Italiako maskaren ustezko "pagotxa"
Euskadiko Larrialdietako Boluntario Digitalen Elkarteak (VOST Euskadi) ohartarazi duenez, Italian jatorria duten maskarak erosteko "eskaintza" oso "mamitsuak" agertu dira sare sozialetan, profil partikularren bidez.
Eskaintza horiei ez erantzuteko eta erosketak behar denean bakarrik egiteko eskatu du VOST Euskadik, eta, erosiz gero, bermeak dituzten hornitzaileen bidez erostea.
Euskadiko Larrialdietako Boluntario Digitalen Elkartea EiTBrekin batera ari da elkarlanean #Koronabuloak ekimenean, hau da, COVID-19 gaitzaren inguruan egun hauetan batetik bestera dabiltzan testu, argazkia, albiste, eduki edota bideo faltsuei aurre egiteko egitasmoan.
Era berean, WhatsAppeko 600 900 454 zenbakiaren bidez herritarrek bidalitako eduki susmagarriak jasotzeko ekimen horretan, albiste faltsuen aurka lan egiten duen Maldito Bulo webgunearekin ere harremanetan dago EiTB. Horrez gain, Eva Caballerok zuzentzen duen Radio Euskadiko La Mecánica del Caracol dibulgazio-programan parte hartu ohi duen komunitate zientifikoaren laguntza ere badu.
VOST Euskadiko kideen esanetan, albiste honetan azaltzen den maskaren eskaintza "ustezko italiar batek egiten du, ia daturik ez duena. Bidalketa-gastuetako prezioak gehiegizkoak dira, eta iruzur itxurako hitz-gakoak darabiltza: 'prezio oso onuragarria', 'kalitate bikaina' eta 'bidalketa ezin azkarragoa'".
Elkarteak gogorarazi du maskarak zein eskularruak "behar izanez gero" bakarrik erosi behar direla, eta, betiere "ziurtatutako lekuetan": farmazietan, hurbileko saltokietan, baimendutako zentroetan edo egiaztatutako segurtasun-ziurtagiriak dituzten online plataformetan.
VOST Euskadik ohartarazi duenez, ia daturik gabeko profil partikularrak dituzten "pagotxa" mota horiek "iruzur-saiakerak izaten dituzte atzean, erosketen, maileguen edo etxeko animaliak adoptatzearen bidez".
Gainera, martxoaren 15az geroztik, osasuna babesteko beharrezko produktuak (maskarak kasu) dituzten enpresa edo partikularrek Osasun Ministerioari jakinarazi behar dizkiote beren izakinak eta kokapena, egun horretako Estatuko Aldizkari Ofizialak jasotakoaren arabera.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.