Paseatzeko ordu-tarteak indarrean izango dira Gasteizko 9 kontzejutan
Bihartik aurrera paseatzera ateratzeko Espainiako Gobernuak ezarritako ordu-tarteak Gasteizko 63 kontzejuetatik 9tan izango dira indarrean, Arabako hiriburuko hiri-bilbearekiko bereizketarik ez dagoelako.
Abetxuko, Ali, Aretxabaleta, Arkaute, Armentia, Betoño, Elorriaga, Gamarra eta Gardelegi dira kontzejuak. Gainerako 54etan ez da ibilaldietarako ordutegirik aplikatuko.
Gasteizko Udalak zirkular bat igorri du kaltetutako herritarrei azaltzeko COVID-19aren pandemiaren eta konfinamenduaren malgutze antolatuaren esparruan ministerio-agindua aplikatu dela.
Agindu horren 5. artikuluan, kirola egiteko eta paseatzeko ordu-tarteak ezartzen dira.
Hala ere, ordu-tarte horiek ez zaizkie aplikatuko 5.000 biztanle edo gutxiago dituzten biztanle-gune bereiziak administratzen dituzten udalerriei eta udalerria baino lurralde-eremu txikiagoko erakundeei, non agindu honek baimentzen dituen jarduerak 06:00etatik 23:00etara egin ahal izango diren.
Gasteizko landa eremuan 63 kontzeju daude, 5.000 biztanletik beherako eta udalerria baino lurralde eremu txikiagoko erakundeak.
Kirola egiteari dagokionez, Udalak udalerri osoan egin ahal izango dela dio, 06:00etatik 10:00etara eta 20:00etatik 23:00etara, Gasteizko udalerri osoan gertatzen den bezala.
Hala ere, Udalak zehazten duenez, ministerio-aginduaren arabera, kontzeju horietako 9 ez daude Gasteizko hiritik bereizita, hiri-bilbearekin jarraitutasuna dutelako.
Horregatik, ezin zaie aplikatu 5. artikuluko 2. atalean ezarritako salbuespena, eta Arabako hiriburuko hiriguneari eragiten dioten ordu-tarteen arabera arautuko dira.
Albiste gehiago gizartea
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Suhiltzaileek lanean jarraitzen dute Gasteizko LEA lantegian, sutea kontrolpean baina itzali gabe baitute
Suhiltzaileek lantegira ura botatzen jarraitzen dute, su txiki gehiago izan ez dadin.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.
Kontrolpean dute Gasteizko LEA fabrikan piztutako sutea
Orduak edo egunak beharko dira oraindik sua erabat itzaltzeko. Ez da inor zauritu, industrialdea jendez hustu dutelako. Abetxuku eta Arriaga auzoak normaltasunera itzuli dira.