'Billy el Niño' frankismo garaiko polizia ohia hil da, koronabirusagatik
Antonio Gonzalez Pacheco, Billy el Niño, frankismoko Brigada Politiko-Sozialeko polizia ohia, Madrilgo ospitale batean hil da ostegun honetan, koronabirusak jota. Diktadura garaian torturak egiteagatik gizateriaren aurkako krimenak egotzita, salaketa ugari jarri zituzten horren aurka.
Gonzalez Pacheco 73 urterekin hil da, epaileek horren kontrako salaketak ikertu barik, azken urteetan haren biktimek zenbait kereila aurkeztu arren.
Gainera, jasotako sariak kentzeko aurkeztutako eskaeraren erantzunaren zain zegoen.
Otsailean, Kongresuko Mahaiak oniritzia eman zion Billy el Niñori emandako sarien txostena argitaratzeari, baina ukatu egin zuen Antonio Gonzalez Pacheco polizia ohiaren "zerbitzu-orria" publiko egitea, nahiz eta oraingoan Unidas Podemosek babesa eman dion.
Kongresuko Mahaiak aintzat hartu zuen Jon Iñarritu EH Bilduren diputatuak egindako eskaria, PSOEren eta Unidas Podemosen aldeko botoekin.
Eskaera horretan, eldiario.es agerkariak 2018an zabaldu zuen txostena osorik argitaratzea eskatu zuen EH Bilduk. Txosten hori "Antonio Gonzalez Pacheco torturatzaile frankistaren jarduerari buruzkoa" da, eta bertan jasotzen dira polizia ohiak jaso dituen dominak, sariak edo errekonozimenduak.
Horren aurkako kereilak
Antonio Gonzalez Pacheco, Billy el Niño, eta frankismoko Brigada Politiko-Sozialeko beste kide batzuen kontrako salaketa 2019ko uztailean jarri zuten, Madrilen. Espainian, gizateriaren aurkako krimenengatik aurkezten den aurreneko kereila kolektiboa izan zen. Tortura sistematikoak izan zirela frogatu nahi zuten.
Bost biktimak Liga Komunistako edo ikasleen sindikatuetako militanteak ziren 70eko hamarkadan. Protesta egiteagatik edo paskinak banatzeagatik atxilotu zituzten.
Zure interesekoa izan daiteke
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da.
ELAk berretsi du CCOOko kide batzuek euskaldunen kontrako hizkuntza eskubideen aurkako kanpaina abiatu dutela
ELAk babes osoa adierazi dio AEKri, Korrikaren antolatzaileari, eta CCOOko zuzendaritza lasterketatik baztertzeko erabakia babestu du. ELA sindikatuak “euskararen aurka antolatutako kanpaina” baten parte izatea leporatu dio CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzeko erabakia hartu izana.
CCOO Korrikatik kanpo geratu da AEK-k lekukoa ez eramateko erabakia hartu ostean, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.