Urkulluk migratzaileei buruzko 'Share Proposamena' aurkeztu dio aita santuari
Iñigo Urkullu lehendakaria Vatikanoan dabil egunotan, eta asteazkenero Frantzisko aita santuak eskaini ohi duen entzunaldi publikoan parte hartu du gaurkoan. Ondoren, migratzaileak eta errefuxiatuak banatzeko Eusko Jaurlaritzak prestatutako Share Proposamena aurkeztu dio Pietro Parolin Vatikanoko Estatu idazkariari.
Aurrez, ordea, entzunaldi publikoaren amaieran, aita santua agurtzeko aukera izan du. Une horretan, Gernikako Arbolaren bereizgarri bat entregatzeko aukera izan du Urkulluk.
Ondoren, lehendakaria Pietro Parolin kardinalarekin batzartu da. 2017ko urtarrilean beste bilera bat egin zuen Vatikanoko diplomazia burua denarekin, kasu hartan, elkarbizitza eta giza eskubideen alorrean Eusko Jaurlaritzak dituen ildo nagusiak aurkezteko.
Urkulluk migratzaileak eta errefuxiatuak eta modu ordenatuan banatzeko Share Proposamenaren ildoak azaldu dizkio. Europako hainbat gobernuk izenpetutako proposamena da.
Testuinguru horretan, Vatikanoa Euskadirekin batera Europan errefuxiatuen harrerarako proposamenak lantzearen alde agertu da, Eusko Jaurlaritzak ohar baten bidez jakitera eman duenez.
Gauzak horrela, lehendakaria oso pozik agertu da gaurko topaketaren ostean egindako agerraldian. Izan ere, Garapen Lankidetzaren arloan eta zaurgarritasun-egoeran dauden pertsonei arreta eskaintzeko orduan, Eusko Jaurlaritzak elkarlanean egindako lana aurkezteko aukera izan du lehendakariak Erroman eta Vatikanoan.
Orain arte, Kanarietako, Nafarroako, Kataluniako, Melillako, Euskal Hirigune Elkargoko, Atticako, Akitania Berriko eta Eusko Jaurlaritzak parte hartu dute ekimenean. Migratzaileak eta errefuxiatuak banatzeko formula hiru parametrotan oinarritzen da: zerga bidezko diru-sarrerak (batez besteko errenta edo BPG), % 50eko eraginarekin; biztanleria, % 30eko eraginarekin; eta langabezia-tasa ,% 20ko eraginarekin.
Atzo, Erromara iritsi berritan, Eusko Jaurlaritzak elkarlanean egindako lana azaldu zion Urkulluk Maltako Ordenari.
Iñigo Urkullu lehendakariarekin batera Vatikanoan dira Marian Elorza Kanpo Harremanetarako idazkari nagusia eta Jonan Fernandez Giza Eskubide, Bizikidetza eta Lankidetzaren idazkari nagusia.
Share Proposamenean laguntzeko prest agertu da Vatikanoa
Iñigo Urkullu lehendakariak Vatikanoaren babesa jaso du asteazken honetan, Eusko Jaurlaritzaren Share Proposamena aurrera eramateko. Hain zuzen ere, ekimen horretan laguntzeko eta Euskadirekin batera Europan errefuxiatuak hartzeko planteamenduetan parte hartzeko konpromisoa hartu du.
Komunikabideen aurrean egindako adierazpenetan, Urkulluk nabarmendu du bat datozela etorkinak "hartzeko, babesteko eta integratzeko" egitasmoan.
Urkulluren esanetan, aita santuak "keinu esanguratsuak" egin ditu.
Albiste gehiago gizartea
Zarrakazteluko sutea kontrolik gabe doa aurrera, baina ez dago arriskurik herritarrentzat
Nafarroako Babes Zibilak kaltetutako eremura ez hurbiltzeko eta ateak eta leihoak itxita edukitzeko eskatu die udalerriko biztanleei, etxeetan kea sar ez dadin.
