Prebentzioa eta "sistema prestatua", deseskalatzerako lehentasunak Murgaren ustez
Euskal Autonomia Erkidegoko deseskalatze prozesuan, prebentzioa eta, covid-19ak “berriz jo” gintzakeen arriskuaren aurrean, “osasun sistema prest izatea” izango dira lehentasunak, Nekane Murga Eusko Jaurlaritzako Osasun sailburuak azaldu duenez.
Ser irrati katean egin dioten elkarrizketa batean Murgak adierazi duenez, Araba, Bizkai eta Gipuzkoan, beste ezeren gainetik, deseskalatze “segurua” planteatzen dute, “lehentasun erabatekoa den osasunean izan ditzakeen eraginak ebaluatzeko ahalmen handikoa”.
Gogoan hartzen ari diren agertokiei buruz ere hitz egin du Murgak solasaldi horretan: “Hasieratik, agertoki ezberdinak ireki genituen, hasieratik neurri ezberdinak proposatu genituen Arabarako, Gasteizerako eta beste udalerri batzuetarako, eta beti pentsatu dugu hori dela lan egiteko modu egokia”.
Umeak eta adinekoak kalera irteteaz
Umeak kalera irteteari buruz, Murgak esan du “haurrok gainbegiratuta” egon beharko direla, “elkarrekiko distantziak errespetatuz, ariketa fisikoa eta mugikortasuna sustatuz eta sintomak arreta handiz kontrolatuta, tenperatura hartuta eta familiak jarraipena eginda”.
Adinekoak kalera irteteko aukerari buruz, Osasun sailburuak aitortu du “zaila” dela, “jakina delako zelako arrisku maila daukaten gehienek, adina dela eta edo gaixotasun kronikoak dituztelako”.
“Sistema sanitario prestatua”
EAEko ospitaleetako normaltasunerako itzulerari buruz galdetu diotenean, Murgak esan du “kasu berriak atzemateko lanaren eta lehenbailehen tratatu behar diren gaixotasunak dituzten eta itxaron ezin duten pertsonen segurtasunaren arteko oreka” zaintzen egiten ari dela.
“Osasun sistemak prest izan behar du hori, eta, deseskalatzerako, Euskadiren lehentasunak, noski, prebentzioa eta osasun sistema prestatua izatea dira”, errepikatu du.
Bestalde, Murgak baieztatu du Euskal Autonomia Erkidegoaren aldetik ez dela “inolako deskoordinaziorik” egon Espainiako Osasun Ministerioari epidemiaren eraginari buruzko datuak bidaltzeko orduan. Haren esanetan, “lehen unetik erantzun diegu eskatu zaizkigun datu guztiei”.
Albiste gehiago gizartea
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.