Osasun Ministerioak koronabirusaren test arinak egingo ditu Estatu osoan
Salvador Illa Osasun ministroak esan duenez, "datozen egunetan" hasiko dira koronabirusaren test arinak egiten Estatu osoan, Osasun Publikoko agintarien arabera lehentasuna duten lekuetatik hasita.
Hala jakinarazi du Osasun ministroak Pedro Duque Zientzia ministroarekin batera emandako prentsaurrekoan, eta bertan adierazi du "ahalik eta lasterren" hasiko direla proba azkar horiek egiten.
Datozen egunetan material mota hori jasotzen hasiko direla azaldu du, eta, iristen joan ahala, probak "osasun Publikoko agintariek adierazten diguten ordenaren arabera" egingo dituztela, "lehentasunezkoagoa den tokian". "Hortik hasiko gara egiten", azpimarratu du.
Datozen egunetan test arin horien lanketa nola hedatzen den ikusten hasiko direla adierazi du, "hasieratik oso presente izan dugun estrategia bat delako, eta kasuen detekzioan eta isolamenduan laguntzeko egiten ari garen lanak osatuko dituena".
Enpresa batzuk test mota hori ekoizten ari dira, eta Osasun Sailak produktuak merkatuan izateko ekoizpen-ahalmena handitzeko eskatu die.
Osasun arloko profesionalentzako babes ekipoei buruz, Illak esan du Gobernua Estatuko baliabide guztiak mobilizatzen ari dela une honetan eskuratzen zailak diren produktuak hornitzeko, herrialde guztiak hornitzen saiatzen ari direlako.
Gaur egun 1,5 milioi babes-ekipo banatu direla azaldu du. "Behar diren lekuetan banatzen ditugu, Espainia herrialde solidarioa delako eta sistemaren kohesioa bermatu behar dugulako".
Horrez gain, Alemaniatik 300.0000 maskara eta babes ekipamenduetako partida garrantzitsu bat gaur bidean dela aurreratu du, eta bihar eta etzi artean gehiago etortzea aurreikusita dago.
Albiste gehiago gizartea
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sute bat piztu da LEA fabrikan, eta Arabako hiriburu osotik ikus daiteke kea
Sute handi bat piztu da Gasteizko LEA fabrikan, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko lehioak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.
Kontrolpean dute Gasteizko LEA fabrikan piztutako sutea
Orduak edo egunak beharko dira oraindik sua erabat itzaltzeko. Ez da inor zauritu, industrialdea jendez hustu dutelako. Abetxuku eta Arriaga auzoak normaltasunera itzuli dira.
Alkolea pasaiako paumaren habia desagertu da, Donostian
Parkea Bizirik elkarteak parkearen egoera salatu du eta neurriak hartzeko biltzera gonbita egin die udal gobernuari eta oposizioari.
EAJk hautsi egin ditu lan deialdi publikoetan euskara blindatzeko PSE-EEkin abiatutako negoziazioak
Jeltzaleen iturriek aurreratu dute EAJk berak bakarrik egingo duela aurrera eta Enplegu Publikoaren Legea aldatzen saiatuko dela, euskara eskakizunak bermatzeko.