8.800 ume baino gehiago ibiliko dira Easo Ederrik gabeko lehen Haur Danborradan
8.800 ume baino gehiago ibiliko dira, datorren astelehenean, Donostian, hiria zeharkatuko duten Haur Danborraldietan, San Sebastian egunean. Lehen aldiz, Haur Danborradan ez da Easo Ederrik izango; izan ere, Aitor Ikastolak zuen ardura pertsonaia horren papera nork ordezkatuko duen aukeratzeko, baina erabaki zuen beste pertsonaia baten alde egitea.
41 eskolak hartuko dute parte aurten Haur Danborradan, eta protagonistak hautatzeko txandakatzen dira ikastetxe horiek guztiak. 2020an, Harri Berri Oletak izan du ardura Danbor Nagusia aukeratzeko, eta Aitor Ikastolari hauek zehaztea egokitu zaio: Jenerala eta haren Laguntzailea, Alkatesa, Notarioa, Batelaria, Iñudea, Arrantzalea, Irulea eta Herritarrak, besteak beste. Aitor Ikastolako Gurasoen Elkarteak erabaki zuen, baina, Easo Ederrak eta haren Ohorezko Damek ez dutela bat egiten berdintasun-balioekin.
Astearte honetan aurkeztu dituzte protagonistak, Udaletxean, ekitaldi batean. Bertan, Eneko Goia alkateari galdetu diote zer egingo ote duen Udalak ondorengo urteotan beste ikastetxe batek Easo Ederra berreskuratzea aukeratzen badu; Goiak esan du Udalaren jarrera "irekia" izango dela.
"Gauza jakin batzuk ez inposatzen saiatzen gara, hobe da kargu horiek izendatzeko ahalmena duenak aukeratzea", adierazi du.
Astelehenean, 2.545 neskak eta 2.283 mutilek upelak eta danborrak joko dituzte Donostiako erdialdean, 48 konpainiatan; beste 4.001 ume, aldiz, auzoetatik ibiliko dira.
Festa 12:00etan hasiko da
Festa 12:00etan hasiko da. Ordu horretan, Udaletxeko balkoian, hauek izango dira: Aimar Capa Danbor Nagusia; Aratz Agirrezabala jenerala; Juno Vidal alkatesa; eta Bittor Gaztelu eta Malena Corango Herritarrak. Azken horrek emango du orain arte Easo Ederrak eman izan duen hitzaldia, bertatik.
Gainera, hainbat bertso abestuko dituzte; hitzaldiek bezala, horiek ere zeinu-hizkuntzaren interpretea izango dute.
Gerora, konpainien Desfilea hasiko da. Jeneralak eta Laguntzaileak zuzenduko dute, zaldiz. Claret Ikastola ez da izango Desfilean, amaiera eman baitio ikastetxe moduko bere ibilbideari; Mary Ward ikastetxeak urketariak izango ditu aurten, eta, hala, 26 konpainiak dute euren konposizioan figura hori.
Danborradaren atzealdean, kalesa txiki bat izango da, sei palafrezainarekin, eta karroza; horretan, aurreko urteotan bezala, XIX. mendearen hasierako gizarte zibileko pertsonaia batzuk izango dira ordezkatuta.
Aurretik, hilaren 17an, ostiralarekin, konpainietako pertsonaia nagusiak Victoria Eugenia Antzokira joango dira, ekitaldi batean parte hartzeko. Bertan, Eneko Goia alkateak dominak jarriko dizkie Alkatesari, Jeneralari eta Herritarrari, eta Danbor Nagusiari Aginte Makila emango dio.
Zure interesekoa izan daiteke
Osasun Sailak zehaztu du iraungitako txerto hexabalenteak Iztietako (Errenteria) eta Ondarretako (Donostia) osasun-zentroei dagozkiela
Osakidetza hasi da kaltetutako 30 pertsonak, 25 haurtxo eta bost heldu, berriro inokulatzen. Tetrabalente eta hirukoitz birikoaz gaizki txertatutakoek, 75 bat lagunek, asteon jasoko dute gertakin zuzena.
