Diru-sarrerak Bermatzeko Errenta 'irisgarriagoa' izateko manifestazioa Bilbon
1.000 lagun inguru bildu dira Bilbon Pobreziaren aurkako Nazioarteko Egunean Eusko Jaurlaritzari Diru-sarrerak Bermatzeko Errenta (DBE) irisgarriago bat exijitzeko egun bizi den pobrezia egoerari aurre egiteko.
Pobreziaren aurkako Eguna dela-eta, hainbat kolektibo, sindikatu eta hirugarren sektoreko sarek manifestazioa deitu dute Bizkaiko hiriburuan EAEn ere "pobrezia badela" esateko eta Eusko Jaurlaritzari DBE hobetzea eskatzeko, behar duten pertsona guztiak babesteko.
Manifestazioa deitu dutenen artean, Argilan ESK, Etxeko Langileen Bizkaiko Elkartea, Berri-Otxoak, Elkartzen, Munduko Emakumeak eta SOS Arrazakeria elkarteak zeuden, CCOO, UGT, LSB-USO, Steilas, ESK, CGT eta CNT sindikatuekin batera. Pobrezia eta Giza Bazterketaren aurkako Europar Sarea (EAPN), Gizatea (Gizarteratzeko eta Laneratzeko Euskadiko Enpresen Elkartea), Hirekin (Euskadiko Gizarte Ekimeneko eta Esku Hartzeko Entitateen Federazioa) eta Euskadiko Ekonomia Alternatibo eta Solidarioaren Sarea ere izan dira horretan laguntzen.
"Pobrezia, giza eskubideen arazo. DBE murrizketarik ez" leloa zuen pankarta baten atzetik, manifestazioan joan dira Moyua plazan hasi eta Eusko Jaurlaritzak Bilbon duen egoitzaraino.
Manifestaziora batu dira UGT-Euskadiko idazkari nagusi Raul Arza eta Bilboko Udaleko zinegotzi Bruno Zubizarreta (EH Bildu) eta Ana Viñals, Carmen Muñoz eta Xabier Jimenez (Elkarrekin Podemos).
"Lege berri bat" eskatu dute
Marta Saenz EAPN elkarteko kidearen esanetan, "DBEk ez die erantzuten gaur egun EAEn dauden benetako premiei", eta, hori dela eta, "hobekuntzak" eskatu dizkio Eusko Jaurlaritzari "pertsona guztiak kontuan izango dituen sistema inklusiboago bat" lortzeko.
Gasteizko gobernuak proposamen onenak kontuan izan ezean, DBE erreformatzeko lege-proposamena "erretiratu" egin beharko lukeela eta "lege berri bat" egiteko lanean hasi beharko litzatekeela esan du Saenzek.
Kolektibo horiek DBE "irisgarriagoa" eskatu dute, eta laguntza eskatzeko erroldatuta eman behar den epea laburtzeko, bizikidetza-unitatea osatzen duten pertsona guztiak kontuan izateko eta DBE kalkulatzeko koefizientea aldatzeko.
Elkarte horien esanetan, DBE jasotzeko prozedura "nahiko zurruna" da.
Marta Saenzen arabera, EAEn 192.000 pertsona bizi dira gizarte bazterketa jasateko arriskuan, horien % 30ek "ez dute DBE jasotzen eta sistematik kanpo geratzen dira" eta laguntza jasotzen dutenen erdia ez da pobreziatik ateratzen. EAEn 172.000 pertsona 500 euroko soldatarekin bizi direla gaineratu du.
Horren hitzetan, emakumeak, guraso bakarreko familiak eta 45 urtetik gorakoak zein gazteak askotan "ezkutuko pobrezia-egoeran" bizi dira, eta EAEn gizarte-talde handia osatzen dute pobrezia eta gizarte bazterketari dagokionez.
