Hiru gizon atxilotu dituzte Gasteizen ostiraletik indarkeria matxistagatik
Hiru gizon atxilotu dituzte Gasteizen asteburuan indarkeria matxista egotzita, Udalak ohar batean jakitera eman duenez. Hain zuzen ere, erasoak ondorengo lekuetan gertatu dira: Zaramaga kalean eta Sansomendi auzoan, ostiralean, eta Gamarrako Atean, larunbatean. Gainera, beste gizonezko bat ere eraman dute atxilo, Arabako hiriburuan ere, etxe-indarkeriako delitu bat leporatuta, igandean amari erasotzeagatik.
Udaltzaingoaren agenteek 49 urteko gizonezko bat atxilotu zuten larunbatean, bikotekideari arma zuri batez mehatxatu izanaren delituaren ustezko egilea delakoan. Erasoa Gamarrako Atea kalean izan zen, eta, antza denez, bikotea eztabaida sutsuan zebilen ibilgailu baten barrualdean. Jakinarazpena jaso ondoren, udaltzainak bertara joan ziren, baina iritsi orduko biktima bakarrik zegoen. Biktimak udaltzainei baieztatu zien eztabaidan eta borrokan ibilia zela bikotekidearekin. Gizonak labana batez mehatxu egin zion, eta, gero, hurbileko paperontzi batera bota zuen. Udaltzainek han inguruan topatu zuten gizonezkoa, baita labana ere; bi bertsioak entzun ondoren, atxilotu zuten gizona. Borrokaldi horretan, biktimak esku batean zauri bat jasan zuenez, patruila batek ospitalera eraman zuen, eta gero Agirrelandako polizia-etxera, salaketa jar zezan. Atxilotua epailearen esku jarri zuten.
Ostiralean, Udaltzaingoaren agenteek 19 urteko mutil gazte bat atxilotu zuten Zaramaga kalean, genero-indarkeriako delitu batengatik, autobus-markesina batean emakume bati eraso egin ondoren. Erasoaren ostean, gizonezkoak bertatik alde egin zuen, baina handik pixka batera aurkitu zuten, lekuko batek emandako deskribapenari esker. Epailearen esku jarri zuten.
Ostiralean bertan, halaber, Udaltzaingoak 23 urteko mutil gazte bat atxilotu zuen, genero-indarkeriaren delitu baten ustezko egile gisa, Sansomendiko auzoko bere etxebizitzan bikotekideari eraso egin ondoren. Eztabaida batean zebiltzala izan zen erasoa. Guardiako Epaitegian izapide egokiak bete ondoren, epailearen esku jarri zuten larunbat goizean.
Etxe-indarkeria
Horrez gain, Udaltzaingoaren agenteek 25 urteko gizonezko bat atxilotu zuten igandean, etxe-indarkeriaren delitu baten ustezko egilea delakoan.
Gertaera horiek larunbat goizean hasi ziren, gizonezko horren eta haren amaren arteko istiluekin. Istilu horietako batean, arratsaldean, gizonezkoak emakumea mehatxu zuen eta eraso egin zion. Gauean, gazte hori Zabalgana auzoko familia-etxebizitzatik lanera joateko atera zenean, biktimak 092 zenbakira deitzeko eta gertatutakoa kontatzeko aprobetxatu zuen, eta horri zegokion salaketa jarri zuen Agirrelandako polizia-etxean. Udaltzainek, zenbait kudeaketa egin ondoren, erasotzailea aurkitu, atxilotu eta epailearen esku jarri zuten.
__________________________________
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak eta / edo deitu doako telefono hauetako batera: 900 840 111 (Euskadin) edo 016 (Estatu osoan). Lehenak arrastoa uzten du fakturan eta telefonoan; bigarrenak, telefonoan. Beraz, ez ahaztu ezabatzea.
