Konfinamenduak iraun bitartean sirena hotsa zabaltzeko deia, erraustegiaren aurka
Gaur eguerdiko hamabietan, bost minutuz, sirena antiaereoen hotsak eta txistuak entzun dira Usurbil eta Lasarteko balkoi eta leihoetan Zubietako erraustegiaren kontra protesta egiteko.
Gaurtik aurrera eta konfinamenduak irauten duen bitartean, Gurasos plataformak Gipuzkoa osora zabaldu nahi dute ekimena, egunero 12:00etan sirena hotsa zabalduz, "erraustegiak isuritako dioxina eta beste toxiko batzuek eragiten duten arriskuaz" ohartarazteko. Horretarako, sirena hotsaren audioa ere zabaldu dute euren sare sozialetan, jendeak erreproduzitu dezan.
GuraSOS elkarteko Joseba Belaustegik "egoera larriagotzen" ari dela azaldu du Euskadi Irratian, konfinamendu egoeran ere, erraustegiak frogak egin eta kea isurtzen jarraitzen duelako. "Ziurrenik, Zaldibarko zabortegian pilatzen ziren industria-hondakinak ere bertan erreko" direla ohartuta, oso kezkatuta azaldu du Belaustegi.
"Ez bazenekien zer lurperatzen zuten Zaldibarren ez duzu jakingo zer erreko duten Donostian" salatu dute.
Zure interesekoa izan daiteke
BI-30 errepidean izandako istripu batek auto-ilarak eragin ditu Txorierrin eta Arrontegin, eta A-8 autobidean eragina izaten ari da
Ezbeharra goizean goiz gertatu da Erandion, eta errei bat itxi behar izan dute Galdakaoko noranzkoan. Ilara luzeak sortzen ari dira.
EHUk unibertsitate-komunitatean errespetua eta bizikidetza indartzeko protokolo bat bultzatuko du
Ekimenak bitartekotza, partaidetza eta sentsibilizazio-neurriak izango ditu, eta komunitate osoaren ekarpenak jasotzeko plataforma digital batean oinarrituko da.
Albiste izango dira: Korrika zuzenean, krisi energetikoa eta Berdintasunerako Emakunde Saria
Orain-ek gaur landuko dituen albiste nagusien laburpena.
Korrika Gipuzkoan sartu da!
Atallu eta Araitz-Betelu atzean utzi eta Lizartzatik barrena sartu da Korrika Gipuzkoan, Tolosaldea eskualdean. Berastegiko udaleko ordezkariak izan dira lekukoa Gipuzkoara sartu dutenak. Ondoren, Galtzaundi Tolosako euskaltzaleen elkartearen txanda izan da. Mallopeko eta Tolosaldeako eskualdeak bat egin dute Korrikaren alde. Gauean, besteak beste, Tolosa, Andoain, Hernani, Oiartzun eta Irun igarota, Nafarroara itzuliko da berriz ere eta goizaldeko 6ak aldera Beran espero dute.
Familia batek salatu du Durangoko egoitza bateko erabiltzaileek "gabezia larriak" dituztela
Egoitzako zuzendaritzak ukatu egin ditu akusazioak, lantaldearen "profesionaltasuna" defendatu du, eta ziurtatu du Bizkaiko Aldundiak ezarritako baldintza guztiak betetzen dituztela.
Bi pertsona zauritu dira Azkoitian, etxe batean izandako sutean
Trino Uria kalean piztu da sua eraikineko azken solairuan, asteleheneko ordu bata aldera. Bi lagun artatu dituzte lekuan bertan; zaurituetako batek erredurak ditu eta ospitalera eraman behar izan dute. Eraikin osoa hustu dute, eta sua kontrolpean duten arren, Azpeitia eta Eibarko suhiltzaileak lanean ari dira kalteak ahalik eta txikienak izan daitezen.
EAEko farmazialariek uda baino lehen utziko diote sendagaien kupoia ebakitzeari
Osasun Saila farmazien kudeaketa-sistemak egokitzen ari da, fakturazioa sendagaien ontzietako datamatrix kodea irakurriz "egunean eta online" egin ahal izateko.
Gizon bat hil da eta lagun bat zauritu, Irungo soto batean izandako sutean
Zauritua helikopteroz eraman dute Gurutzetako Ospitalera. 13:45ean piztu da sua, Uranzu kalean, eta garrak itzaltzea lortu badute ere, suhiltzaileek hozte-lanetan jarraitzen dute.
Milaka bizipen ahaztezin, bost eguneko ibilbidean
Martxoaren 19an abiatu zen euskararen aldeko lasterketa Atharratzetik, eta, harrezkero, urratsez urrats, lurraldez lurralde, euskarari hauspoa ematen aritu dira milaka euskaltzale. Oraindik bidearen erdia ere ez du egin, baina dagoeneko irudi eta une zirraragariak utzi ditu Korrikaren 24. edizioak.
Euskadiko Erlijioen Kontseilua sortuko du Eusko Jaurlaritzak
Udaberrian jarriko du martxan Eusko Jaurlaritzak Euskadiko Erlijioen Kontseilua EAEko erlijio-aniztasuna kudeatzeko helburuz. Bizikidetza eta laikotasun kooperatiboa oinarri izango dituen ekintza plan batekin jaioko da.