Aburto: 'Ez dugu C. Tanganaren kontzertua debekatu, ezta zentsuratu ere'
Juan María Aburtoren ustez “erokeria” bat dela dio festetan C. Tangaren kontzertua bertan behera uztea adierazpen askatasunarekin nahastea. Zentzu horretan, Udaletxeak ez duela kontzertua “ez debekatzen, ezta zentsuratzen” ere adierazi du, eta horren “froga nagusia” azkenean rap abeslariak Bilboko antzoki batean emango duen kontzertua dela azpimarratu du.
“Guk nahi duguna Aste Nagusian baloreak presente egotea da”, azaldu du Europa Pressi emandako adierazpenetan Aburtok, eta “diru publikoarekin horrelako kontzertuen alde ezin dela egin adierazi du”.
10.000 pertsona inguruk 24 ordu baino gutxiagotan artistaren letrak “matxistak” zirela salatu ostean, Bilboko Udaletxeak abuztuaren 9an jakinarazi zuen, berez larunbat honetarako (abuztuak 24rako) Europa Parkean antolatuta zegoen C. Tanganaren kontzertua bertan behera geratzen zela.
Udaletxeak “emakumearen aurkako mezuak agerian ez jartzeko betebeharraren ondorioz hartu zutela erabakia azaldu zuten. Pasa den ostegunean artistak bere sare sozialetan aldarrikatu zuen “zentsura eta debekua ez dela jendea hezteko modua” eta larunbaterako kontzertuaren berri eman zuen “erakundeen zentsuraren aurka”.
Aburtok azaldu duenez beraiek ez dute “ez debekatu ezta zentsuratu ere”. “Hau adierazpen askatasunarekin nahastea oraindik ulertzen ez dudan zerbait da” azpimarratu du behin eta berriz.
Zentzu horretan, udal arduradunek egin dutena “askatasun ariketa bat da, kontratatzea edo ez kontratatzea” azaldu du, eta “ez kontratatzea erabaki zuten okertu egin zirela uste zutelako eta musika emakumearen aurkako instrumentu bihurtzen denean, eta berdintasunik ageri ez denean, ezin da horrelako musikaren alde egin”.
Aste Nagusiko baloreak
“Egindakoa ekintza bat besterik ez da izan, eta gogoeta askoren egin ostean etorri den erabakia izan da. Hortik aurrera, ez dela ez zentsura ezta debekurik egotearen adibide nagusia da bihar antolatu den kontzertuarena. Nahi duena joango da, eta nahi ez duena ez” argitu du Bilboko alkateak.
Ea bigarren kontzertua lehenengoa izango litzatekeen egun bererako antolatua izatea probokazio bat dela uste duten galdetzean, alkateak adierazi du “seguraski, beste batzuen artean, hori izango dela beraien nahietako bat”. Nolanahi ere, udaletxea lanean dabil, ahal den heinean, balioak presente egon daitezen”. “Besteek egiten dutena beraien ardurapean geratzen da” azaldu du azkenik Aburtok.
Zure interesekoa izan daiteke
Gizon batek bikotekidea hil du Pontevedran eta bere buruaz beste egin du ondoren, atxilotu aurretik
Emakumearen gorpua ahizpak aurkitu du, bere etxebizitzako lurrean, eta gizona ihes egiten ikusi du. Gizona etxebizitza batean gotortu da eta Guardia Zibila berarekin negoziatzen aritu da arratsalde osoan, entregatu zedin, baina bere buruaz beste egin du azkenean.
Lau urteko haur bat oso larri Oionen, bigarren solairutik erorita
13:30 aldera gertatu da istripua, eta helikopteroz eraman dute Gurutzetako ospitalera, buruan kolpe handi bat zeukala.
Talde animalistek protestak egin dituzte Bilbon eta Iruñean, ehizaren eta ehiza-txakurren erabileraren aurka
Espainiako Estatuko 44 hiritan eta beste 41 herrialdetan izan da mobilizazioaK, Galgoaren Munduko Egunarekin bat eginez.
Diru bilketa abiatu dute Aroztegia auzian zigortutako zazpi kideei jarritako isunei aurre egiteko
Zazpi ekintzaileek ez zuten kartzela zigorrik jaso, baina 62.000 euroko isuna ordaintzera kondenatu zituzten. Isunez gain, defentsa eta gainerako gastuak ordaintzeko bilketa egingo du orain Aroztegiko Elkartasun Komiteak.
Joko areto baten aurka protesta egiteagatik auzipetutako Sopelako lau gazteen aurkako epaiketa atzeratu dute, data jarri gabe
32 urteko kartzela zigorra eta 112.400 euroko isuna eskatu dute lau sopeloztarrentzat. Auzia birritan artxibatu dute, eta akusazio partikularra da pertsonatutako akusazio bakarra. Hain justu, auzipetuei elkartasuna adierazteko manifestazioa egin zuten atzo Sopelan.
Osasun Sailak zehaztu du iraungitako txerto hexabalenteak Iztietako (Errenteria) eta Ondarretako (Donostia) osasun-zentroetan jarri zituztela
Osakidetza hasi da kaltetutako 30 pertsonak (25 haurtxo eta 5 heldu) berriro txertatzen. Iraungitako txerto tetrabalentea edo hirukoitz birikoa jaso zutenek (75 bat lagun) asteon jasoko dute gertakin zuzena.
Matrikulazioa % 5 jaitsiko dela uste du Hezkuntza Sailak, baina ikasturtean zehar heldutako ikasleekin orekatu daitekeela erantsi du
Begoña Pedrosa Hezkuntza sailburuak azaldu duenez, matrikula kopuruak % 5 inguru egin du behera, datu demografikoak kontuan hartuta egindako estimazioen arabera. Dena dela, iragarri du beherakada "matrikulazio biziak" konpentsatuko duela; izan ere, irailetik 5.400 ikaslek eman dute izena EAEko hezkuntza sisteman.
Gidari bat ikertzen ari dira istripu batetik ihes egin eta alkoholemia proba egiteari uko egiteagatik
Ertzaintzak ikertu gisa inputatu du bart Trapagaranen beste ibilgailu baten kontra istripua izan eta ihes egiten saiatu zen gidari bat, bide-segurtasunaren aurkako ustezko delitu bat egotzita. Eusko Jaurlaritzako Segurtasun Sailak jakinarazi duenez, larunbatean, 21:00ak aldera, bi ibilgailuk talka egin zuten Bizkaiko udalerri horretan, eta gidarietako bat bertan artatu behar izan zuten. Beste gidaria, onik atera zena, ihes egiten saiatu zen, baina agenteek geldiarazi egin zuten. Gizonak uko egin zion alkoholemia proba egiteari.
Hiru pertsona artatu dituzte Usurbilen, sute batean kea arnasteagatik, eta beste bat Errenterian
Usurbile, hiru pertsonak tokian bertan artatu dituzte, baina Errenterian, Donostia Ospitalera eraman behar izan dute emakume bat. Barañaingo supermerkatu batean ere sutea izan da larunbat honetan baina ez da inor zauritu.
Manteroen kontrako "poliziaren esku-hartze bortitza" salatu dute dozenaka lagunek Bilbon
Mbolo Moye Doole eta Manteroekin bat! plataformek deituta, ostegunean Ertzaintza eta Udaltzaingoa manteroen aurka indarkeriaz aritu zirela salatu dute. Horien esanetan, "ez da gertaera isolatua izan", hilero jazotzen baitira halakoak.