Ez kafeak ez teak ez dute koronabirusa sendatzen
WhatsApp bidez biral bihurtu diren bi mezuren arabera (ia-ia berdinak dira osorik), kafeak eta teak propietate miragarriak dituzte, eta koronabirusak eragiten duen gaitza sendatzeko gai lirateke, "egunean hiru katilukada" hartuz gero. Horretarako, produktu horiek izan ere ez dituzten substantzia batzuk aipatzen dira mezuan, eta berri hori CNN kateak zabaldu duela esanez "biribiltzen" du zentzugabekeria hori.
Mezuaren edukiaren aurrean asaldatuta, erabiltzaile batzuk EiTBk koronabirusaren inguruan behin eta berriro ateratzen diren albiste faltsuei aurre egiteko jarri duen WhatsApp zenbakiarekin (600 900 454) harremanetan jarri dira.
#Coronabulos izeneko ekimen honetan lagun dugu Boluntario Digitalen Euskal Elkartea (VOST Euskadi), albiste faltsuen aurka ari den Maldito Bulorekin harremanetan gaude, eta Eva Caballero Radio Euskadiko La Mecánica del Caracol dibulgazio saioko zuzendariaren eta horren ibilbide luzean ezagutu dituen zientzialari guztien laguntza dugu.
Hau da erabiltzaileek bidali diguten mezua:
Últimas noticias de CNN: - * _
* Dr.Li Wenliang *, el héroe médico de China, que fue castigado por decir la verdad sobre el virus Corona y luego murió de la misma enfermedad, había documentado archivos de casos con fines de investigación y en los archivos propuso una cura que disminuiría significativamente el impacto de COVID - 19 Virus nocuerpo humano.la sustancia química * Metilxantina *, * Teobromina * y * Teofilina * estimulan compuestos que pueden evitar estos virus en humanos con al menos un sistema inmunitario promedio. Lo más sorprendente es que estas palabras complejas que fueron tan difíciles de llamar para las personas en China son * CAFÉ * en India, SÍ, nuestro CAFÉ regular tiene todos estos químicos. La principal metilxantina en el café es la cafeína estimulante. otras metilxantinas que se encuentran en el CAFÉ son dos compuestos químicamente similares, teobromina y teofilina. La planta CAFÉ crea estos químicos como una forma de alejar insectos y otros animales. quién diría que la solución completa a este virus sería una simple taza de café y esa es la razón por la cual tantos pacientes en China están siendo curados. El personal del hospital en China comenzó a servir CAFÉ a pacientes tres veces al día, y el efecto finalmente está en * Wuhan * "El centro de esta pandemia" ha sido contenido y la transmisión comunitaria casi se ha detenido.
comparta este mensaje con sus amigos y familiares para que sean conscientes de esta bendición en forma de CAFÉ en su cocina.
Google Traductor.
Bitxia da, baina Eva Caballerok sarean dabilen beste mezu bat erakutsi digu, ia-ia berdina. Alde bakarra du: mezu honetan letra larriz ageri den "café" hitzaren ordez "té" hitza ageri da bestean. Radio Euskadiko dibulgazio saiotik puntuz puntu gezurtatu dute albiste faltsua.
"Alkaloideen nahaste-borrastea"
Eva Caballeroren esanetan mezuak dituen "alkaloideen nahaste-borrastea" abiapuntu gisa hartuta, metilxantinak nerbio-sistema zentrala (NSZ) estimulatzen duten alkaloide batzuk dira. Metilxantinak dira teofilina (tea), teobromina (kakaoa, txokolatea) eta kafeina (kafea).
"Teofilina eta teobromina ez dira kafean ageri. Teofilina, tean baino ez, eta metilxantina izen generikoa da ", Caballerok azaldu duenez.
Halaber, horren hitzetan, "ez dago metilxantina eta/edo teobromina eta/edo teofilina COVID-19arekin lotzen duen ikerketarik zientzia artikuluen gordailuetan, ez EurekAlert! plataforman, ez bioRxiv zerbitzuan, ezta Google Scholar bilatzailean ere".
Bestalde, mezuan aipatzen den eta arnas sindrome akutu larria lehenengoz aipatu zuen mediku txinatarrari dagokionez, Caballeroren arabera, "oftalmologoa da", "ez zuen COVID-19a zuen gaixorik artatu, glaukoma zuen paziente batekin kontaktuan kutsatu zen. Ez zuen inoiz gaixotasun hori ikertu".
