Espainiako Gobernuak onartutako neurri ekonomikoak eta sozialak
Koronabirusaren eraginari aurre egiteko, zenbait neurri sozial eta ekonomiko dituen dekretua onartu du Espainiako Gobernuak martxoaren 17an. Hain zuzen ere, 200.000 milioi euro erabiliko dituzte, ekoizpenari eta ekonomiari eusteko. Jarraian, neurri horiek zeintzuk diren zehaztuko dugu.
Ahulenak diren familientzako babes-neurriak
-Autonomia Erkidegoetako eta tokiko erakundeetako Gizarte Zerbitzuen oinarrizko prestazioak finantzatzeko, 600 milioi euro erabiliko dituzte. Arreta handiagoa izango dut adineko pertsonentzako, menpekotasuna duten pertsonentzako eta kolektibo ahulentzako osasun-laguntzak.
-600 milioi horietatik, 300 arrisku-funtsa espezifiko batean erabiliko dituzte. Asmoa izango da adinekoentzako, etxegabeentzako, adinekoen egoitzetan daudenentzako eta menpekotasuna duten pertsonentzako laguntza indartzea.
-Funtsa horretako gainerako 300 milioiak Udalen gastu-araua malgutzeko erabiliko dituzte. Hala, Udalek, superabita izatekotan, gizarte-arretako sailetan inbertitzeko erabili ahalko dute: menpekotasunean daudenei laguntzeko, gizarte-zerbitzuetan, eta koronabirusarekin lotutako gizarte motako edozein arazori aurre egiteko.
-Energia-hornidura, ur-hornidura eta telekomunikazioen zerbitzuak bermatzen dizkiete familia ahulenei.
-Zailtasunik gehien dituzten pertsonei etxebizitzarako eskubidea bermatze aldera, hipoteken ordainketan luzamendua ezarri dute, berebiziko ahultasunean dauden hipoteka-zordunentzat, diru-sarrerak murriztuta badituzte.
Langileentzako eta enpresentzako babes-neurriak
-Aldi baterako lan-erregulazio guztiak ezinbestez egindakoak balira bezala hartuko dituzte, eta azkar kudeatuko dituzte.
-Lan-erregulazio horiek kaltetutako langile guztiek eskubidea izango dute langabezia kobratzeko, nahiz eta horretarako eskatzen den gutxieneko kotizazio-epea ez bete.
-Prestazio hori jasotzen den epea ez da zenbatuko kontsumituta gisa (kontagailua zerotik hasiko da).
-Telelana bultzatuko dute; enpresei ordenagailuak erosteko diru-kopurua emango zaie.
-Langileek aukera izango dute lanaldia egokitu edo moldatzeko, euren gain dauden pertsonak zaintzeko; % 100eko murrizketa ere eskatu ahal da.
-Autonomoek malgutasunez eskatu ahal izango dute jarduera-etetearen prestazioa.
-Langabeziara doazen autonomoek ez dute kotizaziorik ordaindu beharko.
-Jarduera-eteteagatik ezohiko prestazioa ezarri dute, eta araua ez da ohikoarena bezalakoa. Autonomoak aldi baterako lan-erregulazioa eskatu ahalko du, eta, halaber, ezohiko prestazioa kobratzea eskatu ahalko du, jardueraren eteteagatik. Ez du kotizatu beharko, salbuespeneko egoera honek indarrean jarraitu bitartean.
-Mozkin espezifikoak ezarri dituzte langile finko-etenentzat, aldi baterakoentzat eta kooperatibistentzat; langabezian egoteagatik dituzten prestazioak kobratzea erraztuko zaie.
-Langabeziagatik jasotako prestazioek luzapena izango dute; horrela, enpleguko zerbitzu publikoko bulegoetara ez joateagatik, ez da eskubidea galduko.
-Sektore estrategikoetan dabiltzan espainiar enpresak blindatuko dituzte; izan ere, kotizazioan beherakada izan dute, eta baliteke Europar Batasunetik kanpoko konpainiaren batek erosi nahi izatea.
Koronabirusaren aurkako txerto bat ikertzeko babes-neurriak
-Ikerketa Zientifikoen Goi Kontseilurako eta Carlos III.a Osasun Instituturako 30 milioi zuzendu dizkiete, koronabirusaren kontrako txerto bat iker dezaten.
-Genetikoki aldatutako organismoekin egindako ikerketa bizkortuko dute, betiere epidemiari aurre egiteko erabilgarria dela egiaztatuta.
