Gizon bat atxilotu dute Tuteran, laguntzen zuen emakumeari 52.000 euro lapurtzeagatik
Espainiako Poliziak gizon bat atxilotu du Tuteran, 87 urteko emakume bati, txikitatik ezagutu eta erosketa-poltsekin laguntzen zuen emakumeari, 52.000 euro lapurtzeagatik.
Gizonak 2019ko irailetik diru kopuru handiak hartzen zituen bankutik, eta atxiloketa ostegun honetan izan da, Polizia Nazionalak jakitera eman duenez.
Martxoaren 30ean hasi zen ikerketa, Tuterako banku-sukurtsal bateko segurtasun-zaindariak konturatu zen adineko emakume batek zenbait egun zeramatzala diru-kopuru handiak ateratzen, eta bankutik irtetean adin ertaineko gizon bat zegoela beti zain.
Zaindariak Espainiako Poliziari adierazi zion, eta hark gertakarien inguruko ikerketa bat hasi zuen, Tuterako Udaltzaingoaren babesarekin.
Era honetara, emakumeak aurreko urteko irailetik ohikotasunez diru-kopuru handiak ateratzen zituela ohartu ziren, eta, era berean, bere bizimoduarekin bat ez zetozten gastuak zituela erreparatu zuten.
Halaber, 43 urteko Tuterako bizilagun bat identifikatu ahal izan zuten, ondarearen aurkako delituengatik aurrekari ugari zituena. Biktima txikitatik ezagutzen zuen, eta erosketa-poltsak etxera eramaten laguntzen zion askotan.
Gizona maiz sartzen zen emakumearen etxean, ustez laguntzeko, baina emakumeak bankuan zeukan dirua eskuratzen zuen.
Emakumearen oroimen galera edo balizko gaixotasun bat dela-eta, ez zen gertakariez ohartzen, eta duela gutxi erretiratutako diru guztia gastatu zuela pentsatzen zuen. Beraz, sukurtsalera itzultzen zen diru gehiago ateratzera.
Bildutako datu guztiak oinarri hartuta, apirilaren 2an polizia-operatibo bat abiarazi zen, eta horren ondorioz, lapurretaren ustezko egilea atxilotu zuten.
Zure interesekoa izan daiteke
Blusa eta nesken kalejiraren ibilbidea moldatzea proposatu du Gasteizko Udalak, segurtasun arrazoiengatik
Andre Mari Zuriaren plazan hasi eta bukatuko den ibilbide zirkularra jarri du mahai gainean Udalak. Orain, kuadrillek hilabeteko epea dute proposamena aztertu eta ekarpenak egiteko.
Adituek ongi ikusten dute 16 urtetik beherakoei sare sozialak debekatzea
Psikologo eta pedagogoentzat erreferentziazko adin bat izatea onuragarria da, nahiz eta argi duten ez dela erraza izango debekua betetzea. Kalean, berriz, denetariko iritziak daude, baina askorentzat debekuak ez du arazoa konponduko.
Iraungitako txertoa jaso zuten 23 pertsonari txerto hexabalentea jarri diete berriro
Alberto Martinez Osasun sailburuak azaldu duenez, iraungitako txerto hexabalentea 29 pertsona gehiagori jarri ote zitzaien ikertzen ari dira, baina erregistroan egindako akatsak izan daitezkeela aurreratu du. Dena den, txertoen intzidentzia "bideratuta" dagoela eta orain gertaturikoa argitzea falta dela adierazi du.
Hiru pertsona atxilotu dituzte Obanosen, horietako bat larri zaurituta, etxebizitza batean izandako leherketa batean
Lehen hipotesien arabera, hiru atxilotuak leherketa eragin duen osagairen bat manipulatzen ari ziren.
Espainiako Gobernuak sare sozialetan sartzea debekatuko die 16 urtetik beherakoei
Pedro Sanchezek iragarri du Espainiak sare sozialen zuzendariak erantzule egingo dituela legez kanpoko eta gorrotozko edukiengatik.
Goiz gorabeheratsua Kataluniako Rodaliesen, zirkulazioa bi bider eten da eta
Lehen mozketa 07:10 eta 07:15 artean gertatu da; bigarrena, berriz, 08:08 eta 08:19 artean. Renfek adierazi duenez, trenak normaltasunez dabiltza dagoeneko.
38 urteko gizon bat hil da Bergaran, auto batek harrapatuta
Ezbeharra 07:15ean gertatu da, Ibarra kalean.
Auto-ilarak Bilbon, hainbat ibilgailuk istripua izan baitute Zorrotza parean
Hiru ibilgailuk talka egin dute eta ondorioz erreietako bat itxi dute. Hori dela eta, lau kilometrorainoko auto-ilarak sortu dira.
Albiste izango dira: iraungitako txertoak, San Blas eguna eta EEEa Tubos Reunidosen
Gaurkoan Orain-en albiste izango direnen laburpena, bi hitzetan.
Zaldi-probek beteko dute idi-proben lekua Abadiñoko San Blas egunean
Erroskilla eta eztarria babesteko lokarriekin batera, idi-probek leku berezia izan ohi dute sanblasetan, baina, aurtengoan, egitarauan moldaketak egin behar izan ditu Udalak, dermatosiaren ondorioz.