Matrikulazioa % 5 jaitsiko dela uste du Hezkuntza Sailak, baina ikasturtean zehar heldutako ikasleekin orekatu daitekeela erantsi du
Begoña Pedrosa Hezkuntza sailburuak azaldu duenez, matrikula kopuruak % 5 inguru egin du behera, datu demografikoak kontuan hartuta egindako estimazioen arabera. Dena dela, iragarri du beherakada "matrikulazio biziak" konpentsatuko duela; izan ere, irailetik 5.400 ikaslek eman dute izena EAEko hezkuntza sisteman.
Gidari bat ikertzen ari dira istripu batetik ihes egin eta alkoholemia proba egiteari uko egiteagatik
Ertzaintzak ikertu gisa inputatu du bart Trapagaranen beste ibilgailu baten kontra istripua izan eta ihes egiten saiatu zen gidari bat, bide-segurtasunaren aurkako ustezko delitu bat egotzita. Eusko Jaurlaritzako Segurtasun Sailak jakinarazi duenez, larunbatean, 21:00ak aldera, bi ibilgailuk talka egin zuten Bizkaiko udalerri horretan, eta gidarietako bat bertan artatu behar izan zuten. Beste gidaria, onik atera zena, ihes egiten saiatu zen, baina agenteek geldiarazi egin zuten. Gizonak uko egin zion alkoholemia proba egiteari.
Hiru pertsona artatu dituzte Usurbilen, sute batean kea arnasteagatik, eta beste bat Errenterian
Usurbile, hiru pertsonak tokian bertan artatu dituzte, baina Errenterian, Donostia Ospitalera eraman behar izan dute emakume bat. Barañaingo supermerkatu batean ere sutea izan da larunbat honetan baina ez da inor zauritu.
Manteroen kontrako "poliziaren esku-hartze bortitza" salatu dute dozenaka lagunek Bilbon
Mbolo Moye Doole eta Manteroekin bat! plataformek deituta, ostegunean Ertzaintza eta Udaltzaingoa manteroen aurka indarkeriaz aritu zirela salatu dute. Horien esanetan, "ez da gertaera isolatua izan", hilero jazotzen baitira halakoak.
Euskaraz bizitzeko eskubidea aldarrikatu eta EHEko lau ekintzaileren aurkako epaiketa salatu dute dozenaka lagunek Baionan
Euria eta hotza egin badu ere, 200 euskaltzale batu dira protestara datorren ostegunean epaituko dituzten Euskal Herrian Euskarazeko lau kideei babesa emateko.
Adingabe bat atxilotu dute Getxon, beste gazte bati lepoan labankadak eman eta larri zauritzeagatik
Ertzaintzak jasotako testigantzen arabera, 01:00ak aldera, hiru gazte Areeta auzoko parke batean zeuden banku batean eserita, erasotzailea eurengana joan eta oldartu zitzaienean. Higu gazteek korrika alde egin zuten baina bat harrapatu eta zauritu egin zuen.
Kamioi batek A63 autobian izandako istripuak auto-ilara luzeak eragin ditu Donibane Lohizune parean
Ibilgailua irauli egin da, eta ondorioz zama galdu du. Errepidea erabat itxi dute eta 6 kilometrora arteko ilarak sortu dira, baina 19:15ean errei bat ireki dute bertan hiru orduz geldirik egon diren ibilgailuak pasatzeko. Ondoren, berriro itxi dute bidea, kamioia bertatik kendu ahal izateko.
Gizon bat atxilotu dute Errenterian beste gizon bat labanaz hiltzen saiatzea egotzita
Ertzaintzak atzo atxilotu zuen 36 urteko gizasemea, baina gertakariak hilaren 12an jazo ziren, Gipuzkoako udalerri horretako lokal batean. Biktima, 21 urtekoa, ospitaleratu egin behar izan zuten, zauri larriak baitzituen.
Osasun sailburuaren arabera, iraungitako txertoen kasuak "ESI batean edo bitan izan dira, Donostialdekoan tartean"
Alberto Martinezek ETBn egindako elkarrizketa batean azaldu duenez, pertsona batek "bere lana egin beharko lukeen modura egin ez duela ondorioztatzen bada, horren ardura hartu beharko luke, zalantzarik gabe". Sailburu gisa, ahal den neurrian, horrelako akatsak ez direla berriro jazoko bermatu behar duela nabarmendu du, hori baita bere "ardura".