Hiru gizon atxilotu dituzte Bizkaian eta Gipuzkoan, genero indarkeria egotzita
Ertzaintzak 44 eta 55 urte arteko hiru gizonezko atxilotu ditu Erandio eta Santurtzi Bizkaiko udalerrietan eta Donostian, genero indarkeriaren delituak egin izana leporatuta.
Lehen atxiloketa atzo, osteguna, goizean egin zuten, Erandion, emakume batek senarrak egindako eraso baten biktima izan zela salatu eta gero.
Biktimak kontatu zuenez, irainak eta heriotza mehatxuak jaso ohi ditu, eta erasoak ere pairatu ditu aurretik. Biktimak kontatutakoa entzun eta gero, ustezko erasotzailea kalean aurkitu, eta atxilo eraman zuten.
Etxebizitzan, agenteek 49 urteko atxilotuaren su arma bat aurkitu zuten. Atxilotu eta gero, epaileak emakumearenganako urruntze agindua ezarri zuen.
Bigarren atxiloketa bart egin dute, Donostia erdiguneko kale batean. Salaketa jarri zuen emakumearen arabera, bikotekideen arteko elkarbizitza “zaila” da, hainbat urte daramatza tratu txar fisiko eta psikikoak jasaten eta gizonezkoak arma labur batez mehatxatu du zenbait aldiz.
Agenteek egiaztatu dute emakumeak ageriko ubeldurak zituela besoetan, eta gizonezkoa atxilotu dute. Etxebizitza miatzean, arma labur detonagailu bat aurkitu dute ohe bateko koltxoiaren azpian.
Horrez gain, kasu honetan, emakumeari ere etxeko indarkeria egotzi diote eta eginbideak abiatu dituzte, gizonezkoak ere zauri batzuk baitzituen hankan.
Azkenik, goizaldean beste gertakari biolento bat izan da Santurtzin. Salaketa jarri duen emakumearen arabera, familiako eztabaida batean, senarrak bera eta alaba kolpatu ditu.
Emakumeek erasoaren zantzu argiak zituztela ikusi dute agenteek, eta ustezko erasotzailea, polizia aurrekariak ugari dituen 55 urteko gizonezko bat, atxilotu dute.
-------------
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak eta/edo deitu doako telefono hauetako batera: 900 840 111 (Euskadin) edo 016 (Estatu osoan). Ez dute fakturan arrastorik uzten, baina bai telefonoan. Beraz, ez ahaztu ezabatzea.
Zure interesekoa izan daiteke
Jendetza bildu du Korrikak Maulen
Lurraldeko eta hiriburuko hainbat elkarte eta herriko etxe ikusi ditugu parte-hartzen, hala nola, Sohütako pastorala, UEU, Palestinaren aldeko elkartea, Pitxu gaztetxea, Xiberoko Botza eta beste hainbat. Handik Nafarroa Beherea alderako bidea hartu du. Gaueko 22:00 pasata sartuko da lurralde hartan Aiherratik.
Pertsona bat erietxera eraman behar izan dute Baionan gertatu den sute baten ondorioz
Sua 14:15ak inguruan piztu da garra Baiona Tipiko Kupelgileak karrikako eraikin batean. Suhiltzaileek eraikina hustu dute bertaratu orduko. Hirugarren solairuan zegoen gizonezko bat larrialdi zerbitzuen laguntzarekin atera behar izan dute eta Baionako erietxera eraman dute kea arnastuta. Garrak itzali badituzte ere, auzo guztiko elektrizitatea eta gasa moztu dituzte, prebentzio neurri gisa. Eraikinak kalte ugari izan ditu eta bere egoera hurrengo orduetan aztertu beharko da. Bizilagunek gaua etxetik kanpora igaroko dute.
Atharratzetik abiatu da 24. Korrika, festa giroan, pizkundearen akuilu izatea xede
AEK-ko kideek eta Zuberoako euskalgintzan erreferente den Oihana Larrandaburu Goñi atharraztarrak eman diote hasiera lasterketari. Euskal Irratiak sareko kideak izan dira lehenak lekukoa eramaten. Bilbon amaituko da, martxoaren 29an, igandez.
Euskal jatorriko 114.400 pertsona atzerrian bizi dira, duela urtebete baino % 5,5 gehiago
Gehienak Amerikan bizi dira, Argentinan zehazki, INEk urtero argitaratzen duen Atzerrian bizi diren espainiarren erroldaren (AEE) arabera.
32 urteko emakumezko bat zauritu da Iruñean, ibilgailu batek harrapatuta
Ezbeharra 07:32an gertatu da, Arrosadia auzoan. Emakumeak kolpe ugari jasan ditu, hortaz, Iruñeko Unibertsitate Ospitalera eraman dute, pronostiko erreserbatuarekin.
Trafikoa bere onera itzuli da A-8an Irun parean, baina auto-ilara txikiak oraindik daude Kantabriarako noranzkoan, Abanton
Zubiaren hasieran trafiko-eragozpenak izan dira A-8 autobidean.
Furgoneta-gidari bat zauritu da A-1 errepidean, Asparrenan, errepidetik atera eta bazter-babesaren aurka talka eginda
Istripua ostegun honetako 08:45ean jazo da. Zauritutako gidaria ospitalera eraman dute.
Albiste izango da: Korrikaren hasiera, Ekialde Hurbileko azken ordua eta Europako Kontseiluaren bilera
Gaurkoan Orainen albiste izango direnen laburpena, bi hitzetan.
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da. ETB On plataformak etenik gabe jarraituko du ibilbidea, eguneko 24 orduetan.
ELAk adierazi du CCOOko kide batzuek euskaldunen hizkuntza eskubideen aurkako kanpaina abiatu dutela
ELAk adierazi du bat datorrela AEKrekin, Korrikaren antolatzailearekin, eta babestu egin du CCOOren zuzendaritza lasterketatik baztertzeko erabakia. ELA sindikatuak “euskararen aurka antolatutako kanpaina” baten parte izatea leporatu die CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzen ez uzteko erabakia hartu izana.