'Zentsuraren aurkako' kontzertu bat iragarri du C. Tanganak, larunbatean Bilbon
Bilboko Santana 27 aretoan doaneko kontzertua emango duela iragarri du C. Tanganak, hurrengo larunbatean, Aste Nagusian emanaldia emateko programatuta zegoen egun berean. Minutu gutxian saldu dira sarrera guztiak.
"Erakundeen zentsuraren aurkako kontzertu" gisa aurkeztu du emanaldia Madrilgo musikariak, Bizkaiko hiriburuko jaietako egitarauan programatuta zegoen kontzertua "letra matxistengatik" bertan behera utzi ostean.
Iragarpenean, C. Tanganak esan du ez duela "emakumeen irudi bat" proiektatzen, "asko" baizik: "Nire musikan emakume asko daude, nire hitzetan zein nire bideoetan".
Musikariak bere emakume jarraitzaileei buruz ere hitz egin du, eta ez direla "inor baino feminista gutxiago" defendatu du. "Bere kabuz pelikuletako, abestietako edo liburuetako zein roletan identifikatzea erabakitzen duten emakumeak dira", esan du.
"Kaka asko hitz egiten dut nire musikan. Ez dut inor hezteko diskurtsorik egiten. Zure kabuz pentsatu. Larunbatean Bilbon ikusiko dugu elkar", bukatu du C. Tanganak.
Isiltasuna apurtu du
Aste batzuez sare sozialetan isilik egon ostean, C. Tanganak Bilboko Udalak Aste Nagusiko kontzertua "letra matxistak" izateagatik bertan behera utzi eta gero bere alde agertu zirenei eskerrak eman dizkie, eta "zentsuratzea eta debekatzea ez dela hezteko modua" esan du.
Madrilgo musikariak, mezuarekin batera, "Pop Ur Pussy" abestiaren bideoklipa publikatu du Twitterren. Estreinatu zuenean "genero eta sexu askatasunaren aldeko alegatu artistikotzat" hartu zuten, eta "XXI. mendeko gizartean genero bitarraren arazoa mahai gainean jartzen zuela" esan zuten.
Bilboko Udalaren Aste Nagusiko programazioaren barruan zegoen C. Tanganaren kontzertua, larunbat honetarako, baina bertan behera utzi zuten, emakumeen kontrako letra matxistak eta mespretxuzkoak zituelakoan kexak jaso zituelako Udalak.
C. Tanganak Bilboko jaietan jo behar zuela eta, Udalari kontzertua bertan behera uzteko eskatuz sinadura bilketa abiatu zuten change.org plataforman. 24 orduko epean, 10.000 sinadura bildu zituen eskaerak. EH Bilduk eta Elkarrekin Podemosek ere emanaldia ez egiten alde egin zuten.
Dena dela, adierazpen askatasuna argudiatuta, betorik ez ezartzeko deia egin dute azken orduetan euskal kulturaren hainbat ahotsek, besteak beste, Fermin Muguruza musikariak edota Igor Elortza bertsolariak.
Gracias a toda la gente que ha levantao la voz por mi estos dias ¿
— El madrileño (@c_tangana) August 22, 2019
https://t.co/EBJmYGMT1K
— El madrileño (@c_tangana) August 22, 2019
Censurar y prohibir no es la forma de educar
Zure interesekoa izan daiteke
Martxoaren 3ko biktimak gogoan, zapi beltzak jantzi dituzte blusek eta neskek
Jaiak eta memoria ekimenaren barruan, Martxoaren 3ko sarraskian hildako bost langileak eta ehunka zaurituak gogoratu dituzte gaur Gasteizko Andre Maria Zuriaren festetan. Jendetza batu da Katedral Berriaren atarian egin duten oroimen ekitaldian.
Abuztuaren 12an eguzki eklipseaz segurtasunez gozatzeko aholkuak
Ahal den guztietan bidaia luzeak saihestea da gomendio nagusia. Eklipsea bizilekutik edo ikuspen-baldintza onak dituen gertuko udalerri batetik ikus badaiteke, hobe da horren alde egitea, gehiegizko joan-etorriak murrizteko.