Albiste gehiago gizartea
150.000 euroko kalte ordaina eskatu diote Bilboko ikastetxe bati, bullying kasu baten aurrean ezer ez egiteagatik
Eskola jazarpena jasan zuen ikaslearen abokatuak adierazi duenez, ikastetxeak ez zuen ezer egin neskari ondorio psikiatriko eta fisiko larriak eragin dizkioten erasoak saihesteko.
Pertsona bat zauritu da Arrasateko etxebizitza eraikin batean izandako sute batean
Sua 23:30 aldera piztu da San Josepe kaleko etxebizitza eraikin baten beheko aldean. Lehen unean, lau atari jendez hustu dituzte, baina hiru ataritako bizilagunak etxera itzuli ahal izan dira gauean zehar.
Pasaporteekin izandako arazoa konponduta, Saharako haurrak datorren astean iritsiko dira Euskal Herrira
Saharatik uda igarotzera etortzen diren haurrak aste honetan ziren iristekoak Euskal Herrira. Baina pasaporteekin izandako arazoen ondorioz, ezin izan dute hegazkinik hartu.
San Ferminetan legez kanpo saltzeko abanikoak, txanoak eta arropa atzeman dituzte aireportuan
Mila artikulu baino gehiago konfiskatu dituzte Noaingo aireportuan, tartean 500 abaniko eta 500 txano, ustez sanferminetan legez kanpo saltzeko.
Heldu da zure paketea: erosketak itsu-itsuan egiteko eroaldia Bilbora iritsi da
Pakete misteriotsuen fenomeno europarra uztailaren 7tik 14ra helduko da Zubiarte merkataritza gunera. Esperientzia paregabea da, benetako ustekabeak lortzeko. Intuizioa eta zortea dira horretarako gakoak.
Motor-gidari bat zauritu da Muxikan, auto batekin talka egin eta ibaira erorita
Istripua 19:50ean gertatu da, motor batek auto baten aurka talka egin du N-635 errepidean, Muxikan, Gernikarako noranzkoan. Kolpearen ondorioz, motor-gidaria Mundaka ibaira erori da, Ariatza auzoaren parean.
Donostiako suhiltzaileen buruak dimisioa eman du, Fermin Muguruzaren kontzertuan semea sarrerarik gabe sartzeagatik
Donostiako suhiltzaileen zerbitzua bururik gabe geratu da oraingoz, Fermin Muguruzaren kontzertuan izandako jokabide txarragatik. Ander Gomezek dimisioa eman behar izan du Anoetako kontzertuan suhiltzailez jantzitako semea sarreratik gabe sartzeagatik.
Joxe Azurmendik euskal pentsamenduari egindako ekarpena azpimarratu dute Agirrebaltzategik eta Zulaikak
Filosofoa, saiogilea eta hainbat belaunaldirentzako erreferente intelektuala, Joxe Azurmendiren lanak Euskadiko pentsamendu kritikoa markatu du mende erdi baino gehiagoan. Azurmendik sekulako ondarea utzi du euskaran, ideietan... eta herria ulertzeko moduan.
Ehunka jarraitzailek omenaldia egin diote Diogo Jotari Liverpoolen, futbolari portugaldarra istripu batean hil ostean
Futbolari portugaldarra gaur goizaldean hil da, bere anaiarekin batera Espainian izandako auto-istripu batean. Hillsborogheko tragediaren biktimen oroimenez eraikitako memorialaren aurrean, Liverpooleko eta Evertoneko jarraitzaileek eta futbolzaleek aldare bat osatu dute, lore, bandera, bufanda eta kamisetekin.
Hernaniko Udalak zortzi gertakari arrazista eta eraso sexista bat antzeman ditu San Joan jaietan
Udalak azaldu du gertakari horiek gizartean gertatzen ari diren jarreren isla direla, eta aurreratu du herritarren kezkei erantzuteko eta bizikidetza sustatzeko neurriak eta espazioak jarriko direla martxan.