Sindikatuek esan dute ez direla ikastetxeetara itzuliko osasun bermerik gabe
Eusko Jaurlaritzak maiatzaren 18rako iragarri zuen ikastetxeen irekiera, baina gaur sindikatuek esan dute langileak ez direla eskolara bueltatuko osasun bermerik gabe, eta Hezkuntza Sailari itzulerarako baldintzak negoziatzeko deia egin diote.
ELA, LAB, CCOO, UGT eta STEILAS sindikatuek ohar bateratua argitaratu dute, Cristina Uriarte sailburuak atzo aurkeztu zuen plana langileen ordezkariekin eztabaidatu eta adostu ez dutela kritikatuz.
Sindikatuen iritzian, egun ez dago baldintza nahikorik langileen eta ikasleen itzulera segurtasunez egingo dela ziurtatzeko.
"Segurtasunari lotutako irizpide orokor batzuk aipatzen ditu, baina ez da nahikoa. Aplikatu beharreko neurri horiek zentroekin hitz egin gabe eta horiek guztiak martxan jartzeko behar diren baliabideak aurreikusi gabe ezarri ditu, ardura guztia ikastetxe bakoitzeko zuzendaritzaren esku utzita. Inprobisazioarekin eta arinegi egindako plana da", ohartarazi dute.
Gauzak horrela, sindikatuek adierazi dute "arduragabekeria" izango litzatekeela maiatzaren 18rako prestatu duten plana indarrean jartzea, "langileen eta ikasleen osasuna arriskuan egon litzatekeelako, eta, ondorioz, baita gizarte osoarena ere".
Ildo horretan, plan hori atzera botatzeko eta proposamen berria langileen ordezkariekin lantzeko eskatuko diote Hezkuntza Sailari. Hala egin ezean, mobilizazioak bultzatuko dituzte.
Ikastetxeek ere bermeak exijitu dituzte
Bestalde, Euskal Eskola Publikoko Zuzendarien Elkarteak (HEIZE) ere oharra kaleratu du ostiral honetan itzulera pertsona guztien osasuna bermatuta gauzatu behar dela azpimarratuta.
Elkarlanerako borondatea agertuta, neurri zehatzak ezarri behar direla esan du, eta, besteak bestek, hauek aipatu ditu: laneko arriskuen planaren baitan protokolo zehatzak lantzea; babeserako ekipamendu indibidualak bermatzea; langile guztiei koronabirusa detektatzeko testak egitea; instalazioak eta ikasleen garraiorako autobusak garbitzea eta desinfektatzea; eta pertsonen arteko distantzia betetzea.
Horrez gain, eskolan sartzeko eta irteteko ordutegiak malgutzea galdegin dute, pilaketak saihesteko eta instalazioetan mugimenduak kontrolatu ahal izateko.
Administrazioak segurtasuna bermatzeko baliabideak ematen ez baditu, zuzendariek azpimarratu dute zentroak ez direla ikasle eta langileek izan ditzaketen osasun arazoen erantzule egingo.
Albiste gehiago gizartea
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.