Urkulluk migratzaileei buruzko 'Share Proposamena' aurkeztu dio aita santuari
Iñigo Urkullu lehendakaria Vatikanoan dabil egunotan, eta asteazkenero Frantzisko aita santuak eskaini ohi duen entzunaldi publikoan parte hartu du gaurkoan. Ondoren, migratzaileak eta errefuxiatuak banatzeko Eusko Jaurlaritzak prestatutako Share Proposamena aurkeztu dio Pietro Parolin Vatikanoko Estatu idazkariari.
Aurrez, ordea, entzunaldi publikoaren amaieran, aita santua agurtzeko aukera izan du. Une horretan, Gernikako Arbolaren bereizgarri bat entregatzeko aukera izan du Urkulluk.
Ondoren, lehendakaria Pietro Parolin kardinalarekin batzartu da. 2017ko urtarrilean beste bilera bat egin zuen Vatikanoko diplomazia burua denarekin, kasu hartan, elkarbizitza eta giza eskubideen alorrean Eusko Jaurlaritzak dituen ildo nagusiak aurkezteko.
Urkulluk migratzaileak eta errefuxiatuak eta modu ordenatuan banatzeko Share Proposamenaren ildoak azaldu dizkio. Europako hainbat gobernuk izenpetutako proposamena da.
Testuinguru horretan, Vatikanoa Euskadirekin batera Europan errefuxiatuen harrerarako proposamenak lantzearen alde agertu da, Eusko Jaurlaritzak ohar baten bidez jakitera eman duenez.
Gauzak horrela, lehendakaria oso pozik agertu da gaurko topaketaren ostean egindako agerraldian. Izan ere, Garapen Lankidetzaren arloan eta zaurgarritasun-egoeran dauden pertsonei arreta eskaintzeko orduan, Eusko Jaurlaritzak elkarlanean egindako lana aurkezteko aukera izan du lehendakariak Erroman eta Vatikanoan.
Orain arte, Kanarietako, Nafarroako, Kataluniako, Melillako, Euskal Hirigune Elkargoko, Atticako, Akitania Berriko eta Eusko Jaurlaritzak parte hartu dute ekimenean. Migratzaileak eta errefuxiatuak banatzeko formula hiru parametrotan oinarritzen da: zerga bidezko diru-sarrerak (batez besteko errenta edo BPG), % 50eko eraginarekin; biztanleria, % 30eko eraginarekin; eta langabezia-tasa ,% 20ko eraginarekin.
Atzo, Erromara iritsi berritan, Eusko Jaurlaritzak elkarlanean egindako lana azaldu zion Urkulluk Maltako Ordenari.
Iñigo Urkullu lehendakariarekin batera Vatikanoan dira Marian Elorza Kanpo Harremanetarako idazkari nagusia eta Jonan Fernandez Giza Eskubide, Bizikidetza eta Lankidetzaren idazkari nagusia.
Share Proposamenean laguntzeko prest agertu da Vatikanoa
Iñigo Urkullu lehendakariak Vatikanoaren babesa jaso du asteazken honetan, Eusko Jaurlaritzaren Share Proposamena aurrera eramateko. Hain zuzen ere, ekimen horretan laguntzeko eta Euskadirekin batera Europan errefuxiatuak hartzeko planteamenduetan parte hartzeko konpromisoa hartu du.
Komunikabideen aurrean egindako adierazpenetan, Urkulluk nabarmendu du bat datozela etorkinak "hartzeko, babesteko eta integratzeko" egitasmoan.
Urkulluren esanetan, aita santuak "keinu esanguratsuak" egin ditu.
Zure interesekoa izan daiteke
Ikasle-egoitza ala partekatutako pisua? Unibertsitateetako egoitzen eskariak gora, alokairuen garestitzeagatik
Etxebizitza partekatua aurkitzea gero eta zailagoa da, eta egoitza eta pisuaren arteko prezio-aldea txikitu egin da. Ikasle-egoitza batzuk %100eko okupaziotik gertu daude: erosotasunak, zerbitzuek eta banakako gelek gero eta ikasle gehiago erakartzen dituzte.
Espetxera eraman dute motozerra batekin hainbat gazte mehatxatu zituen gizona
Leporatzen dizkioten gertakariak irailaren 12ko goizaldean jazo ziren. Aurrekari polizialak zituen gizon hori hainbat pertsonari segika ibili zen Algortan, motozerra bat eskuetan zuela.
Eguraldi aldaketa gaurtik aurrera, eta euria asteazkenerako zein ostegunerako
Goiza eguzkitsua eta beroa izango da, baina iluntzerako aldaketa iritsiko da eta asteazkenean tenperaturek nabarmen egingo dute behera. Euria egingo du bai asteazkenean baita ostegunean ere.
Itzali dute Derion, Loiuko aireportutik gertu, piztu zen sutea
20:30 aldera piztu zen sutea San Isidro auzoko pampa baso batean, Aiartza mendian; eta gauean lanean arituta, 05:30 alderako itzaltzea lortu dute suhiltzaileek. Suteak ez du eraginik izan aireportuaren funtzionamenduan, ezta etxebizitzetan ere, baina inguruko baserrietan bizi diren bi pertsona etxetik atera zituzten badaezpada ere.
Posible al da adimen artifizialaren garapena gelditzea?
Adimen artifiziala garatzen duten enpresa nagusietako buruek galga jartzeko eskaria egin dute azken aste hauetan, gizakion kontroletik ihes egiteko arriskua izan dezakeela eta. Baina posible al da? Eta zergatik adierazten dute orain beldur hori? Hainbat aditurekin zalantza hauek argitu ditugu.
Gizon bat hil da Laidatxu hondartzan (Mundaka)
Gizonezkoa uretatik atera behar izan dute sorosleek, eta suspertzen saiatu diren arren, bertan hil da. Ez dakite zerk eragin duen heriotza.
Zaldibiatik Ordiziarainoko bidea oinez egin dute dozenaka ikaslek eta gurasok, eskola garraioa ez kentzea eskatzeko
Iazko ekainean, Hezkuntza Sailak Zaldibiako ikasleen gurasoei jakinarazi zien 2026-27 ikasturtetik aurrera DBH3 eta DBH4ko gazteak eskola-garraiorik gabe geratuko zirela. Emandako arrazoia eskola batetik besterako distantzia izan zen.
Gustuko oporlekua lortzeko itxaropenez gerturatu dira Imsersoko lehen bidaiariak agentzietara
Nafarroan astelehen honetan hasi dira agentziak adinekoei zuzendutako bidaia horien erreserbak kudeatzen. Lehen egun honetan, Imsersorekin lehen aldiz oporretara joango direnek izan dute bidaia eskuratzeko aukera. EAEn asteazkenean hasiko dira.
EHUk urte akademikoa abiatu du, AAren arriskuez jakitun eta "eredu propioa" aldarrikatuz
Joxerramon Bengoetxea errektoreak azpimarratu du auzia ez dela adimen artifiziala "deabrutzea, harekiko erabateko mendekotasuna" saihestea baizik. Finantzaketari dagokionez, Juan Antonio Perez Iglesias sailburuak uste du "egingarria" dela bost urteko epean finantzazioa Europako mailara iristea.
Olarizuk agur esan dio udari, musika, babarrunak eta bertoko produktuak lagun
Iraganeko ohitura da Olarizukoa. Hiria mugatzen zuten mugarriak ikuskatzen hasi ziren agintariak, inguruko herriek lurra lapurtu ez zitzaten. XIX. mendearen erdialdean gertatu zen hori, eta gaur egun erromeria herrikoi bihurtu da tradizioa.