Gasteizko herritarrek osasun-material ugari eman diete ospitaleei
Gasteizko enpresek, erakundeek, saltokiek eta herritarrek osasun-material ugari bidali diote Udaltzaingoari, hala nola maskarak, mantalak eta eskularruak, eta agenteek hiriko ospitaleetan banatu dituzte, profesionalei koronabirusaren pandemiaren aurkako eguneroko lanean laguntzeko.
Arabako hiriburuko Udaltzaingoak astearte honetan jakitera eman duenez, olatu solidario horren protagonistak pertsona anonimoak, erakundeak, merkataritza-establezimendu txikiak eta enpresa handiak dira, eta maskarak, mantalak, eskularruak, babesteko betaurrekoak, eskuoihalak, mantak eta alkohola eman dizkiete, besteak beste.
Material hori Arabako Unibertsitate Ospitalera eraman dute, eta hura arduratuko da guztia kudeaketaz.
Hala, azken orduetan, Udaltzaingoak herritar batek emandako 300 maskara, Arabako gaztandegi batek helarazitako 1.000 mantal, ikastetxe batek emandako 70 maskara eta 100 eskularru, eta tokiko ile-apaindegi batek emandako 3 toalla-pakete eta 200 eskularru helarazi dizkie osasun-agintariei.
Gainera, banaketa-enpresa batek udaltzainen lana eskertu nahi izan du, patruilek eguneroko lanean erabil ditzaketen 4.000 eskularru emanez.
Marian Gutierrez Herritarren Segurtasunerako zinegotziak Gasteizko bizilagunen "konpromisoa" erakusten duten elkartasun adierazpen horiek eskertu ditu ohar baten bidez.
Halaber, Udaltzaingoaren eta Suhiltzaileen lana azpimarratu du, eta "herritarrei eta osasun arloko profesionalei lagunduz eta koronabirusaren hedapena geldiarazteko ezarritako arauak betetzen direla zainduz", lan erabakigarria egiten dutela erantsi du.
Zure interesekoa izan daiteke
Hilda topatu dute Arredondon, Kantabrian, desagertutako mendizale bilbotarra
Goizeko lehen orduan aurkitu dute haren ibilgailua, eta, horri esker, mendizalea inguru horretan zebilela baieztatu, eta bilaketa-eremua mugatu dute.
Iruñea kolorez eta euskararen aldeko aldarrikapenez bete du Korrikak
Milaka lagun korrika ibili dira Nafarroako hiriburuko kale eta auzoetan barrena, euskararen aldeko festa jendetsu bihurtuta. Adin guztietako pertsonak bildu dira Iruñean, indarrak hartu ondoren, kaleak energiaz, emozioz eta konpromisoz betez.
Albaceteko zale batekin eztabaidatu ostean hil den Racingeko zale baten heriotza ikertzen ari dira
Ikerketaren gertuko iturriek baieztatu dutenez, gertakariaren jatorria ez dago futbolarekin lotuta, ezta bi taldeetako jarraitzaileen arteko borrokaldi antolatu batekin ere.
EITBk Korrikaren lekukoa eraman du Iruñean
Euskararen aldeko lasterketak EITBren babesa jaso du aurten ere. 24. Korrikaren 763. kilometroa korritu du EITBk, Iruñean, Sadar kalean. Arnaitz Fernandez ("Eguraldia") eta Amaiur Elizari ("Navarra Hoy") aurkezleek eta Iruñeko egoitzako lankideek eraman dute lekukoa Nafarroako hiriburuan.
Arrazakeriaren aurkako 29. martxak etorkinen erroldatzeko eskubidearen alde egin du
500 bat lagunek hartu dute parte gaur Pasaia eta Donostia arteko manifestazioan. SOS Arrazakeriak Arrazakeriaren eta Xenofobiaren aurka antolatutako XXIX. Martxan, etorkinek erroldatzeko eskubidea dutela aldarrikatu dute.
El Bocal kostaldeko pasabidean hildakoak gogoratzeko eta justizia eskatzeko protesta egin dute Santanderren
El Bocaleko pasabidean izandako ezbeharrean hildako sei gazteak gogoratzeko eta justizia eskatzeko protesta egin dute ehunka pertsonak eta kolektibok Santanderren. "Egiaren eta biktimen duintasunaren alde" lelopean, hirigunea zeharkatu dute udaletxeraino, eta bertan manifestu bat irakurri dute haien omenez.
Gizon bat atxilotu dute Bilboko Zorrotza auzoan, bi edukiontzi erretzea egotzita, eta beste zortzi erre ote dituen ikertzen ari dira
Atxilotuak bi edukiontzi erre dituela aitortu du. Sua bizkortzeko asmoz manipulatutako metxero bat zeraman aldean atxilotu dutenean.
Angulen legez kanpoko trafikoaren aurkako operazioa 10 atxiloturekin eta 400 kilo atzemanda amaitu da
Guardia Zibilak eta Jendarmeriak elkarlanean egindako operazioan, Gipuzkoan eta Iparraldean aritzen zen talde bat desegin dute.
Bartzelonan, Madrilen eta Berlinen ere Korrika!
Korrikak ez duela mugarik erakutsi du berriz ere. Larunbat honetan ehunka lagun bildu dira Bartzelonan, Madrilen eta Berlinen euskararen alde korrika egiteko. Tradizio bihurtzen ari da Euskal Herritik kanpo ere korrika egitea eta auten 50 hiri handitan antolatu dute hitzordua. Ikusmin handia eragin dute inguruan zebiltzan herritarren eta turisten artean.
Ehun bat polizia atxilotu edo ikertu dituzte Espainian azken bost urteetan, narkotrafikoarekin lotura izateagatik
EH Bilduk egindako galdera bati erantzunez, Espainiako Gobernuak jakinarazi du 106 agente atxilotu edo ikertu dituztela 2021eaz geroztik, baina ez du zehaztu zein polizia zerbitzutakoa den ikertutako edo atxilotutako pertsona bakoitza.