Itsuek eklipsea "entzun" ahal izango dute, ONCEk jarriko dituen gailue batzuei esker
LightSound dispositiboa soinu bihurtzen du argiaren intentsitatea, eta abuztuaren 12ko fenomeno astronomikoa behatzeko gune batzuetan egongo da eskuragarri.
Gizon batek bikotekide ohia, 44 urteko emakume bat, hil du Murtziako merkataritza-gune batean
Halaber, 45 urteko emakume bat hiltzeagatik Benahavisen (Malaga) atxilotutako gizonak aitortu du hiltzailea dela, ihesaldian idatzi eta lagun baten etxeko atarian utzi zuen ohar batean. Horrek idatzia aurkitu eta Guardia Zibilari eman dio.
Gaztelugatxerako sarbideak itxita egongo dira eklipsearen egunean, arratsaldetik aurrera
Natur gunearen inguruan jendetza biltzea espero da, fenomeno astronomikoa ikusteko. Hori dela eta, segurtasun operatibo berezia aktibatuko dute Bizkaiko Aldundiak eta Bakioko eta Bermeoko udalek.
Onintza Enbeita eta Ainhoa Urrejola, Aste Nagusiari hasiera emateko prest
Enbeitak pregoia idatzita dauka. Bertsoak egongo direla aurreratu du, baina dena ez dela bertsotan izango. Pregoilariak errespetuan eta bizikidetzan oinarritutako jaien alde egin du, albiste txarrik gabe.
Abuztuaren 15ean Maroko eta Ceuta arteko muga berriro zeharkatzeko deia egiten ari dira sare sozialetan
Ceutako Gobernuaren bozeramaileak ziurtatu duenez, Espainiako Gobernuak deialdi horren berri du, eta iragan asteko krisia ez errepikatzeko baliabide nahikoak jartzea espero du.
Uharteko bizilagunak haserre, herriko apaizak Ceutako migrazio-krisiari buruz egindako adierazpenengatik
Uharteko (Nafarroa) biztanleak haserre daude Javier Aizpun herriko parrokoarekin, X sare sozialean (lehengo Twitter) migratzaileak Ceutara iristeari buruz zabaldu zituen mezuengatik. Kritiken ostean, apaizak barkamena eskatu du eta bere kontua ezabatu du. Argitalpenetako batean, apaizak zioen "Rabat bonbardatu" egin behar dela, Marokoren aurkako neurri gogorrak ezartzearen aldeko hainbat mezurekin batera. Aizpunek adierazi zuen, halaber, suarekin erantzun beharko litzaiekeela Ceutan sartzen saiatzen diren migratzaileei, eta Maroko "errekonkistatzea" proposatu zuen, haren hitzetan, "jatorrizko Espainia" berreskuratzeko, Erromatar Inperio garaiko Hispaniari erreferentzia eginez.
Nola ikusiko da eguzki-eklipsea zure herritik? Kontsultatu hemen fenomeno historikoari behatzeko mapak
Ilargiak erabat ezkutatuko du Eguzkia 2026ko abuztuaren 12an: Euskal Herrian 2183. urtera arte ez da berriro ikusiko horrelako fenomenorik. Eguzki-eklipse osoa ilunabarrean hasiko da, eta egunak "bi ilunabar" izango ditu. Eklipsea Orain.eus-en bidez zuzenean jarraitu ahal izango da.
Perez-Iglesias: "Eklipsea ikusiko den lekuetan milioi bat bisitari izango dira"
Eklipsea etxetik gertu eta urrun joan gabe ikusteko gomendioa egin du sailburuak. Milaka betaurreko banatu dituzte iada mugarritzat jo duen fenomenoa ikusteko. Pozik agertu da eklipseak zientzia plazara eramateko balio izan duelako.