkeria matxistak identifikatzea, askotan oharkabean pasatzen dira eta, eta alfabetatze digitala eskaintzea, sareetan gertatzen diren indarkeria matxista mota guztiak hautemateko eta horiei izena jartzeko.
Espainiako Gobernuak iragarritako garraio-abonu bateratua urtarrilaren 19tik aurrera erabili ahal izango da
Oscar Puente Garraioetako eta Mugikortasun Iraunkorreko ministroak adierazi duenez, Gobernuaren asmoa gainerako administrazioekin lan egitea da, hala nola autonomia-erkidegoekin eta udalekin, etorkizunean hiri barruko eta hiriarteko abonuak bateratu zein integratzeko eta garraio-txartel bakarrarekin funtzionatu ahal izateko, Europako beste herrialde batzuetan gertatzen den bezala.