1 fasea "zorrotzagoa" izango da EAEn, eta udalerrira mugatuko da mugikortasuna
Datorren astelehenean, maiatzak 11, Euskal Autonomia Erkidegoan hasiko den deseskalatzearen 1 faseari dagokionez, Euskadin irizpide "zorrotzagoak" ezarriko direla iragarri du Arantxa Tapia Eusko Jaurlaritzako Garapen Ekonomikorako eta Azpiegituren sailburuak. Gauzak horrela, bizi diren "udalerri berean bakarrik" mugitu ahalko dira herritarrak eta, "salbuespenak salbuespen, Lurralde Historiko berdinean".
Lurralde arteko mugikortasunari dagokionez, debekatuta jarraitzen du, eta "bakarrik ohiko lan-harremanen kasuetan", gertuko udalerrietara mugitu ahalko gara.
Nekane Murga Osasun sailburuarekin prentsaurrekoa eskaini du Tapiak, COVID-19aren azken datuak eta 1 faseak dakartzan aldaketak jakitera emateko.
Zentzu horretan, Iñigo Urkullu lehendakariak ostiral honetan aurkeztutako Bizi Berri Plana gogoratu du Tapiak, eta Euskadik malgutze neurriak eskura izango dituela azpimarratu du. Hortaz, "Eusko Jaurlaritzak eta Espainiako Gobernuak adostutakoaren arabera, 1 faseak Euskal Autonomia Erkidegoan baldintza diferente batzuk izango ditu".
Deseskalatzearen 1 fasearen baldintzak. Iturria: Eusko Jaurlaritza
"Euskadin, 1 faserako, Espainiako Estatuan baino neurri zorrotzagoen alde egiten dugu. Aurrera egin nahi dugu apurka-apurka, berme guztiekin, eta guztiok batera, zailtasunaz jabetuta eta arriskurik hartu gabe", gaineratu du.
Hori dela eta, mugikortasuna murritzagoa izango da Euskadin, eta "bizi den udalerri berean bakarrik mugitu ahalko da herritarra, eta salbuespenak salbuespen, Lurralde Historiko berdinean".
Izan ere, lurralde arteko mugikortasunari dagokionez, debekatuta jarraitzen du, eta "bakarrik ohiko lan-harremanen kasuetan", gertuko udalerrietara mugitu ahalko dira herritarrak. Esaterako, Eibarko eta Ermuko kasuak. "Bakoitza bere udalerrian geratu beharko da, mugikortasun mugekin eta ordutegi-tarteekin oraindik bizi garelako", azpimarratu du Tapiak. Lurralde arteko mugikortasunari dagokionez, "bakarrik behar-beharrezkoa den kasuetan", gaineratu du.
Garraio publikoa, aisialdia, kultura eta kirolak
Bestalde, garraio publikoa bakarrik lanera joateko erabili dezakete herritarrek, eta "ez, aisialdi arrazoiengatik, udalerri batetik bestera mugitzeko". Gainera, "maskaren erabilera derrigorrezkoa izango da, eta geltoki itxietan erabiltzaileei temperatura neurtuko zaie".
Azkenik, Tapiak iragarri du, Euskadiren kasuan, ez dela "kulturarekin, aisialdiarekin edo kirolarekin lotutako jarduerarik baimenduko". Bakarrik egin daiteke kirola aire librean, eta ez dela irekiko "pertsonak bildu ditzaketen" azpiegiturarik.
Euskal hauteskundeak
Uztailean EAEko hauteskundeak egiteko aukeraz galdetuta Tapiak adierazi duenez, "Euskadin gauzak ondo eginez gero, mugikortasun murriztapenak eta Osasun Saileko gomendioak errespetatuta, fase batetik bestera igaroko gara eta uztailean hauteskundeak egiteko prest egongo gara".
Bi gauza desberdindu behar direla zehaztu du sailburuak: "gauza bat da baimena eta hauteskundeak egiteko aukera, eta beste gauza bat da hori egitea baimentzen duten osasun eta segurtasun baldintzak izatea". Dena dela, "gaur egun, goizegi da hori esateko", ondorioztatu du.