Zure interesekoa izan daiteke
Etxegabetzeen aurkako dekretua luzatzeko eskatu dute, 2026an dozenaka familia kalean ez geratzeko
Donostian egindako prentsaurreko batean, Kaleratzeak Stop elkarteko ordezkariek, EH Bilduko, Podemoseko eta EB-IUko kideekin batera, abenduaren 31n amaituko den "babes soziala" luzatzeko eskatu dute, eta Eusko Legebiltzarrak aste honetan onartutako Etxebizitzaren, Lurzoruaren eta Hirigintzaren arloko Premiazko Neurriei buruzko Legearen kontra agertu dira.
Mitika diskotekako atezain batek kolpatuta hil zen Kerman Villate gaztea omendu dute Gasteizen
Kerman Villateren senideek prozesu judizialaren nondik norakoak salatu dituzte, eta egia eta justiziaren bila jarraituko dutela adierazi dute. Ehunka pertsona bildu dira Kermanen omenez egindako ekitaldian.
UEMAren esanetan, 2026ak “hizkuntza politika berriaren orubeak sendotzeko urtea” izan behar du
Urdiain eta Zeberio sartuta, 120 udalerrik osatzen dute jada Udalerri Euskaldunen Mankomunitatea (355.000 biztanle). Euskararen kontrako oldarraldia dela eta, “euskarak benetako lege-babesa izan dezan akordioak adosteko ahalegin guztiak” egingo dituela esan du Martin Aramendi UEMAko lehendakariak.
Zorteak irribarre egin dio Barakaldori: loteriaren bigarren sari batek 1,2 milioi euro utzi ditu
Larunbat honetako Espainiako Loteriaren zozketak 1,2 milioi euro utzi ditu Barakaldon. Loteriaren 17. administrazioak oso-osorik saldu du bertan 54299 zenbakia.
Adingabe batek Getxoko talde batean jasandako erasoak eta jazarpena salatu ditu horren familiak
Biktimak bi urtez jaso ditu ezkutuko deiak, irainak, jazarpena sare sozialetan eta eraso fisikoak. Eraso larriena udan jaso zuen, erasotzaileek inguratu eta jo egin baitzuten. Konortea galduta, lurrera erori zen, eta erasoa grabatu egin zuten.
1932an Eibarrek Niceto Alcala Zamorari oparitutako pistola berreskuratu dute Frantzian
Pistola 1931 eta 1936 artean II. Errepublikako presidente izan zen Alcala Zamorari oparitu zioten Eibarko elkarte errepublikarreko emakume talde batek. Frantziako poliziak urtarrilean berreskuratu zuen legez kanpo bildumagile frantziarren eskuetan zegoen arma.
Aita Marik 56 pertsona erreskatatu ditu 2025eko azken misioan
Erreskatea gaur goizean egin dute, Lampedusatik 34 mila nautika hegoekialdera. Erreskatatutakoen artean 7 haurtxo eta 16 adingabe daude. Bi hilabeteko haurra eta bere gurasoak Aita Maritik eraman behar izan dituzte haurrak muturreko desnutrizioa eta deshidratazioa zituelako.
Iruñeko Irabia ikastetxeko ikasle ohi batek salatu du Opus Deiko apaiz batek sexu erasoak egin zizkiola nerabezaroan
Opus Deik, bere aldetik, gertatutakoa onartu du, bai eta Donostian eta Madrilen ere antzeko bi kasu izan zirela argitu ere. Lehenengoa, adingabe batekin jazo zen; bigarrena, berriz, 45 urteko emakume batekin.
VacaPop, ganadua erosi eta saltzeko aplikazioa: “Edadekoak ere hasi dira, pixkanaka, erabiltzen”
Inora joan beharrik gabe abereak saldu eta erosteko helburuarekin sortu da VacaPop mugikorrerako aplikazioa. Azoken zain egon barik, Internet bidez behiak, zaldiak, ahuntzak, landako makinaria eta bazka saldu eta erostea posible da honezkero. Oier Aizpuru eta Aitzol Gorospe abeltzain gazteek adierazi dutenez, oso erraza eta azkarra da. Nabarmendu dute, halaber, tratuak era tradizionalean ixten direla, alegia, aurrez aurre.
“Gure hezkuntza, euskalduna” lelopean, milaka ikasle kalera atera dira
Hego Euskal Herriko ikasleriak bat egin du Ikamak deituriko greba egunarekin. Manifestazio jendetsuak egin dira Iruñean, Gasteizen, Bilbon eta Donostian. Euskara oldarraldi judizial eta politiko bat jasaten ari dela eta indarrean dagoen hezkuntza ereduak euskara mesprexatzen duela salatu dute.