Gizonezko bat atxilotu dute Algortan, Portu Zaharreko jaietan sexu-eraso bat egiteagatik
Udalak eta Jai Batzordeak elkarretaratzea deitu dute gaurko, 19:00etan, Portu Zaharreko eskaileretan.
Andre Maria Zuriaren jaien balantze oso positiboa: gasteiztarrek gertutik bizi eta gozatu dituzte jaiak
Maider Etxebarria Gasteizko alkateak Andre Maria Zuriaren jaien balorazio "oso positiboa" egin du. Izan ere, herritarrek gertutik bizi eta gozatu dituzte jaiak, eta parte-hartze handia izan da egun askotan. Gainera, bizikidetza izan da nagusi. Bestalde, delinkuentzia ia % 30 jaitsi da, eta ia ez da gertakari aipagarririk izan. Sexu-eraso larrien protokoloa ez da aktibatu, baina sexu-askatasunaren aurkako zortzi salaketa egon dira. Orkestren kontzertuek eta musika emanaldiek 148.000 pertsona bildu dituzte, iaz baino 18.000 gehiago.
Altzan atxilotutako gizon batek erasotako biktimak Gipuzkoako Foru Aldundiaren tutoretzapean daude
EITBk jakin ahal izan duenez, atxilotua ez daerakundeko gizarte hezitzaile bat, foru erakundetik kanpoko pertsona bat baizik. Halaber, Gipuzkoako Foru Aldundiak hasiera-hasieratik aktiboki lan egin du Ertzaintzarekin.
Jendetza bildu da Andre Maria Zuriaren plazan, Zeledon agurtzeko
Zeledonen igoerak eman die amaiera Gasteizko jaiei, alaitasuna nagusi izan den sei egunen ostean. Jendetza bildu da goizaldean Andre Maria Zuriaren plazan, blusa eta nesken kuadrillekin elkartutako txarangen ondoan. Hala, Zalduondoko baserritar maitatua San Migel elizako dorrera itzuli da, datorren urtera arte.
22 urteko bi pertsona hil dira eta bat larri zauritu da Berantevillan izandako trafiko-istripu batean
Zauritua Txagorritxuko Ospitalera eraman dute.
Airez eta lurrez ari dira lanean Zarrakaztelun piztu den baso-sutean
Suhiltzaileekin batera, sei helikoptero eta lau hegazkin ari dira lanean, horietako bat koordinazio lanetan. Oraingoz, ez dago arriskurik herritarrentzat. Gauean, lurretik aritu dira sua itzaltzeko lanetan.
Kanoikadaren eztandarekin, lehertu da Donostiako Aste Nagusia
Elikagaien Bankuaren eta Amara Berriko Auzo Elkartearen kanoikadak hasiera eman dio musikaz eta 380 jarduera baino gehiagoz beteriko zortzi eguneko jaiari; eta, nola ez, Su Artifizialen Nazioarteko lehiaketaren 60. edizioa izango dugu aurten.
Adingabe bat atxilotu eta hamar ikertzen ari dira uztailaren 20an Azpeitian izandako istiluengatik
Desordena publikoak eragitea eta agintaritzaren agenteen aurkako atentatua egitea egozten diete guztiei. Atxilotua, 16 urtekoa, aske utzi dute, beharrezko polizia-eginbideak bukatutakoan.
Beroak hauspotuta, zimitz izurritea Gorraitzen
Gorraitz herrian sekulako amesgaiztoa bizi dutela salatu dute bizilagunek. Beroak hauspotuta, astebete baino gehiago da zimitz izurrite batek herria hartu duela. Egoera horren aurrean, fumigatzeaz gain, prebentzio-neurriak ere exijitu dituzte herritarrek. Bideoan, Javier de Arbizu eta Ane Irigoien bizilagunek azaldu dute egoera.