Zure interesekoa izan daiteke
Hilda topatu dute Arredondon, Kantabrian, desagertutako mendizale bilbotarra
Goizeko lehen orduan aurkitu dute haren ibilgailua, eta, horri esker, mendizalea inguru horretan zebilela baieztatu, eta bilaketa-eremua mugatu dute.
Iruñea kolorez eta euskararen aldeko aldarrikapenez bete du Korrikak
Milaka lagun korrika ibili dira Nafarroako hiriburuko kale eta auzoetan barrena, euskararen aldeko festa jendetsu bihurtuta. Adin guztietako pertsonak bildu dira Iruñean, indarrak hartu ondoren, kaleak energiaz, emozioz eta konpromisoz betez.
Albaceteko zale batekin eztabaidatu ostean hil den Racingeko zale baten heriotza ikertzen ari dira
Ikerketaren gertuko iturriek baieztatu dutenez, gertakariaren jatorria ez dago futbolarekin lotuta, ezta bi taldeetako jarraitzaileen arteko borrokaldi antolatu batekin ere.
EITBk Korrikaren lekukoa eraman du Iruñean
Euskararen aldeko lasterketak EITBren babesa jaso du aurten ere. 24. Korrikaren 763. kilometroa korritu du EITBk, Iruñean, Sadar kalean. Arnaitz Fernandez ("Eguraldia") eta Amaiur Elizari ("Navarra Hoy") aurkezleek eta Iruñeko egoitzako lankideek eraman dute lekukoa Nafarroako hiriburuan.
Arrazakeriaren aurkako 29. martxak etorkinen erroldatzeko eskubidearen alde egin du
500 bat lagunek hartu dute parte gaur Pasaia eta Donostia arteko manifestazioan. SOS Arrazakeriak Arrazakeriaren eta Xenofobiaren aurka antolatutako XXIX. Martxan, etorkinek erroldatzeko eskubidea dutela aldarrikatu dute.
El Bocal kostaldeko pasabidean hildakoak gogoratzeko eta justizia eskatzeko protesta egin dute Santanderren
El Bocaleko pasabidean izandako ezbeharrean hildako sei gazteak gogoratzeko eta justizia eskatzeko protesta egin dute ehunka pertsonak eta kolektibok Santanderren. "Egiaren eta biktimen duintasunaren alde" lelopean, hirigunea zeharkatu dute udaletxeraino, eta bertan manifestu bat irakurri dute haien omenez.
Gizon bat atxilotu dute Bilboko Zorrotza auzoan, bi edukiontzi erretzea egotzita, eta beste zortzi erre ote dituen ikertzen ari dira
Atxilotuak bi edukiontzi erre dituela aitortu du. Sua bizkortzeko asmoz manipulatutako metxero bat zeraman aldean atxilotu dutenean.
Angulen legez kanpoko trafikoaren aurkako operazioa 10 atxiloturekin eta 400 kilo atzemanda amaitu da
Guardia Zibilak eta Jendarmeriak elkarlanean egindako operazioan, Gipuzkoan eta Iparraldean aritzen zen talde bat desegin dute.
Bartzelonan, Madrilen eta Berlinen ere Korrika!
Korrikak ez duela mugarik erakutsi du berriz ere. Larunbat honetan ehunka lagun bildu dira Bartzelonan, Madrilen eta Berlinen euskararen alde korrika egiteko. Tradizio bihurtzen ari da Euskal Herritik kanpo ere korrika egitea eta auten 50 hiri handitan antolatu dute hitzordua. Ikusmin handia eragin dute inguruan zebiltzan herritarren eta turisten artean.
Ehun bat polizia atxilotu edo ikertu dituzte Espainian azken bost urteetan, narkotrafikoarekin lotura izateagatik
EH Bilduk egindako galdera bati erantzunez, Espainiako Gobernuak jakinarazi du 106 agente atxilotu edo ikertu dituztela 2021eaz geroztik, baina ez du zehaztu zein polizia zerbitzutakoa den ikertutako edo atxilotutako pertsona bakoitza.