COVID-19ari buruzko WhatsAppeko buloak, ikerketa zientifiko batean aztergai
Valentziako Unibertsitateko ScienceFlows ikerketa-taldea, zientziaren ulermen publikoa, pertzepzio soziala eta dibulgazioa lantzen dituena, WhastApp bidez COVID-19 gaitzari buruz zabaltzen ari diren albiste faltsuen nondik norakoak ikertzen hasi da.
Egitasmoa "No Rumour Health" Europa mailako proiektuaren barruan bultzatu dute, eta herritarrek sare sozialen bidez jasotzen dituzten berriak egiazkoak edo faltsuak diren bereizteko ahalmena izatea da horren helburua. Proiektuan parte hartzen ari dira, besteak beste, SINC agentzia (Informazio eta Albiste Zientifikoen Zerbitzua), Maldita Ciencia, Salud Sin Bulos ekimena eta Gaixoa Terapia Sasizientifikoetatik Babesteko Elkartea (APETP).
Ikerketa hori aurrera eramateko, helbide elektroniko bat (coronavirus.scienceflows@gmail.com) eta WhatsAppeko zenbaki bat (623 037 376) jarri dituzte martxan, eta herritarrek bertara bidal ditzakete jasotzen dituzten albiste faltsuak edo buloak.
Honelako mezuak aztertuko dituzte:
1- COVID-19ari buruzko konspirazio-teoriei erreferentzia egiten dietenak
2- Ospitaleen barruan zer gertatzen ari den dakiten pertsonei buruzkoak
3- Froga zientifikoan oinarrituta ez dauden albisteak
Horiez gain, isunei, udal bandoei edo dekretu autonomiko faltsuei buruzko berriak ere aztertuko dituzte.
Material hori aztertuta, ScienceFlows taldeak jakin nahi du zer diskurtso-eredu dauden bideoetan (hitzezko eta hitzik gabeko hizkuntzaren azterketa), audioetan (igorlearen identifikazioa, mezuaren tonua eta lexikoaren erabilera) eta testu-kateetan (analisi terminologikoa eta fikziozko elementuak).
#Koronabuloak gezurtatzeko EiTBren zerbitzua
EiTBk ere martxan du koronabirusari buruzko buloak gezurtatzeko zerbitzua. Horretarako, koronabuloak@eitb.eus helbide elektronikoa eta 600 900 454 WhatsAppeko zenbakia aktibatu ditu. Nahi duenak bertara bidal ditzake susmagarri iruditzen zaizkion argazkiak, bideoak eta albisteak.
Albiste gehiago gizartea
Bittor Arginzonizen Etxebarri erretegiak munduko bigarren jatetxe onena izaten jarraitzen du
Peruko Maido jatetxea munduko onena izendatu dute The World 's 50 Best Restaurants 2025 sarietan. Bestalde, Etxebarri erretegiko Mohamed Benabdallah aljeriarra munduko sommelier onena izendatu dute.
Abadia Saria jaso du Gure Zirkuak
Gure Zirkuak aurtengo Abadia Saria jaso du gaur arratsaldean, Arrateko gainean (Eibar) egindako ekitaldian, komunitate oso bati “elkarrekin euskaraz bizi eta sentitzeko plaza berritzailea” eskaintzeagatik. Eider Mendoza diputatu nagusiaren eskutik jaso dute Abadia Sariaren oroigarria –Iñigo Aristegui Telloren Zazpi Petaloak eskultura– Gure Zirkuko kideek.
Beskoitzek ikastola berria izango du 2026-2027 ikasturtean
Egun dauden prefabrikatuetatik gertu, lursail bat erosi du Beskoitzeko Udalak eta bertako zati bat ikastolarentzat izango da. Herri Urratsen lortutako diruari esker eta Euskal Herri osotik iritsitako elkartasunari esker, Seaskak milioi bat euroko inbertsioa egingo du. Irailean lanak hasiko dira, eta hurrengo ikasturtean hasiko lirateke Beskoitze aldeko 50 haur inguru baldintza duinetan euskaraz ikasten.
Ehgamek Bilbao Bizkaia Harro ekimena boikoteatzeko deia egin du
EAJk Harrotasunaren Nazioarteko Eguna “bereganatu eta turistifikatu" nahi duela salatu du eta E28 Koordinadorak ekainaren 28rako deitutako manifestazio “herrikoi eta aldarrikatzailera” joateko deia egin du.
500 ekitalditik gora antolatu dituzte 2025eko sanferminetarako
Ostegun honetan aurkeztu dute sanfermin jaien egitarau ofiziala, eta iragarri dutenez, hilaren 14an Sorotan Bele talde gipuzkoarrak emango dio amaiera bederatzi eguneko zoramenari, Gazteluko plazako agertokian.
Alerta laranja Araba eta Nafarroa hegoaldean, arratsalderako iragarrita dauden prezipitazio handiengatik
Tenperatura maximoak 27 eta 35 graduren artean kokatuko dira, tokiaren arabera. Arratsaldetik aurrera baliteke ekaitzak jo eta zaparrada trumoitsuak botatzea. Hori dela eta, alerta laranja ezarriko dute Araba eta Nafarroa hegoaldean.
Klima-aldaketaren ondorioak Euskadin: 0,3 °C gehiago hamarkada bakoitzeko, bero-bolada gehiago eta itsasoaren tenperatura gora
Eusko Jaurlaritzak egindako txosten batek ohartarazi du berotze globalak gero eta ondorio handiagoak dituela Euskadin. Tenperaturak etengabe igo dira 1970etik, bero-boladen egunak bikoiztu dira eta itsas mailak erritmo bizkorrean egiten du aurrera. 2023an, itsasoaren batez besteko tenperatura inoizko altuena izan zen.
Nafarroako Unibertsitatea eta EHU, munduko 600 unibertsitate onenen artean
Massachusettseko Institutu Teknologikoak (MIT) lehen postuari eusten dio, hamalau urtez; ostean, Londresko Imperial College eta Stanfordeko Unibertsitatea daude.
Arartekoak Osakidetzan inbertsioa areagotzearen garrantzia azpimarratu du, herritarren kexak ikusita
Ines Ibañez de Maeztuk adierazi du Osasun Itunaren ostean hartuko diren neurrien esperoan dagoela, egoera hobetuko duten itxaropenarekin. "Etxebizitza eskubidea bete egiten dela bermatuko duten politika publikoen aldeko apustu irmoa" ere eskatu du.
Scientia School enpresak Pryconsa konpainiari saldu dio Amara auzoko Karmelo ikastetxea hartzen zuen eraikina
Scientia Schoolek azaldu duenez, 2019an erosi zuen ikastetxea, baina "matrikulen kopuruak behera egin zuen etengabe". "Egoera horrek itxiera ekarri zuen", gogorarazi du.