Jaurlaritzak ez dauka webgunerik etxetik ateratzeko baimena duten lekuak ezagutzeko
Koronabirusaren pandemia dela-eta gure etxeetan sartuta egon behar dugun egun hauetan, asko zabaldu da WhatsApp bidez Eusko Jaurlaritzak abian jarritako webgune bati buruz hitz egiten duen mezu bat. Bertan aipatzen den webgunea Etxetik atera al naiteke? edota ¿Puedo salir de casa? deitzen da (mezuan gaztelaniaz agertzen da). Horren bidez, herritar bakoitzak, ustez, ikusi egin dezake ea bera bizi den tokian kalera ateratzeko aukerarik dagoen, alarma egoera indarrean egon arren.
Hainbat lagunek galdetu dute gai horri buruz 600 900 454 zenbakian, hots, EiTBk, koronabirusarekin lotutako buloak geldiarazteko asmoz, martxan jarritako partaidetza-ekimenaren telefonoan. Herritarrek buloak izan daitezkeen argazkiak, testuak eta bideoak bidal ditzakete bertara, mezu horien egiazkotasuna argitze aldera. Ekimen horretan, VOST Euskadirekin (Euskadiko Larrialdietako Boluntario Digitalen Elkartea) eta Maldita.es webgunearekin lankidetzan ari da EiTB.
Aipatu testuak honela dio (jatorrizkoa, gaztelaniaz):
El Gobierno Vasco ha puesto en marcha una página web para ver si por tu zona puedes salir de casa. Consúltala en este enlace.
http://www.puedosalirdecasa.es
Kasu honetan, WhatsAppeko kontaktu talde batetik bestera ia automatikoki eta analisi kritikorik egin gabe salto egiten duen mezu baten aurrean gaude. Nahikoa da aipatutako webgunean sartzea kate itxura hartu duen bulo edo txantxa bat dela konturatzeko; izan ere, behin webgunearen helbidean sartuta, "Ez" dioen mezua bat agertuko zaigu galderaren erantzun gisa.
WhatsAppeko mezuan agertzen den URL helbidera sartuz gero azaltzen den erantzuna. Argazkia: EiTB
Horrelako kateen antzeko beste adibide batek esaten duenez, Espainiako Gobernuak diru kopuru bat emango die (100 euro edo 150 euro izan daitezke, jasotako mezuaren arabera) martxoaren 23tik aurrera etxean sartuta geratuko diren pertsonei. Maldito Bulo ekimena arduratu da dagoeneko baieztapen hori gezurtatzeaz.
Zure interesekoa izan daiteke
Lau ibilgailuren arteko istripua izan da Malmasingo tuneletan, eta auto-ilarak sortu dira A-8an, Irungo noranzkoan
113. kilometroan, Malmasingo tunelen irteeran, izandako istripu baten ondorioz, errei bat itxi behar izan dute, eta auto-ilara luzeak sortzen ari da inguruan. Gutxienez bi dira zaurituak.
Albiste izango dira: Iparraldeko hauteskundeen emaitzak, Korrika eta Osakidetzako EPEa
Gaurkoan Orain-en albiste izango direnen laburpena, bi hitzetan.
Hilda topatu dute Arredondon, Kantabrian, desagertutako mendizale bilbotarra
Goizeko lehen orduan aurkitu dute haren ibilgailua, eta, horri esker, mendizalea inguru horretan zebilela baieztatu, eta bilaketa-eremua mugatu dute.
Iruñea kolorez eta euskararen aldeko aldarrikapenez bete du Korrikak
Milaka lagun korrika ibili dira Nafarroako hiriburuko kale eta auzoetan barrena, euskararen aldeko festa jendetsu bihurtuta. Adin guztietako pertsonak bildu dira Iruñean, indarrak hartu ondoren, kaleak energiaz, emozioz eta konpromisoz betez.
Albaceteko zale batekin eztabaidatu ostean hil den Racingeko zale baten heriotza ikertzen ari dira
Ikerketaren gertuko iturriek baieztatu dutenez, gertakariaren jatorria ez dago futbolarekin lotuta, ezta bi taldeetako jarraitzaileen arteko borrokaldi antolatu batekin ere.
EITBk Korrikaren lekukoa eraman du Iruñean
Euskararen aldeko lasterketak EITBren babesa jaso du aurten ere. 24. Korrikaren 763. kilometroa korritu du EITBk, Iruñean, Sadar kalean. Arnaitz Fernandez ("Eguraldia") eta Amaiur Elizari ("Navarra Hoy") aurkezleek eta Iruñeko egoitzako lankideek eraman dute lekukoa Nafarroako hiriburuan.
Arrazakeriaren aurkako 29. martxak etorkinen erroldatzeko eskubidearen alde egin du
500 bat lagunek hartu dute parte gaur Pasaia eta Donostia arteko manifestazioan. SOS Arrazakeriak Arrazakeriaren eta Xenofobiaren aurka antolatutako XXIX. Martxan, etorkinek erroldatzeko eskubidea dutela aldarrikatu dute.
El Bocal kostaldeko pasabidean hildakoak gogoratzeko eta justizia eskatzeko protesta egin dute Santanderren
El Bocaleko pasabidean izandako ezbeharrean hildako sei gazteak gogoratzeko eta justizia eskatzeko protesta egin dute ehunka pertsonak eta kolektibok Santanderren. "Egiaren eta biktimen duintasunaren alde" lelopean, hirigunea zeharkatu dute udaletxeraino, eta bertan manifestu bat irakurri dute haien omenez.
Gizon bat atxilotu dute Bilboko Zorrotza auzoan, bi edukiontzi erretzea egotzita, eta beste zortzi erre ote dituen ikertzen ari dira
Atxilotuak bi edukiontzi erre dituela aitortu du. Sua bizkortzeko asmoz manipulatutako metxero bat zeraman aldean atxilotu dutenean.
Angulen legez kanpoko trafikoaren aurkako operazioa 10 atxiloturekin eta 400 kilo atzemanda amaitu da
Guardia Zibilak eta Jendarmeriak elkarlanean egindako operazioan, Gipuzkoan eta Iparraldean aritzen zen talde bat desegin dute.