Koronabirusarekin kutsatu diren zazpi pertsona daude Estatuan
Italia iparraldean agertutako koronabirusarekin kutsatutako zazpi pertsona daude Espainian. Izan ere, azken orduotan lau kasu baieztatu dituzte Tenerifen, eta bana Bartzelonan, Madrilen eta Castellonen.
Kanariar Uharteen kasuan, otsailaren 17an Italiatik itzuli zen bikote bat eta horren bi lagun dira koronabirusarekin kutsatutakoak.
Madrilen, Italiako iparraldera bidaiatu zuen 24 urteko gazte batek positibo eman duela baieztatu dute agintariek. Carlos III ospitalean dago, eta isolamendu unitate berezia dute bertan.
Gainera, Valentziako Erkidegoan beste koronabirus kasu bat baieztatu dute. Zehazki, gripeak eragiten dituen antzeko sintomekin Vila-Realgo (Castello) La Plana Ospitalera joan zen gizon baten kasua da. Azterketa egin ostean koronabirusa zuela baieztatu zuten.
Katalunian, Bartzelonan bizi den 36 urteko emakume italiar batek ere positibo eman du, otsailaren 11tik 22ra Italia iparraldean egon ostean. Horrez gain, Generalitateko Osasun Kontseilaritzak gaixoarekin harremanetan egon diren 25 pertsona identifikatu ditu, eta guztiak ongi omen daude, baina etxean 14 egunez isolatuta egon beharko dute.
11 hildako Italian
Bestalde, guztira 11 dira Italian koronabirus proban positibo eman ostean hildakoak. Azkena, 76 urteko emakume bat, Veneton, eta beste hiru hil dira azken orduotan Lonbardia eskualdean, birusak gogorren jo duen eskualdean. 240 pertsonatik gora kutsatu dira bertan, eta han daude guztiz isolatu dituzten udalerriak.
76 urteko emakumea kenduta, beste guztiak 80 urtetik gorakoak ziren: 84 eta 91ko bi gizon, eta 84ko emakume bat. Guztiak zeuden ahul, beste gaitzen batek jota, eta ospitalean artatzen ari ziren.
Italian 8.600 proba baino gehiago egin dituzte, eta 240k positibo eman dute Lonbardian; 43k, Veneton; 26k, Emilia-Romagnan; 3k, Piamonten, 3k, Lazion, 2k, Toscanan, 3k, Sizilian; 1ek, Sizilian; 1ek Ligurian, eta beste batek Bolzanon.
Kutsatutako 323etatik 114 daude ospitalean, eta 35, Zainketa Berezien Unitatean.
Zure interesekoa izan daiteke
Iruñea kolorez eta euskararen aldeko aldarrikapenez bete du Korrikak
Milaka lagun korrika ibili dira Nafarroako hiriburuko kale eta auzoetan barrena, euskararen aldeko festa jendetsu bihurtuta. Adin guztietako pertsonak bildu dira Iruñean, indarrak hartu ondoren, kaleak energiaz, emozioz eta konpromisoz betez.
Albaceteko zale batekin eztabaidatu ostean hil den Racingeko zale baten heriotza ikertzen ari dira
Ikerketaren gertuko iturriek baieztatu dutenez, gertakariaren jatorria ez dago futbolarekin lotuta, ezta bi taldeetako jarraitzaileen arteko borrokaldi antolatu batekin ere.
Larunbatetik desagertuta dagoen mendizale bilbotar baten bila ari dira Arredondon, Kantabrian
Goizeko lehen orduan aurkitu dute haren ibilgailua, eta, horri esker, desagertutako gizona inguru horretan zebilela baieztatu, eta bilaketa mugatu dute.
EITBk Korrikaren lekukoa eraman du Iruñean
Euskararen aldeko lasterketak EITBren babesa jaso du aurten ere. 24. Korrikaren 763. kilometroa korritu du EITBk, Iruñean, Sadar kalean. Arnaitz Fernandez ("Eguraldia") eta Amaiur Elizari ("Navarra Hoy") aurkezleek eta Iruñeko egoitzako lankideek eraman dute lekukoa Nafarroako hiriburuan.
Arrazakeriaren aurkako 29. martxak etorkinen erroldatzeko eskubidearen alde egin du
500 bat lagunek hartu dute parte gaur Pasaia eta Donostia arteko manifestazioan. SOS Arrazakeriak Arrazakeriaren eta Xenofobiaren aurka antolatutako XXIX. Martxan, etorkinek erroldatzeko eskubidea dutela aldarrikatu dute.
El Bocal kostaldeko pasabidean hildakoak gogoratzeko eta justizia eskatzeko protesta egin dute Santanderren
El Bocaleko pasabidean izandako ezbeharrean hildako sei gazteak gogoratzeko eta justizia eskatzeko protesta egin dute ehunka pertsonak eta kolektibok Santanderren. "Egiaren eta biktimen duintasunaren alde" lelopean, hirigunea zeharkatu dute udaletxeraino, eta bertan manifestu bat irakurri dute haien omenez.
Gizon bat atxilotu dute Bilboko Zorrotza auzoan, bi edukiontzi erretzea egotzita, eta beste zortzi erre ote dituen ikertzen ari dira
Atxilotuak bi edukiontzi erre dituela aitortu du. Sua bizkortzeko asmoz manipulatutako metxero bat zeraman aldean atxilotu dutenean.
Angulen legez kanpoko trafikoaren aurkako operazioa 10 atxiloturekin eta 400 kilo atzemanda amaitu da
Guardia Zibilak eta Jendarmeriak elkarlanean egindako operazioan, Gipuzkoan eta Iparraldean aritzen zen talde bat desegin dute.
Bartzelonan, Madrilen eta Berlinen ere Korrika!
Korrikak ez duela mugarik erakutsi du berriz ere. Larunbat honetan ehunka lagun bildu dira Bartzelonan, Madrilen eta Berlinen euskararen alde korrika egiteko. Tradizio bihurtzen ari da Euskal Herritik kanpo ere korrika egitea eta auten 50 hiri handitan antolatu dute hitzordua. Ikusmin handia eragin dute inguruan zebiltzan herritarren eta turisten artean.
Ehun bat polizia atxilotu edo ikertu dituzte Espainian azken bost urteetan, narkotrafikoarekin lotura izateagatik
EH Bilduk egindako galdera bati erantzunez, Espainiako Gobernuak jakinarazi du 106 agente atxilotu edo ikertu dituztela 2021eaz geroztik, baina ez du zehaztu zein polizia zerbitzutakoa den ikertutako edo atxilotutako pertsona bakoitza.