Bizkaiko Erizaintza Elkargoak segurtasun-neurri "guztiak" galdegin ditu
Bizkaiko Erizaintza Elkargoak "osasun-profesionalek, laneko arrisku biologikoa saihesteko, segurtasun-neurri guztiak ahalik eta lasterren" izan behar dituztela eskura berretsi du ostegun honetan. Ohar baten bidez, horrez gain, Elkargoak deitoratu du Osakidetzako erizain baten heriotza; koronabirusagatik hil da erizain hori.
Bizkaiko Erizaintza Elkargoak "doluminik zinezkoenak" agertu nahi izan dizkie hildako erizainaren senideei, lagunei eta lankideei, "bai eta gure gertutasuna ere, galera honen osteko doluan. Elkartasun-sentimendu horiek Bizkaiko 8.500 elkargokideek partekatzen dituzte", adierazi du. Erizaina, 52 urtekoa bera, Galdakaoko Ospitalera zegoen adskribatuta, baina Basurtukoan zendu da, koronabirusak kutsatuta, asteazken gauean.
Elkargoak osasun-profesionalak eta profesional sozio-sanitarioak egiten ari diren lan "bikaina, ausarta eta konprometitua" koronabirusaintzatetsi du, erizaintzako langileen lana bereziki; guztiak ari dira artatzen koronabirusak kutsatutako pertsonak, eta ahalegintzen ari dira, ospitaleetan, osasun-zentroetan eta egoitzetan, osasun-laguntza zuzena ematen, "nahiz eta baldintzak, estresari dagokionez, inoizko zailenak diren, osasun-sistemarentzat eta sistema sozio-sanitarioarentzat".
Elkargoak, era berean, berretsi du oso garrantzitsua dela izatea "osasun-langileen arrisku biologikoa saihesteko segurtasun-neurri guztiak". Esan duenez, ondo baino hobeto ezagutzen ditu "administraritza publikoak hori segituan lortzeko egiten ari diren ahaleginak".
Ahal beste baliabide
Bestalde, Bizkaiko Erizaintza Elkargoak zehaztu du "etengabe kontaktuan" dagoela, "erakunde publikoekin, elkarlanean", osasun-sistemari ahal beste baliabide errazteko asmoarekin".
Gogora ekarri duenez, berriki iragarri du Osakidetzak deitutako erizain guztiak segituan egingo dituela Elkargoko kide. Gainera, erizain boluntarioen zerrenda abiatu du; boluntario horiek lanerako prest egongo dira, osasun-agintariek deitu bezain laster.
Albiste gehiago gizartea
EITBk aitortza jaso du EHUko Gizarte eta Komunikazio Zientzien fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz EITBri saria eman diote gizarteari egiten dion ekarpenagatik. Bertan egon da Andoni Aldekoa zuzendari nagusia, Arantza Ruiz albistegietako zuzendaria eta Lontzo Sainz, etxe honetako estrategia eta ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sute bat piztu da LEA fabrikan, eta Arabako hiriburu osotik ikus daiteke kea
Sute handi bat piztu da Gasteizko LEA fabrikan, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko lehioak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.
Kontrolpean dute Gasteizko LEA fabrikan piztutako sutea
Oraindik orduak edo egunak beharko dira sua erabat itzaltzeko. Ez da inor zauritu, industrialdea jendez hustu dutelako. Abetxuku eta Arriaga auzoak normaltasunera itzuli dira.
Alkolea pasaiako paumaren habia desagertu da, Donostian
Parkea Bizirik elkarteak parkearen egoera salatu du eta neurriak hartzeko biltzera gonbita egin die udal gobernuari eta oposizioari.
EAJk hautsi egin ditu lan deialdi publikoetan euskara blindatzeko PSE-EEkin abiatutako negoziazioak
Jeltzaleen iturriek aurreratu dute EAJk berak bakarrik egingo duela aurrera eta Enplegu Publikoaren Legea aldatzen saiatuko dela, euskara eskakizunak bermatzeko.