Jaiotzak % 6,1 gutxitu dira EAEn 2019ko bigarren hiruhilekoan
Eustaten datuen arabera, Euskal Autonomia Erkidegoan 3.699 jaiotza izan dituzte 2019ko bigarren hiruhilekoan, 2018ko epe berean baino % 6,1 gutxiago.
Gipuzkoan 1.234 haur jaio dira, aurreko urteko epe berean baino % 7,5 gutxiago; Araban 597 haur jaio dira, % 5,8 gutxiago; eta Bizkaian 1.868, % 5,3 gutxiago.
2019ko apirilean, maiatzean eta ekainean, ezkontzaz kanpoko jaiotzak % 45,2 izan dira, 2018ko bigarren hiruhilekoan baino gehiago (% 43,2). EAEko batezbestekoarekin alderatuta, Gipuzkoa izan da EAEko kopuru horretatik beherako balioak izan dituen lurralde bakarra (% 42,5). Bizkaian eta Araban, ehunekoak handiagoak izan dira; % 46,9 eta % 45,6, hurrenez hurren.
2019ko bigarren hiruhilekoan jaiotako umeen erdiak ia (1.784), lehenengo haurrak izan dira; 1.480 (% 40) aurretik beste seme-alaba bat zuten familiek izan dituzte; eta % 11,8 hirugarren edo hortik aurrerakoak izan dira.
Amen adinari dagokionez, 30-39 urteko amen taldeak izan ditu erditze gehien (% 70,6). Talde horretatik oso urrun 25-29 urteko amen taldea dago (% 12,5), eta 40 urtetik gorako amen taldea (% 9,6) eta 25 urtetik beherakoena (% 7,3) daude zerrendan hurrengo postuetan.
Ama ezkongabeen kasuan, % 11,5ek 25 urte baino gutxiago dituzte, eta % 14,5ek, berriz, 25-29 urte. 2019ko bigarren hiruhilekoan EAEn jaiotako haurren % 26,2k ama atzerritarra du (2018an, % 25,1 ziren). Datuak lurraldez lurralde aztertuta, ama atzerritarra dute epe horretan Araban jaio diren umeen % 31,7k, Bizkaian jaiotakoen % 24,7k eta Gipuzkoan jaiotakoen % 25,9k.
Zure interesekoa izan daiteke
Furgoneta-gidari bat zauritu da A-1 errepidean, Asparrenan, errepidetik atera eta bazter-babesaren aurka talka eginda
Istripua ostegun honetako 08:45ean jazo da. Zauritutako gidaria ospitalera eraman dute.
Albiste izango da: Korrikaren hasiera, Ekialde Hurbileko azken ordua eta Europako Kontseiluaren bilera
Gaurkoan Orainen albiste izango direnen laburpena, bi hitzetan.
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da. ETB On plataformak etenik gabe eskainiko du ibilbidea, eguneko 24 orduetan.
ELAk berretsi du CCOOko kide batzuek euskaldunen kontrako hizkuntza eskubideen aurkako kanpaina abiatu dutela
ELAk babes osoa adierazi dio AEKri, Korrikaren antolatzaileari, eta CCOOko zuzendaritza lasterketatik baztertzeko erabakia babestu du. ELA sindikatuak “euskararen aurka antolatutako kanpaina” baten parte izatea leporatu dio CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzeko erabakia hartu izana.
CCOO Korrikatik kanpo geratu da, AEK-k erabaki baitu sindikatuak ez duela lekukoa eramango, "euskararen aurkako jarrerak sustatzen" dituelakoan
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.