11 lagun atxilotu eta 409 salatu zituzten atzo Euskadin, isolamendua ez betetzeagatik
Ertzaintzak eta Euskadiko udaltzaingoek 409 salaketa jarri zituzten igandean, larunbatean baino 125 gutxiago, eta 11 pertsona atxilotu zituzten, aurreko egunean baino 6 gehiago, COVID-19aren hedapena geldiarazteko ezarritako alarma-egoeraren neurriak ez betetzeagatik.
Ertzaintzak 5 pertsona atxilotu, 978 identifikatu eta 247 salatu zituen; udaltzaingoek, berriz, 6 pertsona atxilotu, 519 identifikatu eta 162 salatu zituzten, Segurtasun Sailak astelehen honetan zabaldutako datuen arabera.
Atzo, gainera, 3.094 ibilgailu geldiarazi zituzten: 2.252 ertzainek eta 842 udaltzainek.
Araban egin ziren atxiloketa gehien (6), eta Bizkaian egin zituzten gainerakoak (5); Gipuzkoan, berriz, ez zuten inor atxilotu.
Salaketak, ordea, ugariagoak izan ziren Bizkaian (273), baina Gipuzkoan (128) eta Araban (8) ere egin ziren.
Identifikazioei dagokienez, Bizkaian 766 pertsona identifikatu zituzten, Gipuzkoan 656 eta Araban 75.
Segurtasun Sailak ohar baten bidez jakinarazi duenez, 8.524 salaketa jarri dituzte hilaren 16tik Euskadin.
Ordutik, 24.480 pertsona identifikatu dituzte EAEn; horietatik 17.109 ertzainek eta 11.371 udaltzainek.
Segurtasun Sailak lehen 250 zehapen-espedienteak abiarazi ditu, osasun-larrialdiko egoera honetan agintaritzari desobeditzeagatik.
Gaur, Ertzaintzako agenteek lehen jakinarazpenak bidaliko dizkiete salatutako pertsonei.
Segurtasun Sailak zehaztu duenez, arau-hauste larriei 602 euroko isuna jarri diete, eta kopuru hori % 50 murriztu daiteke salatutakoak jakinarazpena jaso eta hamabost eguneko epean ordaintzen badu.
Egungo egoeran, etenda geratu dira administrazio-prozedurak izapidetzeko eta jakinarazteko administrazio-epeak, ezarritako alarma-egoerarekin lotutako egoerei dagozkienak izan ezik.
Hori dela eta, Segurtasun Sailak espediente horien izapideak bizkortzea erabaki du, nahiz eta salaketa egin denetik urtebeteko epea izan horretarako.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.