Albistearen ustezko hedatzeari lotuta, Caballerok adierazi du CNNk ez duela horren berri eman. "Ez da inolako erreferentziarik ageri, ez hedabide horren bilatzailea erabiliz, ezta Googleren generikoa erabiliz ere", azaldu du.
Bukatzeko, mezuaren amaierak berak ematen dio azken errematea albiste faltsuari: "Google traductor" (sic).
Zure interesekoa izan daiteke
'Kuadrilla', 2026ko sanferminak iragarriko dituen kartel irabazlea
Marta Garatea artista iruindarraren artelanak festako uneak eta pertsonaiak uztartzen ditu, kolore bero eta bizien bidez. Kartela herri-bozketaren bidez aukeratu dute, eta inoizko parte-hartzerik handiena izan da: 10.000 boto baino gehiago jaso ditu.
24 partidako zigorra ezarri diote futbol-jokalari bati epaileari eraso egiteagatik, Nafarroan
Erasoa pasa den asteburuan gertatu zen, CDA Rotxa eta UD Mutilvera C taldeek jokatutako gazte mailako futbol partidan.
Adimen artifizialarekin sortutako irudi sexualizatuak debekatu ditu Europar Batasunak
Irudi sexualizatuak nahiz haurren kontrako sexu-abusuekin lotutako edukiak sortzeko helburu bakarra duten adimen artifizialeko sistemak debekatu egingo dira 2026ko abenduaren 2az geroztik. Grok X sare sozialeko AAko tresnak sortutako ika-mikaren ondoren adostu dute neurria.
'MV Hondius' ontziak Kanaria Uharteetara heltzeko egingo duen bidea, hemen
Hantabirus kasuak atzemandako itsasontziaren bidaia maiatzaren 9an iritsiko da Kanarietara, zehazki, Granadillako industria-portura. Hortik, tripulatzaileak Tenerife Hegoaldeko Nazioarteko aireportura eramango dituzte.
Gutxienez sei kilometroko auto-ilarak AP-8 autobidean, Usurbilen, Irunerako noranzkoan
Lau autok istripua izan dute, eta erreietako bat itxita dago AP-8 autobidean, Usurbil parean, Irunerako noranzkoan. Bigarren istripu batek are gehiago zaildu du egoera, eta auto-ilara luzeak sortzen ari dira Irunerako noranzkoan.
Albiste izango dira: hantabirusaren azken ordua, Tubos Reunidosko langileen batzarra eta Gabonetako Loteriaren Igorreko auzia
Gaurkoan Orain-en albiste izango direnen laburpena, bi hitzetan.
Matxura baten ondorioz, bi gaixo zeramatzan hegazkin medikalizatuak geldialdia egin behar izan du Kanaria Handian
Bigarren hegazkina Herbereetara heldu da. Munduko Osasun Erakundearen zuzendari nagusiak azpimarratu duenez, osasun publikorako arrisku orokorrak "txikia izaten jarraitzen du". Gurutzaontzia, bere aldetik, Kanaria Uharteetara bidean da jada, eta hiru egun barru porturatzea aurreikusita dago.
Gutxienez 79 lagunek salaketa jarri dute Arratiko Zekorrak errugbi taldeak saldutako loteria txartelen auzian
Behar baino 225 partaidetza gehiago saldu zituela aitortu du Arratiko Zekorrak errugbi taldeak eta, horren ondorioz, 80 bat lagunek ezin izan dute saria kobratu: 10.000 euro partizipazioko; 2,2 milioi euro inguru, guztira.
Albanese "Gernika" aurrean: “Ikaragarria da, Gazan ikusi dudana ematen du”
Francesca Albanese Nazio Batuen Erakundeko Palestinarako errelatorea txundituta agertu da asteazken honetan Gernika Pablo Picassoren margolan ospetsuaren aurrean. Haren ustez, "gerra zibilaren suntsiketa" islatzen badu ere, Palestinako lurralde okupatuetan ikusitakoaren "isla" ematen du.
Trafikoa bere onera etorri da N-1 errepidean, bi kamioiren arteko istripuak auto-ilara luzeak eragin ondoren
Gasteizko noranzkoan izan da istripua, eta errei bat itxita egon da ia bi orduz. Behin ibilgailuak bidetik erretiratuta, pilaketak arintzen hasi dira.