Zure interesekoa izan daiteke
Basauriko hilketa matxista salatzeko elkarretaratzea egin dute ostiral arratsaldean, talde feministek deituta
2026an bi dira jada Euskal Herrian hildako emakumeak, eta horrek agerian uzten du, euren ustez, indarkeria matxistak jarraitzen duela gizarteko gaitz nagusietakoa izaten. Basauriko Asanblada Feminista eta Emakumeok Bat Koordinadora (Basauriko Emakume Elkarte eta Elkarte Feministen Federazioa) talde feministek deitu dute elkarretaratzea.
Itzurun hondartza, mikroplastikoz beteta
Azken egunotako denboraleen ondorioz, mikroplastikoz beteta agertu zen atzo Zumaiako Itzurun hondartza. Naiara Malave Euskal Kostaldeko Geoparkean lan egiten duten Begi Bistan-eko kideak azpimarratu du arazoa mundu mailakoa dela, eta azken hamarkadetako plastikoaren gehiegizko erabileraren ondorioetako bat.
Gizon bat atxilotu dute Basaurin, bikotekidea hiltzea egotzita
Biktima, 44 urteko emakume bat, ondoezik jarri ostean hil zen. Medikuek egindako lehen azterketen arabera, indarkeria zantzuak zituen. EITBk galdetutako ikerketaren iturrien arabera, atxilotuak askotan urratzen zuen urruntze agindu bat zegoen.
Asier Iragorri, Basauriko alkatea: "Gaur egun ere entzuten dira indarkeria matxista existitzen ez dela dioten diskurtsoak"
Basauriko alkateak "irmo" gaitzetsi du udalerrian gertatutako hilketa matxista, eta deitoratu du oraindik ere herritarren artean diskurtsoak entzuten ari direla indarkeria matxista "ez dela existitzen" edo arazoari garrantzia kentzen diotela esanez. Horregatik, uste du arlo guztietatik lan egin behar dela gaiari heldu ahal izateko.
Azpeitiko sutean kaltetutako bi lagunek alta jaso dute eta beste bizileku bat eman diete
Sua arratsaldean piztu zen, bigarren solairuan, eta kalte handiak eragin zituen. Udal teknikariek eraikinaren egoera aztertu behar dute, sutea zerk eragin duen ikertu eta hartu beharreko neurriak zehazteko.
Aldaketak Bilboko trafikoan datorren astelehenean, Itzulia Basque Country dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
50.000 pertsonak baino gehiagok eman dute izena jada Osakidetzako EPEn
EITBk jakin duenez, lehen bederatzi kategorietarako izen-emateak erritmo altuari eutsi dio hasieratik, apirilaren 22ra arte irekita dagoen prozesuan.
19 eta 21 urte bitarteko bost gazte atxilotu dituzte Gasteizen adingabe bat sastatzeagatik
Adingabea Txagorritxuko ospitalera eraman dute. Atxilotuak hilketa saiakera delitua egotzita atxilotu dituzte, eta polizia-etxera eraman dituzte. Ikerketak zabalik jarraitzen du.
Eneko Axpe: “Misio hau abiapuntu da Ilargian azpiegitura eraiki eta gizateria Martera joateko”
Artemis II misioa abiapuntua baino ez da Ilargian bizitzeko azpiegitura eraiki eta gizakia bertako baldintzetara egokitzeko ikerketak egiteko. Azken helburua, baina, Martera iristea da, Eneko Axpe fisikariak eta NASAren kolaboratzaileak azaldu duenez.
Bi pertsona ospitalera eraman dituzte Azpeitiako etxebizitza batean izandako sute baten ondorioz
Sutea izan da gaur eguerdian Azpeitian, Erdikaleko 27. zenbakiko etxebizitza batean. Sua 15:00ak pasatxo piztu da, eraikineko bigarren solairuan, eta ondorioz, inguruko bizilagunak etxetik atera behar izan dituzte. Hirugarren solairuan zeuden bizilagunek ezin izan dute euren kabuz irten, eta suhiltzaileek lagunduta atera dituzte kalera. Suhiltzaileak lanean ari dira sugarrak amatatzeko. Bi pertsona Zumarragako ospitalera eraman dituzte, sutean kea arnasteagatik.